호흡부호 보기
강세부호 보기
장단부호 보기
작은 Iota 보기
모든 부호 보기
Πολλὰ δὲ καὶ ἄλλα οἶδα ἀναγεγραμμένα ὑπὲρ τῆσ Ἀλεξάνδρου τελευτῆσ, καὶ φάρμακον ὅτι ἐπέμφθη παρὰ Ἀντιπάτρου Ἀλεξάνδρῳ καὶ ἐκ τοῦ φαρμάκου ὅτι ἀπέθανε· καὶ τὸ φάρμακον ὅτι Ἀριστοτέλησ μὲν Ἀντιπάτρῳ ἐξεῦρε δεδοικὼσ ἤδη Ἀλέξανδρον Καλλισθένουσ ἕνεκα, Κάσανδροσ δὲ ὁ Ἀντιπάτρου ἐκόμισεν· οἱ δὲ καὶ ὅτι ἐν ἡμιόνου ὁπλῇ ἐκόμισε καὶ τοῦτο ἀνέγραψαν. δοῦναι δὲ αὐτὸ Ιὄλλαν τὸν ἀδελφὸν τὸν Κασάνδρου τὸν νεώτερον· εἶναι γὰρ οἰνοχόον βασιλικὸν τὸν Ιὄλλαν καί τι καὶ λελυπῆσθαι πρὸσ Ἀλεξάνδρου ὀλίγῳ πρόσθεν τῆσ τελευτῆσ·
οἱ δὲ καὶ Μήδιον μετασχεῖν τοῦ ἔργου, ἐραστὴν ὄντα τοῦ Ιὄλλα· καὶ αὐτὸν γὰρ εἶναι τὸν εἰσηγητὴν γενόμενον Ἀλεξάνδρῳ τοῦ κώμου· ὀδύνην τε αὐτῷ ἐπὶ τῇ κύλικι γενέσθαι ὀξεῖαν, καὶ ἐπὶ τῇ ὀδύνῃ ἀπαλλαγῆναι ἐκ τοῦ πότου. ἤδη δέ τισ οὐκ ᾐσχύνθη ἀναγράψαι ὅτι αἰσθόμενοσ οὐ βιώσιμον ὄντα αὑτὸν Ἀλέξανδροσ ἐσ τὸν Εὐφράτην ποταμὸν ᾔει ἐμβαλῶν, ὡσ ἀφανὴσ ἐξ ἀνθρώπων γενόμενοσ πιστοτέραν τὴν δόξαν παρὰ τοῖσ ἔπειτα ἐγκαταλείποι ὅτι ἐκ θεοῦ τε αὐτῷ ἡ γένεσισ ξυνέβη καὶ παρὰ θεοὺσ ἡ ἀποχώρησισ.
Ῥωξάνην δὲ τὴν γυναῖκα οὐ λαθεῖν ἐξιόντα, ἀλλὰ εἰργόμενον γὰρ πρὸσ αὐτῆσ ἐποιμώξαντα εἰπεῖν ὅτι ἐφθόνησεν ἄρα αὐτῷ δόξησ τῆσ ἐσ ἅπαν, ὡσ θεῷ δὴ γεγενημένῳ. καὶ ταῦτα ἐμοὶ ὡσ μὴ ἀγνοεῖν δόξαιμι μᾶλλον ὅτι λεγόμενά ἐστιν ἢ ὡσ πιστὰ ἐσ ἀφήγησιν ἀναγεγράφθω.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기