헬라어 문장 검색 - Αρριαν́Αναβασί7́07́

(아리아노스, Anabasis, book 7, chapter 7)

Ἀλέξανδροσ δὲ τῆσ μὲν πεζῆσ στρατιᾶσ τὴν πολλὴν Ἡφαιστίωνα ἄγειν κελεύει ἔστε ἐπὶ τὴν θάλασσαν τὴν Περσικήν, αὐτὸσ δὲ ἀναπλεύσαντοσ αὐτῷ τοῦ ναυτικοῦ ἐσ τὴν Σουσίαν γῆν ἐπιβὰσ τῶν νεῶν ξὺν τοῖσ ὑπασπισταῖσ τε καὶ τῷ ἀγήματι καὶ τῶν ἱππέων τῶν ἑταίρων ἀναβιβασάμενοσ οὐ πολλοὺσ κατέπλει κατὰ τὸν Εὐλαῖον ποταμὸν ὡσ ἐπὶ θάλασσαν. ἤδη δὲ πλησίον ὢν τῆσ ἐκβολῆσ τῆσ ἐσ τὸν πόντον τὰσ μὲν πλείονάσ τε καὶ πεπονηκυίασ τῶν νεῶν καταλείπει αὐτοῦ, αὐτὸσ δὲ ταῖσ μάλιστα ταχυναυτούσαισ παρέπλει ἀπὸ τοῦ Εὐλαίου ποταμοῦ κατὰ τὴν θάλασσαν ὡσ ἐπὶ τὰσ ἐκβολὰσ τοῦ Τίγρητοσ·

αἱ δὲ ἄλλαι αὐτῷ νῆεσ ἀνακομισθεῖσαι κατὰ τὸν Εὐλαῖον ἔστε ἐπὶ τὴν διώρυχα, ἣ τέτμηται ἐκ τοῦ Τίγρητοσ ἐσ τὸν Εὐλαῖον, ταύτῃ διεκομίσθησαν ἐσ τὸν Τίγρητα. Τῶν γὰρ δὴ ποταμῶν τοῦ τε Εὐφράτου καὶ τοῦ Τίγρητοσ, οἳ τὴν μέσην σφῶν Ἀσσυρίαν ἀπείργουσιν, ὅθεν καὶ τὸ ὄνομα Μεσοποταμία πρὸσ τῶν ἐπιχωρίων κληΐζεται, ὁ μὲν Τίγρησ πολύ τι ταπεινότεροσ ῥέων τοῦ Εὐφράτου διώρυχάσ τε πολλὰσ ἐκ τοῦ Εὐφράτου ἐσ αὑτὸν δέχεται καὶ πολλοὺσ ἄλλουσ ποταμοὺσ παραλαβὼν καὶ ἐξ αὐτῶν αὐξηθεὶσ ἐσβάλλει ἐσ τὸν πόντον τὸν Περσικόν, μέγασ τε καὶ οὐδαμοῦ διαβατὸσ ἔστε ἐπὶ τὴν ἐκβολήν, καθότι οὐ καταναλίσκεται αὐτοῦ οὐδὲν ἐσ τὴν χώραν.

ἔστι γὰρ μετεωροτέρα ἡ ταύτῃ γῆ τοῦ ὕδατοσ οὐδὲ ἐκδίδωσιν οὗτοσ κατὰ τὰσ διώρυχασ οὐδὲ ἐσ ἄλλον ποταμόν, ἀλλὰ δέχεται γὰρ ἐκείνουσ μᾶλλον, ἄρδεσθαί τε ἀπὸ οὗ τὴν χώραν οὐδαμῇ παρέχει.

ὁ δὲ Εὐφράτησ μετέωρόσ τε ῥεῖ καὶ ἰσοχείλησ πανταχῇ τῇ γῇ, καὶ διώρυχεσ δὲ πολλαὶ ἀπ̓ αὐτοῦ πεποίηνται, αἱ μὲν ἀέναοι, ἀφ̓ ὧν ὑδρεύονται οἱ παῤ ἑκάτερα ᾠκισμένοι, τὰσ δὲ καὶ πρὸσ καιρὸν ποιοῦνται, ὁπότε σφίσιν ὕδατοσ ἐνδεῶσ ἔχοι, ἐσ τὸ ἐπάρδειν τὴν χώραν·

οὐ γὰρ ὑέται τὸ πολὺ ἡ γῆ αὕτη ἐξ οὐρανοῦ· καὶ οὕτωσ ἐσ οὐ πολὺ ὕδωρ ὁ Εὐφράτησ τελευτῶν καὶ τεναγῶδεσ [ἐσ] τοῦτο οὕτωσ ἀποπαύεται. Ἀλέξανδροσ δὲ περιπλεύσασ κατὰ τὴν θάλασσαν ὅσον μεταξὺ τοῦ τε Εὐλαίου ποταμοῦ καὶ τοῦ Τίγρητοσ ἐπεῖχεν ὁ αἰγιαλὸσ τοῦ κόλπου τοῦ Περσικοῦ ἀνέπλει κατὰ τὸν Τίγρητα ἔστε ἐπὶ τὸ στρατόπεδον, ἵνα Ἡφαιστίων αὐτῷ τὴν δύναμιν πᾶσαν ἔχων ἐστρατοπεδεύκει.

ἐκεῖθεν δὲ αὖθισ ἔπλει ἐσ Ὦπιν, πόλιν ἐπὶ τοῦ Τίγρητοσ ᾠκισμένην. ἐν δὲ τῷ ἀνάπλῳ τοὺσ καταρράκτασ τοὺσ κατὰ τὸν ποταμὸν ἀφανίζων ὁμαλὸν πάντῃ ἐποίει τὸν ῥοῦν, οἳ δὴ ἐκ Περσῶν πεποιημένοι ἦσαν τοῦ μή τινα ἀπὸ θαλάσσησ ἀναπλεῦσαι εἰσ τὴν χώραν αὐτῶν νηΐτῃ στόλῳ κρατήσαντα.

ταῦτα δὲ μεμηχάνητο ἅτε δὴ οὐ ναυτικοῖσ τοῖσ Πέρσαισ· οὕτω δὴ συνεχεῖσ οἱ καταρράκται πεποιημένοι ἄπορον τὸν ἀνάπλουν ἐποίουν τὸν κατὰ τὸν Τίγρητα. Ἀλέξανδροσ δὲ οὐκ ἔφη τῶν κρατούντων τοῖσ ὅπλοισ εἶναι τὰ τοιαῦτα σοφίσματα· οὔκουν πρὸσ αὑτοῦ ἐποιεῖτο ταύτην τὴν ἀσφάλειαν, ἥντινα ἔργῳ οὐδὲ λόγου ἀξίαν ἀπέφηνε οὐ χαλεπῶσ διακόψασ τῶν Περσῶν τὰ σπουδάσματα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 7

(아리아노스, Anabasis, book 7, chapter 7)

상위

목록

SEARCH

MENU NAVIGATION