헬라어 문장 검색 - Αρριαν́Αναβασί7́09́

(아리아노스, Anabasis, book 7, chapter 9)

Οὐχ ὑπὲρ τοῦ καταπαῦσαι ὑμῶν, ὦ Μακεδόνεσ, τὴν οἴκαδε ὁρμὴν λεχθήσεταί μοι ὅδε ὁ λόγοσ, ἔξεστι γὰρ ὑμῖν ἀπιέναι ὅποι βούλεσθε ἐμοῦ γε ἕνεκα, ἀλλὰ ὡσ γνῶναι ὑμᾶσ πρὸσ ὁποίουσ τινὰσ ἡμᾶσ ὄντασ ὁποῖοί τινεσ αὐτοὶ γενόμενοι ἀπαλλάσσεσθε. καὶ πρῶτά γε ἀπὸ Φιλίππου τοῦ πατρόσ, ᾗπερ καὶ εἰκόσ, τοῦ λόγου ἄρξομαι.

Φίλιπποσ γὰρ παραλαβὼν ὑμᾶσ πλανήτασ καὶ ἀπόρουσ, ἐν διφθέραισ τοὺσ πολλοὺσ νέμοντασ ἀνὰ τὰ ὄρη πρόβατα ὀλίγα καὶ ὑπὲρ τούτων κακῶσ μαχομένουσ Ἰλλυριοῖσ καὶ Τριβαλλοῖσ καὶ τοῖσ ὁμόροισ Θρᾳξίν, χλαμύδασ μὲν ὑμῖν ἀντὶ τῶν διφθερῶν φορεῖν ἔδωκεν, κατήγαγε δὲ ἐκ τῶν ὀρῶν ἐσ τὰ πεδία, ἀξιομάχουσ καταστήσασ τοῖσ προσχώροισ τῶν βαρβάρων, ὡσ μὴ χωρίων ἔτι ὀχυρότητι πιστεύοντασ μᾶλλον ἢ τῇ οἰκείᾳ ἀρετῇ σώζεσθαι, πόλεών τε οἰκήτορασ ἀπέφηνε καὶ νόμοισ καὶ ἔθεσι χρηστοῖσ ἐκόσμησεν. οὓσ πάλαι ἐτεθνήκειτε τῷ δέει, ἀπέφηνε, καὶ τὸ Φωκέων ἔθνοσ ταπεινώσασ τὴν ἐσ τὴν Ἑλλάδα πάροδον πλατεῖαν καὶ εὔπορον ἀντὶ στενῆσ τε καὶ ἀπόρου ὑμῖν ἐποίησεν, Ἀθηναίουσ τε καὶ Θηβαίουσ ἐφεδρεύοντασ ἀεὶ τῇ Μακεδονίᾳ ἐσ τοσόνδε ἐταπείνωσεν, ἤδη ταῦτά γε καὶ ἡμῶν αὐτῷ ξυμπονούντων, ὡσ ἀντὶ τοῦ φόρουσ τελεῖν Ἀθηναίοισ καὶ ὑπακούειν Θηβαίων, παῤ ἡμῶν ἐν τῷ μέρει ἐκείνουσ τὴν ἀσφάλειάν σφισι πορίζεσθαι.

ἐσ Πελοπόννησον δὲ παρελθὼν τὰ ἐκεῖ αὖ ἐκόσμησε καὶ ἡγεμὼν αὐτοκράτωρ συμπάσησ τῆσ ἄλλησ Ἑλλάδοσ ἀποδειχθεὶσ τῆσ ἐπὶ τὸν Πέρσην στρατιᾶσ οὐχ ἑαυτῷ μᾶλλόν τι τὴν δόξαν τήνδε ἢ τῷ κοινῷ τῶν Μακεδόνων προσ‐ έθηκεν.

Ταῦτα μὲν τὰ ἐκ τοῦ πατρὸσ τοῦ ἐμοῦ ἐσ ὑμᾶσ ὑπηργμένα, ὡσ μὲν αὐτὰ ἐφ̓ ἑαυτῶν σκέψασθαι μεγάλα, μικρὰ δὲ ὥσ γε δὴ πρὸσ τὰ ἡμέτερα ξυμβαλεῖν.

ὃσ παραλαβὼν παρὰ τοῦ πατρὸσ χρυσᾶ μὲν καὶ ἀργυρᾶ ἐκπώματα ὀλίγα, τάλαντα δὲ οὐδὲ ἑξήκοντα ἐν τοῖσ θησαυροῖσ, χρεῶν δὲ ὀφειλόμενα ὑπὸ Φιλίππου ἐσ πεντακόσια τάλαντα, δανεισάμενοσ ἐπὶ τούτοισ αὐτὸσ ἄλλα ὀκτακόσια ὁρμηθεὶσ ἐκ τῆσ χώρασ τῆσ γε οὐδὲ ὑμᾶσ αὐτοὺσ βοσκούσησ καλῶσ εὐθὺσ μὲν τοῦ Ἑλληπόντου ὑμῖν τὸν πόρον θαλασσοκρατούντων ἐν τῷ τότε Περσῶν ἀνεπέτασα· κρατήσασ δὲ τῇ ἵππῳ τοὺσ σατράπασ τοὺσ Δαρείου τήν τε Ιὠνίαν πᾶσαν τῇ ὑμετέρᾳ ἀρχῇ προσέθηκα καὶ τὴν Αἰολίδα πᾶσαν καὶ Φρύγασ ἀμφοτέρουσ καὶ Λυδούσ, καὶ Μίλητον εἷλον πολιορκίᾳ·

τὰ δὲ ἄλλα πάντα ἑκόντα προσχωρήσαντα λαβὼν ὑμῖν καρποῦσθαι ἔδωκα· καὶ τὰ ἐξ Αἰγύπτου καὶ Κυρήνησ ἀγαθά, ὅσα ἀμαχεὶ ἐκτησάμην, ὑμῖν ἔρχεται, ἥ τε κοίλη Συρία καὶ ἡ Παλαιστίνη καὶ ἡ μέση τῶν ποταμῶν ὑμέτερον κτῆμά εἰσι, καὶ Βαβυλὼν καὶ Βάκτρα καὶ Σοῦσα ὑμέτερα, καὶ ὁ Λυδῶν πλοῦτοσ καὶ οἱ Περσῶν θησαυροὶ καὶ τὰ Ἰνδῶν ἀγαθὰ καὶ ἡ ἔξω θάλασσα ὑμέτερα·

ὑμεῖσ σατράπαι, ὑμεῖσ στρατηγοί, ὑμεῖσ ταξιάρχαι. ὡσ ἔμοιγε αὐτῷ τί περίεστιν ἀπὸ τούτων τῶν πόνων ὅτι μὴ αὕτη ἡ πορφύρα καὶ τὸ διάδημα τοῦτο;

κέκτημαι δὲ ἰδίᾳ οὐδέν, οὐδὲ ἔχει τισ ἀποδεῖξαι θησαυροὺσ ἐμοὺσ ὅτι μὴ ταῦτα, ὑμέτερα κτήματα ἢ ὅσα ἕνεκα ὑμῶν φυλάττεται. ἐπεὶ οὐδὲ ἔστιν ἰδίᾳ μοι ἐσ ὅ τι φυλάξω αὐτούσ, σιτουμένῳ τε τὰ αὐτὰ ὑμῖν σιτία καὶ ὕπνον τὸν αὐτὸν αἱρουμένῳ· καίτοι οὐδὲ σιτία ἐμοὶ δοκῶ τὰ αὐτὰ τοῖσ τρυφῶσιν ὑμῶν σιτεῖσθαι· προαγρυπνῶν δὲ ὑμῶν οἶδα, ὡσ καθεύδειν ἔχοιτε ὑμεῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 9

(아리아노스, Anabasis, book 7, chapter 9)

상위

목록

SEARCH

MENU NAVIGATION