Demosthenes, Speeches, Κατὰ Φιλίππου Δ 58:

ὄντων δ’, ὦ ἄνδρεσ Ἀθηναῖοι, τῶν παρόντων πραγμάτων πᾶσιν, ὡσ ἐγὼ κρίνω, φοβερῶν, οὐδένεσ ἐν μείζονι κινδύνῳ τῶν πάντων εἰσὶν ὑμῶν, οὐ μόνον τῷ μάλισθ’ ὑμῖν ἐπιβουλεύειν Φίλιππον, ἀλλὰ καὶ τῷ πάντων ἀργότατ’ αὐτοὶ διακεῖσθαι. εἰ τοίνυν τὸ τῶν ὠνίων πλῆθοσ ὁρῶντεσ καὶ τὴν εὐετηρίαν τὴν κατὰ τὴν ἀγοράν, τούτοισ κεκήλησθ’ ὡσ ἐν οὐδενὶ δεινῷ τῆσ πόλεωσ οὔσησ, οὔτε προσηκόντωσ οὔτ’ ὀρθῶσ τὸ πρᾶγμα κρίνετε·