헬라어 문장 검색 - Αρριαν́Αναβασί5́12́

(아리아노스, Anabasis, book 5, chapter 12)

Ταῦτα μὲν Κρατερῷ ἐνετέλλετο. ἐν μέσῳ δὲ τῆσ νήσου τε καὶ τοῦ μεγάλου στρατοπέδου, ἵνα αὐτῷ Κρατερὸσ ὑπελέλειπτο, Μελέαγρόσ τε καὶ Ἄτταλοσ καὶ Γοργίασ ξὺν τοῖσ μισθοφόροισ ἱππεῦσί τε καὶ πεζοῖσ ἐτετάχατο· καὶ τούτοισ διαβαίνειν παρηγγέλλετο κατὰ μέροσ, διελόντασ τὸν στρατόν, ὁπότε ξυνεχομένουσ ἤδη ἐν τῇ μάχῃ τοὺσ Ἰνδοὺσ ἴδοιεν. Αὐτὸσ δὲ ἐπιλεξάμενοσ τῶν τε ἑταίρων τὸ ἄγημα καὶ τὴν Ἡφαιστίωνοσ ἱππαρχίαν καὶ τὴν Περδίκκου τε καὶ Δημητρίου καὶ τοὺσ ἐκ Βάκτρων καὶ Σογδιανῶν καὶ τοὺσ Σκύθασ ἱππέασ καὶ Δάασ τοὺσ ἱπποτοξότασ καὶ τῆσ φάλαγγοσ τούσ τε ὑπασπιστὰσ καὶ τὴν Κλείτου τε καὶ Κοίνου τάξιν καὶ τοὺσ τοξότασ τε καὶ τοὺσ Ἀγριᾶνασ ἦγεν ἀφανῶσ πολύ τι ἀπέχων τῆσ ὄχθησ, τοῦ μὴ καταφανὴσ εἶναι ἄγων ἐπὶ τὴν νῆσον καὶ τὴν ἄκραν, ἔνθεν διαβαίνειν αὐτῷ ἦν ἐγνωσμένον.

καὶ ἐνταῦθα ἐπληροῦντο τῆσ νυκτὸσ αἱ διφθέραι τῆσ κάρφησ, ἐκ πολλοῦ ἤδη παρενηνεγμέναι, καὶ κατερράπτοντο ἐσ ἀκρίβειαν·

ὕδωρ τε ἐξ οὐρανοῦ τῆσ νυκτὸσ λάβρον ἐπιγίγνεται. ταύτῃ καὶ μᾶλλόν τι ἡ παρασκευή τε αὐτῷ καὶ ἡ ἐπιχείρησισ ἡ ἐσ τὴν διάβασιν οὐ φανερὰ κατέστη, τῷ κτύπῳ τῷ ἀπὸ τῶν ὅπλων καὶ τῷ θορύβῳ τῷ ἀπὸ τῶν παραγγελμάτων τῶν τε βροντῶν καὶ τοῦ ὄμβρου ἀντιπαταγούντων. καὶ τῶν πλοίων δὲ τὰ πολλὰ αὐτῷ ξυντετμημένα παρεκεκόμιστο ἐσ τὸν χῶρον τοῦτον καὶ ἀφανῶσ αὖθισ ξυμπεπηγμένα ἐν τῇ ὕλῃ ἐκρύπτετο, τά τε ἄλλα καὶ αἱ τριακόντοροι.

ὑπὸ δὲ τὴν ἑώ ὅ τε ἄνεμοσ καὶ ὁ ὄμβροσ κεκοίμητο. καὶ ἡ μὲν ἄλλη στρατιὰ αὐτῷ ἡ ἱππικὴ τῶν διφθερῶν ἐπιβᾶσα καὶ ὅσουσ τῶν πεζῶν τὰ πλοῖα ἐδέχετο ἐπέρα κατὰ τὴν νῆσον, ὡσ μὴ πρόσθεν ὀφθεῖεν πρὸσ τῶν σκοπῶν τῶν ἐκ πώρου καθεστηκότων πρὶν παραλλάξαντασ τὴν νῆσον ὀλίγον ἔτι ἀπέχειν τῆσ ὄχθησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 12

(아리아노스, Anabasis, book 5, chapter 12)

상위

목록

SEARCH

MENU NAVIGATION