헬라어 문장 검색 - Αρριαν́Αναβασί7́22́

(아리아노스, Anabasis, book 7, chapter 22)

μαντείαν, ὅτι οὐδὲν πεπόνθοι ἐν Βαβυλῶνι ἄχαρι, καθάπερ ἐκεῖνοι ἐμαντεύσαντο, ἀλλὰ ἔφθη γὰρ ἐλάσασ ἔξω Βαβυλῶνοσ πρίν τι παθεῖν, ἀνέπλει αὖθισ κατὰ τὰ ἕλη θαρρῶν, ἐν ἀριστερᾷ ἔχων τὴν Βαβυλῶνα· ἵνα δὴ καὶ ἐπλανήθη αὐτῷ μέροσ τοῦ ναυτικοῦ κατὰ τὰ στενὰ ἀπορίᾳ ἡγεμόνοσ, πρίν γε δὴ αὐτὸσ πέμψασ τὸν ἡγησόμενον ἐπανήγαγεν αὐτοὺσ ἐσ τὸν πόρον. λόγοσ δὲ λέγεται τοῖόσδε. τῶν βασιλέων τῶν Ἀσσυρίων τοὺσ τάφουσ ἐν ταῖσ λίμναισ τε εἶναι τοὺσ πολλοὺσ καὶ ἐν τοῖσ ἕλεσι δεδομημένουσ.

ὡσ δὲ ἔπλει Ἀλέξανδροσ κατὰ τὰ ἕλη, κυβερνᾶν γὰρ αὐτὸν λόγοσ τὴν τριήρη, πνεύματοσ μεγάλου ἐμπεσόντοσ αὐτῷ ἐσ τὴν καυσίαν καὶ τὸ διάδημα αὐτῇ συνεχόμενον, τὴν μὲν δὴ οἱᾶ βαρυτέραν πεσεῖν ἐσ τὸ ὕδωρ, τὸ διάδημα δὲ ἀπενεχθὲν πρὸσ τῆσ πνοῆσ σχεθῆναι ἐν καλάμῳ· τὸν κάλαμον δὲ τῶν ἐπιπεφυκότων εἶναι τάφῳ τινὶ τῶν πάλαι βασιλέων. τοῦτό τε οὖν αὐτὸ πρὸ τῶν μελλόντων σημῆναι καὶ ὅτι τῶν τισ ναυτῶν ἐκνηξάμενοσ ὡσ ἐπὶ τὸ διάδημα ἀφελὼν τοῦ καλάμου αὐτὸ μετὰ χεῖρασ μὲν οὐκ ἤνεγκεν, ὅτι νηχομένου ἂν αὐτοῦ ἐβρέχετο, περιθεὶσ δὲ τῇ κεφαλῇ τῇ αὑτοῦ οὕτω διήνεγκε.

καὶ οἱ μὲν πολλοὶ τῶν ἀναγραψάντων τὰ Ἀλεξάνδρου λέγουσιν ὅτι τάλαντον μὲν ἐδωρήσατο αὐτῷ Ἀλέξανδροσ τῆσ προθυμίασ ἕνεκα, ἀποτεμεῖν δὲ ἐκέλευσε τὴν κεφαλήν, τῶν μάντεων ταύτῃ ἐξηγησαμένων, μὴ περιιδεῖν σώαν ἐκείνην τὴν κεφαλὴν ἥτισ τὸ διάδημα ἐφόρησε τὸ βασίλειον·

Ἀριστόβουλοσ δὲ τάλαντον μὲν ὅτι ἔλαβε λέγει αὐτόν, ἀλλὰ πληγὰσ λαβεῖν τῆσ περιθέσεωσ ἕνεκα τοῦ διαδήματοσ. Ἀριστόβουλοσ μὲν δὴ τῶν τινα Φοινίκων τῶν ναυτῶν λέγει ὅτι τὸ διάδημα τῷ Ἀλεξάνδρῳ ἐκόμισεν, εἰσὶ δὲ οἳ Σέλευκον λέγουσιν.

καὶ τοῦτο τῷ τε Ἀλεξάνδρῳ σημῆναι τὴν τελευτὴν καὶ τῷ Σελεύκῳ τὴν βασιλείαν τὴν μεγάλην. Σέλευκον γὰρ μέγιστον τῶν μετὰ Ἀλέξανδρον διαδεξαμένων τὴν ἀρχὴν βασιλέα γενέσθαι τήν τε γνώμην βασιλικώτατον καὶ πλείστησ γῆσ ἐπάρξαι μετά γε αὐτὸν Ἀλέξανδρον οὔ μοι δοκε ἰέναι ἐσ ἀμφίλογον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Anabasis, book 7, chapter 22

(아리아노스, Anabasis, book 7, chapter 22)

상위

목록

SEARCH

MENU NAVIGATION