Demosthenes, Speeches, Ὀλυνθιακὸσ Β 26:

καίτοι ταῦτα, καὶ εἰ μικρά τισ ἡγεῖται, μεγάλ’, ὦ ἄνδρεσ Ἀθηναῖοι, δείγματα τῆσ ἐκείνου γνώμησ καὶ κακοδαιμονίασ ἐστὶ τοῖσ εὖ φρονοῦσιν. ἀλλ’, οἶμαι, νῦν μὲν ἐπισκοτεῖ τούτοισ τὸ κατορθοῦν· αἱ γὰρ εὐπραξίαι δειναὶ συγκρύψαι τὰ τοιαῦτ’ ὀνείδη· εἰ δέ τι πταίσει, τότ’ ἀκριβῶσ αὐτοῦ ταῦτ’ ἐξετασθήσεται. δοκεῖ δ’ ἔμοιγ’, ὦ ἄνδρεσ Ἀθηναῖοι, δείξειν οὐκ εἰσ μακράν, ἂν οἵ τε θεοὶ θέλωσι καὶ ὑμεῖσ βούλησθε.