헬라어 문장 검색 - Αρριαν́Αναβασί7́20́

(아리아노스, Anabasis, book 7, chapter 20)

Λόγοσ δὲ κατέχει ὅτι ἤκουεν Ἄραβασ δύο μόνον τιμᾶν θεούσ, τὸν Οὐρανόν τε καὶ τὸν Διόνυσον, τὸν μὲν Οὐρανὸν αὐτόν τε ὁρώμενον καὶ τὰ ἄστρα ἐν οἷ ἔχοντα τά τε ἄλλα καὶ τὸν ἥλιον, ἀφ̓ ὅτου μεγίστη καὶ φανοτάτη ὠφέλεια ἐσ πάντα ἥκει τὰ ἀνθρώπεια, Διόνυσον δὲ κατὰ δόξαν τῆσ ἐσ Ἰνδοὺσ στρατιᾶσ. οὔκουν ἀπαξιοῦν καὶ αὐτὸν τρίτον ἂν νομισθῆναι πρὸσ Ἀράβων θεόν, οὐ φαυλότερα ἔργα Διονύσου ἀποδειξάμενον, εἴπερ οὖν καὶ Ἀράβων κρατήσασ ἐπιτρέψειεν αὐτοῖσ, καθάπερ Ἰνδοῖσ, πολιτεύειν κατὰ τὰ σφῶν νόμιμα. τῆσ τε χώρασ ἡ εὐδαιμονία ὑπεκίνει αὐτόν, ὅτι ἤκουεν ἐκ μὲν τῶν λιμνῶν τὴν κασίαν γίγνεσθαι αὐτοῖσ, ἀπὸ δὲ τῶν δένδρων τὴν σμύρναν τε καὶ τὸν λιβανωτόν, ἐκ δὲ τῶν θάμνων τὸ κιννάμωμον τέμνεσθαι, οἱ λειμῶνεσ δὲ ὅτι νάρδον αὐτόματοι ἐκφέρουσι·

τό τε μέγεθοσ τῆσ χώρασ, ὅτι οὐκ ἐλάττων ἡ παράλιοσ τῆσ Ἀραβίασ ἤπερ ἡ τῆσ Ἰνδικῆσ αὐτῷ ἐξηγγέλλετο, καὶ νῆσοι αὐτῇ προσκεῖσθαι πολλαί, καὶ λιμένεσ πανταχοῦ τῆσ χώρασ ἐνεῖναι, οἱοῖ παρασχεῖν μὲν ὁρ́μουσ τῷ ναυτικῷ, παρασχεῖν δὲ καὶ πόλεισ ἐνοικισθῆναι καὶ ταύτασ γενέσθαι εὐδαίμονασ. Δύο δὲ νῆσοι κατὰ τὸ στόμα τοῦ Εὐφράτου πελάγιαι ἐξηγγέλλοντο αὐτῷ, ἡ μὲν πρώτη οὐ πρόσω τῶν ἐκβολῶν τοῦ Εὐφράτου, ἐσ ἑκατὸν καὶ εἴκοσι σταδίουσ ἀπέχουσα ἀπὸ τοῦ αἰγιαλοῦ τε καὶ τοῦ στόματοσ τοῦ ποταμοῦ, μικροτέρα αὕτη καὶ δασεῖα λὑῄ παντοίᾳ·

εἶναι δὲ ἐν αὐτῇ καὶ ἱερὸν Ἀρτέμιδοσ καὶ τοὺσ οἰκήτορασ αὐτῆσ ἀμφὶ τὸ ἱερὸν τὴν δίαιταν ποιεῖσθαι· νέμεσθαί τε αὐτὴν αἰξί τε ἀγρίαισ καὶ ἐλάφοισ, καὶ ταύτασ ἀνεῖσθαι ἀφέτουσ τῇ Ἀρτέμιδι, οὐδὲ εἶναι θέμισ θήραν ποιεῖσθαι ἀπ̓ αὐτῶν, ὅτι μὴ θῦσαί τινα τῇ θεῷ ἐθέλοντα ἐπὶ τῷδε θηρᾶν μόνον·

ἐπὶ τῷδε γὰρ οὐκ εἶναι ἀθέμιτον. καὶ ταύτην τὴν νῆσον λέγει Ἀριστόβουλοσ ὅτι Ἴκαρον ἐκέλευσε καλεῖσθαι Ἀλέξανδροσ ἐπὶ τῆσ νήσου τῆσ Ἰκάρου τῆσ ἐν τῷ Αἰγαίῳ πόντῳ, ἐσ ἥντινα Ἴκαρον τὸν Δαιδάλου τακέντοσ τοῦ κηροῦ ὅτῳ προσήρτητο τὰ πτερὰ πεσεῖν λόγοσ κατέχει, ὅτι οὐ κατὰ τὰσ ἐντολὰσ τοῦ πατρὸσ πρὸσ τῇ γῇ ἐφέρετο, ἀλλὰ μετέωροσ γὰρ ὑπὸ ἀνοίασ πετόμενοσ παρέσχε τῷ ἡλίῳ θάλψαι τε καὶ ἀνεῖναι τὸν κηρόν, καὶ ἀπὸ ἑαυτοῦ τὸν Ἴκαρον τῇ τε νήσῳ καὶ τῷ πελάγει τὴν ἐπωνυμίαν ἐγκαταλιπεῖν τὴν μὲν Ἴκαρον καλεῖσθαι, τὸ δὲ Ἰκάριον.

ἡ δὲ ἑτέρα νῆσοσ ἀπέχειν μὲν ἀπὸ τοῦ στόματοσ τοῦ Εὐφράτου ἐλέγετο ὅσον πλοῦν ἡμέρασ καὶ νυκτὸσ κατ̓ οὖρον θεούσῃ νηΐ·

Τύλοσ δὲ αὐτῇ εἶναι ὄνομα· μεγάλη δὲ εἶναι καὶ οὔτε τραχεῖα ἡ πολλὴ οὔτε ὑλώδησ, ἀλλ̓ οἱά καρπούσ τε ἡμέρουσ ἐκφέρειν καὶ πάντα ὡραῖα. Ταυτὶ ἀπηγγέλθη Ἀλεξάνδρῳ τὰ μὲν πρὸσ Ἀρχίου, ὃσ ξὺν τριακοντόρῳ ἐκπεμφθεὶσ ἐπὶ κατασκοπὴν τοῦ παράπλου τοῦ ὡσ ἐπὶ τοὺσ Ἄραβασ μέχρι μὲν τῆσ νήσου τῆσ Τύλου ἦλθε, τὸ πρόσω δὲ οὐκέτι περαιωθῆναι ἐτόλμησεν·

Ἀνδροσθένησ δὲ ξὺν ἄλλῃ τριακοντόρῳ σταλεὶσ καὶ τῆσ χερρονήσου τι τῶν Ἀράβων παρέπλευσε· μακροτάτω δὲ τῶν ἐκπεμφθέντων προὐχώρησεν Ιἕρων ὁ Σολεὺσ ὁ κυβερνήτησ, λαβὼν καὶ οὗτοσ παῤ Ἀλεξάνδρου τριακόντορον. ἦν μὲν γὰρ αὐτῷ προστεταγμένον περιπλεῦσαι τὴν χερρόνησον τὴν Ἀράβων πᾶσαν ἔστε ἐπὶ τὸν κόλπον τὸν πρὸσ Αἰγύπτῳ τὸν Ἀράβιον τὸν καθ̓ Ἡρώων πόλιν·

οὐ μὴν ἐτόλμησέ γε τὸ πρόσω ἐλθεῖν, καίτοι ἐπὶ τὸ πολὺ παραπλεύσασ τὴν Ἀράβων γῆν· ἀλλ̓ ἀναστρέψασ γὰρ παῤ Ἀλέξανδρον ἐξήγγειλεν τὸ μέγεθόσ τε τῆσ χερρονήσου θαυμαστόν τι εἶναι καὶ ὅσον οὐ πολὺ ἀποδέον τῆσ Ἰνδῶν γῆσ, ἄκραν τε ἀνέχειν ἐπὶ πολὺ τῆσ μεγάλησ θαλάσσησ· ἣν δὴ καὶ τοὺσ σὺν Νεάρχῳ ἀπὸ τῆσ Ἰνδικῆσ πλέοντασ, πρὶν ἐπικάμψαι ἐσ τὸν κόλπον τὸν Περσικόν, οὐ πόρρω ἀνατείνουσαν ἰδεῖν τε καὶ παῤ ὀλίγον ἐλθεῖν διαβαλεῖν ἐσ αὐτήν, καὶ Ὀνησικρίτῳ τῷ κυβερνήτῃ ταύτῃ δοκοῦν·

ἀλλὰ Νέαρχοσ λέγει ὅτι αὐτὸσ διεκώλυσεν, ὡσ ἐκπεριπλεύσασ τὸν κόλπον τὸν Περσικὸν ἔχοι ἀπαγγεῖλαι Ἀλεξάνδρῳ ἐφ̓ οἷστισι πρὸσ αὐτοῦ ἐστάλη· οὐ γὰρ ἐπὶ τῷ πλεῦσαι τὴν μεγάλην θάλασσαν ἐστάλθαι, ἀλλ̓ ἐπὶ τῷ καταμαθεῖν τὴν χώραν τὴν προσεχῆ τῇ θαλάσσῃ καὶ τοὺσ κατοικοῦντασ αὐτὴν ἀνθρώπουσ, ὁρ́μουσ τε ἐν αὐτῇ καὶ ὕδατα καὶ τὰ νόμαια τῶν ἀνδρῶν καὶ εἴ τισ ἀγαθὴ καρποὺσ ἐκφέρειν ἢ εἴ τισ κακή·

καὶ οὖν καὶ τοῦτο αἴτιον γενέσθαι ἀποσωθῆναι Ἀλεξάνδρῳ τὸν στρατόν· οὐ γὰρ ἂν σωθῆναι πλεύσαντασ ὑπὲρ τῆσ Ἀραβίασ τὰ ἔρημα, ἐφ̓ ὅτῳ καὶ ὁ Ιἕρων ἐπιστρέψαι ὀπίσω λέγεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 20

(아리아노스, Anabasis, book 7, chapter 20)

상위

목록

SEARCH

MENU NAVIGATION