Demosthenes, Speeches, Κατὰ Φιλίππου Α 46:

τὸν γὰρ τοῦ πράττειν χρόνον εἰσ τὸ παρασκευάζεσθαι ἀναλίσκομεν, οἱ δὲ τῶν πραγμάτων οὐ μένουσι καιροὶ τὴν ἡμετέραν βραδυτῆτα καὶ εἰρωνείαν. ἃσ δὲ τὸν μεταξὺ χρόνον δυνάμεισ οἰόμεθ’ ἡμῖν ὑπάρχειν, οὐδὲν οἱαῖ́ τ’ οὖσαι ποιεῖν ἐπ’ αὐτῶν τῶν καιρῶν ἐξελέγχονται. ὁ δ’ εἰσ τοῦθ’ ὕβρεωσ ἐλήλυθεν ὥστ’ ἐπιστέλλειν Εὐβοεῦσιν ἤδη τοιαύτασ ἐπιστολάσ. Ἐπιστολῆσ Ἀνάγνωσισ τούτων, ὦ ἄνδρεσ Ἀθηναῖοι, τῶν ἀνεγνωσμένων ἀληθῆ μέν ἐστι τὰ πολλά, ὡσ οὐκ ἔδει, οὐ μὴν ἀλλ’ ἴσωσ οὐχ ἡδέ’ ἀκούειν.