헬라어 문장 검색 - Αρριαν́Αναβασί7́17́

(아리아노스, Anabasis, book 7, chapter 17)

Ἦν δέ τι καὶ ὕποπτον αὐτῷ ἐσ τοὺσ Χαλδαίουσ, ὡσ οὐ κατὰ μαντείαν τι μᾶλλον ἢ ἐσ ὠφέλειαν τὴν αὑτῶν φέροι αὐτοῖσ ἡ κώλυσισ τῆσ Ἀλεξάνδρου ἐσ Βαβυλῶνα ἐν τῷ τότε ἐλάσεωσ. ὁ γὰρ τοῦ Βήλου νεὼσ ἐν μέσῃ τῇ πόλει ἦν τῶν Βαβυλωνίων, μεγέθει τε μέγιστοσ καὶ ἐκ πλίνθου ὀπτῆσ ἐν ἀσφάλτῳ ἡρμοσμένησ. τοῦτον τὸν νεών, ὥσπερ καὶ τὰ ἄλλα ἱερὰ τὰ Βαβυλωνίων, Ξέρξησ κατέσκαψεν, ὅτε ἐκ τῆσ Ἑλλάδοσ ὀπίσω ἀπενόστησεν·

Ἀλέξανδροσ δὲ ἐν νῷ εἶχεν ἀνοικοδομεῖν οἱ μὲν λέγουσιν ὅτι ἐπὶ τοῖσ θεμελίοισ τοῖσ πρόσθεν, καὶ τούτου ἕνεκα τὸν χοῦν ἐκφέρειν ἐκέλευε τοὺσ Βαβυλωνίουσ, οἱ δέ, ὅτι καὶ μείζονα ἔτι τοῦ πάλαι ὄντοσ. ἐπεὶ δὲ ἀποστάντοσ αὐτοῦ μαλθακῶσ ἀνθήψαντο τοῦ ἔργου οἷσ ταῦτα ἐπετέτραπτο, ὁ δὲ τῇ στρατιᾷ πάσῃ ἐπενόει τὸ ἔργον ἐργάσασθαι.

εἶναι δὲ τῷ θεῷ τῷ Βήλῳ πολλὴν μὲν τὴν χώραν ἀνειμένην ἐκ τῶν Ἀσσυρίων βασιλέων, πολὺν δὲ χρυσόν. καὶ ἀπὸ τούτου πάλαι μὲν τὸν νεὼν ἐπισκευάζεσθαι καὶ τὰσ θυσίασ τῷ θεῷ θύεσθαι, τότε δὲ τοὺσ Χαλδαίουσ τὰ τοῦ θεοῦ νέμεσθαι, οὐκ ὄντοσ ἐσ ὅ τι ἀναλωθήσεται τὰ περιγιγνόμενα.

τούτων δὴ εἵνεκα ὕποπτοι Ἀλεξάνδρῳ ἦσαν οὐκ ἐθέλειν παρελθεῖν εἴσω Βαβυλῶνοσ Ἀλέξανδρον, ὡσ μὴ δἰ ὀλίγου τὸν νεὼν ἐπιτελεσθέντα ἀφελέσθαι αὐτοὺσ τὰσ ἐκ τῶν χρημάτων ὠφελείασ. ὅμωσ δὲ τά γε τῆσ ἐπιστροφῆσ τῆσ κατὰ τὴν εἴσοδον τὴν ἐσ τὴν πόλιν ἐθελῆσαι αὐτοῖσ πεισθῆναι λέγει Ἀριστόβουλοσ, καὶ τῇ πρώτῃ μὲν παρὰ τὸν ποταμὸν τὸν Εὐφράτην καταστρατοπεδεῦσαι, ἐσ δὲ τὴν ὑστεραίαν ἐν δεξιᾷ ἔχοντα τὸν ποταμὸν παῤ αὐτὸν πορεύεσθαι, θέλοντα ὑπερβάλλειν τῆσ πόλεωσ τὸ μέροσ τὸ ἐσ δυσμὰσ τετραμμένον, ὡσ ταύτῃ ἐπιστρέψαντα πρὸσ ἑώ ἄγειν·

ἀλλὰ οὐ γὰρ δυνηθῆναι ὑπὸ δυσχωρίασ οὕτωσ ἐλάσαι ξὺν τῇ στρατιᾷ, ὅτι τὰ ἀπὸ δυσμῶν τῆσ πόλεωσ εἰσιόντι, εἰ ταύτῃ πρὸσ ἑώ ἐπέστρεφεν, ἑλώδη τε καὶ τεναγώδη ἦν.

καὶ οὕτω καὶ ἑκόντα καὶ ἄκοντα ἀπειθῆσαι τῷ θεῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 17

(아리아노스, Anabasis, book 7, chapter 17)

상위

목록

SEARCH

MENU NAVIGATION