Demosthenes, Speeches, Κατὰ Φιλίππου Α 56:

οὐ γὰρ ἔστιν, οὐκ ἔστιν ἕν’ ἄνδρα δυνηθῆναί ποτε ταῦθ’ ὑμῖν πρᾶξαι πάνθ’ ὅσα βούλεσθε· ὑποσχέσθαι μέντοι καὶ φῆσαι καὶ τὸν δεῖν’ αἰτιάσασθαι καὶ τὸν δεῖν’ ἔστι, τὰ δὲ πράγματ’ ἐκ τούτων ἀπόλωλεν· ὅταν γὰρ ἡγῆται μὲν ὁ στρατηγὸσ ἀθλίων ἀπομίσθων ξένων, οἱ δ’ ὑπὲρ ὧν ἂν ἐκεῖνοσ πράξῃ πρὸσ ὑμᾶσ ψευδόμενοι ῥᾳδίωσ ἐνθάδ’ ὦσιν, ὑμεῖσ δ’ ἐξ ὧν ἂν ἀκούσηθ’ ὅ τι ἂν τύχητε ψηφίζησθε, τί καὶ χρὴ προσδοκᾶν;