헬라어 문장 검색 - Αρριαν́Αναβασί7́24́

(아리아노스, Anabasis, book 7, chapter 24)

Ἀλλὰ γὰρ αὐτῷ ἤδη Ἀλεξάνδρῳ ἐγγὺσ ἦν τὸ τέλοσ. καί τι καὶ τοῖόνδε πρὸ τῶν μελλόντων σημῆναι λέγει Ἀριστόβουλοσ· καταλοχίζειν μὲν αὐτὸν τὴν στρατιὰν τὴν σὺν Πευκέστᾳ τε ἐκ Περσῶν καὶ ἀπὸ θαλάσσησ ξὺν Φιλοξένῳ καὶ Μενάνδρῳ ἥκουσαν ἐσ τὰσ Μακεδονικὰσ τάξεισ· διψήσαντα δὲ ἀποχωρῆσαι ἐκ τῆσ ἕδρασ καταλιπόντα ἔρημον τὸν θρόνον τὸν βασίλειον. εἶναι δὲ κλίνασ ἑκατέρωθεν τοῦ θρόνου ἀργυρόποδασ, ἐφ̓ ὧν οἱ ἀμφ̓ αὐτὸν ἑταῖροι ἐκάθηντο.

τῶν τινα οὖν ἠμελημένων ἀνθρώπων, οἱ δὲ καὶ τῶν ἐν φυλακῇ ἀδέσμῳ ὄντα λέγουσιν, ἔρημον ἰδόντα τὸν θρόνον καὶ τὰσ κλίνασ, περὶ τῷ θρόνῳ δὲ ἑστηκότασ τοὺσ εὐνούχουσ, καὶ γὰρ καὶ οἱ ἑταῖροι ξυνανέστησαν τῷ βασιλεῖ ἀποχωροῦντι, διελθόντα διὰ τῶν εὐνούχων ἀναβῆναί τε ἐπὶ τὸν θρόνον καὶ καθέζεσθαι. τοὺσ δὲ οὐκ ἀναστῆσαι μὲν αὐτὸν ἐκ τοῦ θρόνου κατὰ δή τινα νόμον Περσικόν, περιρρηξαμένουσ δὲ τύπτεσθαι τά τε στήθη καὶ τὰ πρόσωπα ὡσ ἐπὶ μεγάλῳ κακῷ.

ταῦτα ὡσ ἐξηγγέλθη Ἀλεξάνδρῳ, κελεῦσαι στρεβλωθῆναι τὸν καθίσαντα, μήποτε ἐξ ἐπιβουλῆσ ξυντεταγμένον τοῦτο ἔδρασε γνῶναι ἐθέλοντα. τὸν δὲ οὐδὲν ἄλλο κατειπεῖν ὅτι μὴ ἐπὶ νοῦν οἱ ἐλθὸν οὕτω πρᾶξαι· ᾗ δὴ καὶ μᾶλλον ἐπ̓ οὐδενὶ ἀγαθῷ ξυμβῆναι αὐτῷ οἱ μάντεισ ἐξηγοῦντο. Ἡμέραι τε οὐ πολλαὶ ἐπὶ τούτῳ ἐγένοντο καὶ τεθυκὼσ τοῖσ θεοῖσ τάσ τε νομιζομένασ θυσίασ ἐπὶ ξυμφοραῖσ ἀγαθαῖσ καί τινασ καὶ ἐκ μαντείασ εὐωχεῖτο ἅμα τοῖσ φίλοισ καὶ ἔπινε πόρρω τῶν νυκτῶν.

δοῦναι δὲ λέγεται καὶ τῇ στρατιᾷ ἱερεῖα καὶ οἶνον κατὰ λόχουσ καὶ ἑκατοστύασ. ἀπὸ δὲ τοῦ πότου αὐτὸν μὲν ἀπαλλάττεσθαι ἐθέλειν ἐπὶ κοιτῶνα εἰσὶν οἳ ἀνέγραψαν· Μήδιον δὲ αὐτῷ ἐντυχόντα, τῶν ἑταίρων ἐν τῷ τότε τὸν πιθανώτατον, δεηθῆναι κωμάσαι παρὰ οἷ· γενέσθαι γὰρ ἂν ἡδὺν τὸν κῶμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 24

(아리아노스, Anabasis, book 7, chapter 24)

상위

목록

SEARCH

MENU NAVIGATION