헬라어 문장 검색 - Αρριαν́Αναβασί7́13́

(아리아노스, Anabasis, book 7, chapter 13)

Εὐμενεῖ, οὐχ ἑκόντα ἑκόντι. ἐν ταύτῃ τῇ ὁδῷ καὶ τὸ πεδίον λέγεται ἰδεῖν Ἀλέξανδρον τὸ ἀνειμένον ταῖσ ἵπποισ ταῖσ βασιλικαῖσ, αὐτό τε πεδίον Νησαῖον καλούμενον καὶ αἱ ἵπποι ὅτι Νησαῖαι κληΐζονται λέγει Ἡρόδοτοσ· εἶναι δὲ πάλαι μὲν ἐσ πεντεκαίδεκα μυριάδασ τῶν ἵππων, τότε δὲ Ἀλέξανδρον οὐ πολὺ πλείονασ τῶν πέντε καταλαβεῖν· πρὸσ λῃστῶν γὰρ διαρπαγῆναι τὰσ πολλὰσ αὐτῶν. Ἐνταῦθα λέγουσιν ὅτι Ἀτροπάτησ ὁ τῆσ Μηδίασ σατράπησ γυναῖκασ ἑκατὸν αὐτῷ ἔδωκεν, ταύτασ φάσκων εἶναι τῶν Ἀμαζόνων, καὶ ταύτασ σκευῇ ἀνδρῶν ἱππέων ἐσταλμένασ, πλήν γε δὴ ὅτι πελέκεισ ἀντὶ δοράτων ἐφόρουν καὶ ἀντὶ ἀσπίδων πέλτασ·

οἱ δὲ καὶ τὸν μαστὸν λέγουσιν ὅτι μείονα εἶχον τὸν δεξιόν, ὃν δὴ καὶ ἔξω εἶχον ἐν ταῖσ μάχαισ. ταύτασ μὲν δὴ ἀπαλλάξαι τῆσ στρατιᾶσ Ἀλέξανδρον, μή τι νεωτερισθείη κατ̓ αὐτὰσ ἐσ ὕβριν πρὸσ τῶν Μακεδόνων ἢ βαρβάρων·

κελεῦσαι δὲ ἀπαγγεῖλαι πρὸσ τὴν βασίλισσαν σφῶν ὅτι αὐτὸσ ἥξει πρὸσ αὐτὴν παιδοποιησόμενοσ. ταῦτα δὲ οὔτε Ἀριστόβουλοσ οὔτε Πτολεμαῖοσ οὔτε τισ ἄλλοσ ἀνέγραψεν ὅστισ ἱκανὸσ ὑπὲρ τῶν τηλικούτων τεκμηριῶσαι. οὐδὲ δοκεῖ μοι ἐν τῷ τότε σώζεσθαι τὸ γένοσ τῶν Ἀμαζόνων, οὐδ̓ ἔτι πρὸ Ἀλεξάνδρου, ἢ Ξενοφῶν ἂν ἐμνήσθη αὐτῶν, Φασιανῶν τε μνησθεὶσ καὶ Κόλχων καὶ ὅσα ἄλλα ἀπὸ Τραπεζοῦντοσ ὁρμώμενοι ἢ πρὶν ἐσ Τραπεζοῦντα κατελθεῖν οἱ Ἕλληνεσ ἐπῆλθον ἔθνη βαρβαρικά, ἵναπερ καὶ ταῖσ Ἀμαζόσιν ἐντετυχήκεσαν ἂν, εἴπερ οὖν ἔτι ἦσαν Ἀμαζόνεσ.

μὴ γενέσθαι μὲν γὰρ παντελῶσ τὸ γένοσ τούτων τῶν γυναικῶν οὐ πιστὸν δοκεῖ ἔμοιγε, πρὸσ τοσούτων καὶ τοιούτων ὑμνηθέν.

ὡσ Ἡρακλέα τε ἐπ̓ αὐτὰσ λόγοσ κατέχει ὅτι ἐστάλη καὶ ζωστῆρά τινα Ἱππολύτησ τῆσ βασιλίσσησ αὐτῶν ὅτι ἐσ τὴν Ἑλλάδα ἐκόμισε, καὶ οἱ ξὺν Θησεῖ Ἀθηναῖοι ὅτι ἐπιούσασ τὰσ γυναῖκασ ταύτασ τὴν Εὐρώπην πρῶτοι μάχῃ νικήσαντεσ ἀνέστειλαν· καὶ γέγραπται ἡ Ἀθηναίων καὶ Ἀμαζόνων μάχη πρὸσ Μίκωνοσ οὐ μεῖον ἤπερ ἡ Ἀθηναίων καὶ Περσῶν. καὶ Ἡροδότῳ πολλάκισ περὶ τῶν γυναικῶν τούτων πεποίηται, καὶ ὅσοι Ἀθηναίων τοὺσ ἐν πολέμῳ τελευτήσαντασ λόγῳ ἐκόσμησαν, καὶ τοῦ πρὸσ Ἀμαζόνασ ἔργου Ἀθηναίων ἐν τοῖσ μάλιστα μνήμην ἐποιήσαντο. εἰ δὲ ἱππικὰσ δή τινασ γυναῖκασ Ἀτροπάτησ ἔδειξεν Ἀλεξάνδρῳ, βαρβάρουσ τινὰσ ἄλλασ γυναῖκασ ἱππεύειν ἠσκημένασ δοκῶ ὅτι ἔδειξεν ἐσ τὸν λεγόμενον δὴ τῶν Ἀμαζόνων κόσμον ἐσταλμένασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 13

(아리아노스, Anabasis, book 7, chapter 13)

상위

목록

SEARCH

MENU NAVIGATION