호흡부호 보기
강세부호 보기
장단부호 보기
작은 Iota 보기
모든 부호 보기
Ἧκον δὲ αὐτῷ καὶ οἱ σατράπαι οἱ ἐκ τῶν πόλεών τε τῶν νεοκτίστων καὶ τῆσ ἄλλησ γῆσ τῆσ δοριαλώτου παῖδασ ἡβάσκοντασ ἤδη ἐσ τρισμυρίουσ ἄγοντεσ τὴν αὐτὴν ἡλικίαν γεγονότασ, οὓσ Ἐπιγόνουσ ἐκάλει Ἀλέξανδροσ, κεκοσμημένουσ Μακεδονικοῖσ ὅπλοισ καὶ τὰ πολέμια ἐσ τὸν τρόπον τὸν Μακεδονικὸν ἠσκημένουσ. καὶ οὗτοι ἀφικόμενοι λέγονται ἀνιᾶσαι Μακεδόνασ, ὡσ πάντα δὴ μηχανωμένου Ἀλεξάνδρου ὑπὲρ τοῦ μηκέτι ὡσαύτωσ δεῖσθαι Μακεδόνων·
εἶναι γὰρ οὖν καὶ Μηδικὴν τὴν Ἀλεξάνδρου στολὴν ἄλγοσ οὐ σμικρὸν Μακεδόσιν ὁρωμένην καὶ τοὺσ γάμουσ ἐν τῷ νόμῳ τῷ Περσικῷ ποιηθέντασ οὐ πρὸσ θυμοῦ γενέσθαι τοῖσ πολλοῖσ αὐτῶν, οὐδὲ τῶν γημάντων ἔστιν οἷσ, καίτοι τῇ ἰσότητι τῇ ἐσ τὸν βασιλέα μεγάλωσ τετιμημένοισ. καὶ Ἰτάνησ Ὀξυάρτου μὲν παῖσ, Ῥωξάνησ δὲ τῆσ γυναικὸσ Ἀλεξάνδρου ἀδελφόσ, καὶ Αἰγοβάρησ καὶ ὁ τούτου ἀδελφὸσ Μιθροβαῖοσ, καὶ ἡγεμὼν ἐπὶ τούτοισ ἐπισταθεὶσ Ὑστάσπησ ὁ Βάκτριοσ, καὶ τούτοισ δόρατα Μακεδονικὰ ἀντὶ τῶν βαρβαρικῶν μεσαγκύλων δοθέντα, ‐ ταῦτα πάντα ἐλύπει τοὺσ Μακεδόνασ, ὡσ πάντῃ δὴ βαρβαρίζοντοσ τῇ γνώμῃ Ἀλεξάνδρου, τὰ δὲ Μακεδονικὰ νόμιμά τε καὶ αὐτοὺσ Μακεδόνασ ἐν ἀτίμῳ χώρᾳ ἄγοντοσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기