Demosthenes, Speeches, Κατὰ Φιλίππου Β 10:

εἶδε τοῦτ’ ὀρθῶσ, ὅτι τῇ μὲν ἡμετέρᾳ πόλει καὶ τοῖσ ἤθεσι τοῖσ ἡμετέροισ οὐδὲν ἂν ἐνδείξαιτο τοσοῦτον οὐδὲ ποιήσειεν, ὑφ’ οὗ πεισθέντεσ ὑμεῖσ τῆσ ἰδίασ ἕνεκ’ ὠφελείασ τῶν ἄλλων τινὰσ Ἑλλήνων ἐκείνῳ προοῖσθε, ἀλλὰ καὶ τοῦ δικαίου λόγον ποιούμενοι, καὶ τὴν προσοῦσαν ἀδοξίαν τῷ πράγματι φεύγοντεσ, καὶ πάνθ’ ἃ προσήκει προορώμενοι, ὁμοίωσ ἐναντιώσεσθε, ἄν τι τοιοῦτ’ ἐπιχειρῇ πράττειν, ὥσπερ ἂν εἰ πολεμοῦντεσ τύχοιτε.