헬라어 문장 검색 - Αρριαν́Αναβασί7́27́

(아리아노스, Anabasis, book 7, chapter 27)

Πολλὰ δὲ καὶ ἄλλα οἶδα ἀναγεγραμμένα ὑπὲρ τῆσ Ἀλεξάνδρου τελευτῆσ, καὶ φάρμακον ὅτι ἐπέμφθη παρὰ Ἀντιπάτρου Ἀλεξάνδρῳ καὶ ἐκ τοῦ φαρμάκου ὅτι ἀπέθανε· καὶ τὸ φάρμακον ὅτι Ἀριστοτέλησ μὲν Ἀντιπάτρῳ ἐξεῦρε δεδοικὼσ ἤδη Ἀλέξανδρον Καλλισθένουσ ἕνεκα, Κάσανδροσ δὲ ὁ Ἀντιπάτρου ἐκόμισεν· οἱ δὲ καὶ ὅτι ἐν ἡμιόνου ὁπλῇ ἐκόμισε καὶ τοῦτο ἀνέγραψαν. δοῦναι δὲ αὐτὸ Ιὄλλαν τὸν ἀδελφὸν τὸν Κασάνδρου τὸν νεώτερον· εἶναι γὰρ οἰνοχόον βασιλικὸν τὸν Ιὄλλαν καί τι καὶ λελυπῆσθαι πρὸσ Ἀλεξάνδρου ὀλίγῳ πρόσθεν τῆσ τελευτῆσ·

οἱ δὲ καὶ Μήδιον μετασχεῖν τοῦ ἔργου, ἐραστὴν ὄντα τοῦ Ιὄλλα· καὶ αὐτὸν γὰρ εἶναι τὸν εἰσηγητὴν γενόμενον Ἀλεξάνδρῳ τοῦ κώμου· ὀδύνην τε αὐτῷ ἐπὶ τῇ κύλικι γενέσθαι ὀξεῖαν, καὶ ἐπὶ τῇ ὀδύνῃ ἀπαλλαγῆναι ἐκ τοῦ πότου. ἤδη δέ τισ οὐκ ᾐσχύνθη ἀναγράψαι ὅτι αἰσθόμενοσ οὐ βιώσιμον ὄντα αὑτὸν Ἀλέξανδροσ ἐσ τὸν Εὐφράτην ποταμὸν ᾔει ἐμβαλῶν, ὡσ ἀφανὴσ ἐξ ἀνθρώπων γενόμενοσ πιστοτέραν τὴν δόξαν παρὰ τοῖσ ἔπειτα ἐγκαταλείποι ὅτι ἐκ θεοῦ τε αὐτῷ ἡ γένεσισ ξυνέβη καὶ παρὰ θεοὺσ ἡ ἀποχώρησισ.

Ῥωξάνην δὲ τὴν γυναῖκα οὐ λαθεῖν ἐξιόντα, ἀλλὰ εἰργόμενον γὰρ πρὸσ αὐτῆσ ἐποιμώξαντα εἰπεῖν ὅτι ἐφθόνησεν ἄρα αὐτῷ δόξησ τῆσ ἐσ ἅπαν, ὡσ θεῷ δὴ γεγενημένῳ. καὶ ταῦτα ἐμοὶ ὡσ μὴ ἀγνοεῖν δόξαιμι μᾶλλον ὅτι λεγόμενά ἐστιν ἢ ὡσ πιστὰ ἐσ ἀφήγησιν ἀναγεγράφθω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 27

(아리아노스, Anabasis, book 7, chapter 27)

상위

목록

SEARCH

MENU NAVIGATION