Demosthenes, Speeches, Κατὰ Φιλίππου Β 16:

ἀλλὰ νὴ Δί’, εἴποι τισ ἂν ὡσ πάντα ταῦτ’ εἰδώσ, οὐ πλεονεξίασ ἕνεκ’ οὐδ’ ὧν ἐγὼ κατηγορῶ τότε ταῦτ’ ἔπραξεν, ἀλλὰ τῷ δικαιότερα τοὺσ Θηβαίουσ ἢ ὑμᾶσ ἀξιοῦν. ἀλλὰ τοῦτον καὶ μόνον πάντων τῶν λόγων οὐκ ἔνεστιν αὐτῷ νῦν εἰπεῖν· ὁ γὰρ Μεσσήνην Λακεδαιμονίουσ ἀφιέναι κελεύων, πῶσ ἂν Ὀρχομενὸν καὶ Κορώνειαν τότε Θηβαίοισ παραδοὺσ τῷ δίκαια νομίζειν ταῦτ’ εἶναι πεποιηκέναι σκήψαιτο;