Demosthenes, Speeches, Κατὰ Φιλίππου Δ 22:

μὴ τοίνυν ζητεῖθ’ ὅντιν’ ἀνθ’ ὧν Φίλιπποσ ἐξαμαρτάνει μισήσετε καὶ τοῖσ παρ’ ἐκείνου μισθαρνοῦσι διασπάσασθαι παραβαλεῖτε· μηδ’ αὐτοὶ χειροτονήσαντεσ πόλεμον βούλεσθε παρ’ αὐτοῖσ ὑμῖν ἐρίζειν, εἰ δέον ἢ μὴ δέον ὑμᾶσ τοῦτο πεποιηκέναι· ἀλλ’ ὃν ἐκεῖνοσ πολεμεῖ τρόπον, τοῦτον μιμεῖσθε, τοῖσ μὲν ἀμυνομένοισ ἤδη χρήματα καὶ τἄλλ’ ὅσων δέονται διδόντεσ, αὐτοὶ δ’ εἰσφέροντεσ, ὦ ἄνδρεσ Ἀθηναῖοι, καὶ κατασκευαζόμενοι στράτευμα, τριήρεισ ταχείασ, ἵππουσ, ἱππαγωγούσ, τἄλλ’ ὅσ’ εἰσ πόλεμον·