Demosthenes, Speeches, Περὶ Ἁλοννήσου 28:

παραπλήσιοι δ’ ἦσαν οἷσ καὶ νῦν ἐπέσταλκε Φίλιπποσ· ἐγκαλῶν γὰρ ἡμῖν τοῖσ διαβάλλουσι τὸν Φίλιππον, καὶ ὑμῖν ἐμέμφετο ὅτι ὡρμηκότοσ αὐτοῦ εὖ ποιεῖν ὑμᾶσ καὶ προῃρημένου μάλιστα τῶν Ἑλλήνων φίλουσ κεκτῆσθαι αὐτοὶ κωλύετε, ἀποδεχόμενοι τοὺσ λόγουσ τῶν συκοφαντούντων καὶ χρήματα ἐκεῖνον αἰτούντων καὶ διαβαλλόντων· τοὺσ γὰρ τοιούτουσ λόγουσ, ὅταν ἀπαγγελλόντων ἀκούῃ, ὅτι κακῶσ ἤκουεν, ὑμεῖσ δ’ ἀπεδέχεσθε, μεταβάλλειν αὐτοῦ τὴν γνώμην, ὅταν ἄπιστοσ φαίνηται τούτοισ ὧν προῄρηται εὐεργέτησ εἶναι.