헬라어 문장 검색 - Αρριαν́Αναβασί7́26́

(아리아노스, Anabasis, book 7, chapter 26)

Οὕτωσ ἐν ταῖσ ἐφημερίσι ταῖσ βασιλείοισ ἀναγέγραπται, καὶ ἐπὶ τούτοισ ὅτι οἱ στρατιῶται ἐπόθησαν ἰδεῖν αὐτόν, οἱ μέν, ὡσ ζῶντα ἔτι ἴδοιεν, οἱ δέ, ὅτι τεθνηκέναι ἤδη ἐξηγγέλλετο, ἐπικρύπτεσθαι δὲ αὐτοῦ ἐτόπαζον πρὸσ τῶν σωματοφυλάκων τὸν θάνατον, ὡσ ἔγωγε δοκῶ· τοὺσ πολλοὺσ δὲ ὑπὸ πένθουσ καὶ πόθου τοῦ βασιλέωσ βιάσασθαι ἰδεῖν Ἀλέξανδρον. τὸν δὲ ἄφωνον μὲν εἶναι λέγουσι παραπορευομένησ τῆσ στρατιᾶσ, δεξιοῦσθαι δὲ ὡσ ἑκάστουσ τήν τε κεφαλὴν ἐπαίροντα μόγισ καὶ τοῖν ὀφθαλμοῖν ἐπισημαίνοντα. λέγουσι δὲ αἱ ἐφημερίδεσ αἱ βασίλειοι ἐν τοῦ Σαράπιδοσ τῷ ἱερῷ Πείθωνά τε ἐγκοιμηθέντα καὶ Ἄτταλον καὶ Δημοφῶντα καὶ Πευκέσταν, πρὸσ δὲ Κλεομένην τε καὶ Μενίδαν καὶ Σέλευκον, ἐπερωτᾶν τὸν θεὸν εἰ λῷον καὶ ἄμεινον Ἀλεξάνδρῳ εἰσ τὸ ἱερὸν τοῦ θεοῦ κομισθέντα καὶ ἱκετεύσαντα θεραπεύεσθαι πρὸσ τοῦ θεοῦ·

καὶ γενέσθαι φήμην τινὰ ἐκ τοῦ θεοῦ μὴ κομίζεσθαι εἰσ τὸ ἱερόν, ἀλλὰ αὐτοῦ μένοντι ἔσεσθαι ἄμεινον. ταῦτά τε ἀπαγγεῖλαι τοὺσ ἑταίρουσ καὶ Ἀλέξανδρον οὐ πολὺ ὕστερον ἀποθανεῖν, ὡσ τοῦτο ἄρα ἤδη ὂν τὸ ἄμεινον.

οὐ πόρρω δὲ τούτων οὔτε Ἀριστοβούλῳ οὔτε Πτολεμαίῳ ἀναγέγραπται. οἱ δὲ καὶ τάδε ἀνέγραψαν, ἐρέσθαι μὲν τοὺσ ἑταίρουσ αὐτὸν ὅτῳ τὴν βασιλείαν ἀπολείπει, τὸν δὲ ὑποκρίνασθαι ὅτι τῷ κρατίστῳ· οἱ δέ, προσθεῖναι πρὸσ τούτῳ τῷ λόγῳ ὅτι μέγαν ἐπιτάφιον ἀγῶνα ὁρᾷ ἐφ αὑτῷ ἐσόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 26

(아리아노스, Anabasis, book 7, chapter 26)

상위

목록

SEARCH

MENU NAVIGATION