Demosthenes, Speeches, Κατὰ Φιλίππου Β 33:

καὶ οὐ τοῦτ’ ἔστ’ ἄτοπον, εἰ Μεσσήνιοι καὶ Πελοποννησίων τινὲσ παρ’ ἃ τῷ λογισμῷ βέλτισθ’ ὁρῶσί τι πράξουσιν, ἀλλ’ ὑμεῖσ οἱ καὶ συνιέντεσ αὐτοὶ καὶ τῶν λεγόντων ἀκούοντεσ ἡμῶν, ὡσ ἐπιβουλεύεσθε, ὡσ περιστοιχίζεσθε, ἐκ τοῦ μηδὲν ἤδη ποιῆσαι λήσεθ’, ὡσ ἐμοὶ δοκεῖ, πάνθ’ ὑπομείναντεσ· οὕτωσ ἡ παραυτίχ’ ἡδονὴ καὶ ῥᾳστώνη μεῖζον ἰσχύει τοῦ ποθ’ ὕστερον συνοίσειν μέλλοντοσ.