Arrian, Anabasis, book 7, chapter 3 2:

καὶ Ἀλέξανδρον ἀντειπεῖν μὲν αὐτῷ ἐπὶ πολύ· ὡσ δ̓ οὐχ ἡττησόμενον ἑώρα, ἀλλὰ ἄλλωσ ἂν ἀπαλλαγέντα, εἰ μή τισ ταύτῃ ὑπεικάθοι, οὕτω δὴ ὅπῃ ἐπήγγελλεν αὐτόσ, κελεῦσαι νησθῆναι αὐτῷ πυράν, καὶ ταύτησ ἐπιμεληθῆναι Πτολεμαῖον τὸν Λάγου τὸν σωματοφύλακα. οἱ δὲ καὶ πομπήν τινα προπομπεῦσαι αὐτοῦ λέγουσιν ἵππουσ τε καὶ ἄνδρασ, τοὺσ μὲν ὡπλισμένουσ, τοὺσ δὲ θυμιάματα παντοῖα τῇ πυρᾷ ἐπιφέροντασ· οἱ δὲ καὶ ἐκπώματα χρυσᾶ καὶ ἀργυρᾶ καὶ ἐσθῆτα βασιλικὴν λέγουσιν ὅτι ἔφερον.