헬라어 문장 검색 - ΑριστοπήΠλυτυσ́12́0́0́

(아리스토파네스, Plutus, Episode)

τί δ’ ἔστιν ὦ βέλτιστε; τί γὰρ ἀλλ’ ἢ κακῶσ; ἀφ’ οὗ γὰρ ὁ Πλοῦτοσ οὗτοσ ἤρξατο βλέπειν, ἀπόλωλ’ ὑπὸ λιμοῦ. καταφαγεῖν γὰρ οὐκ ἔχω, καὶ ταῦτα τοῦ σωτῆροσ ἱερεὺσ ὢν Διόσ. ἡ δ’ αἰτία τίσ ἐστιν ὦ πρὸσ τῶν θεῶν; θύειν ἔτ’ οὐδεὶσ ἀξιοῖ. τίνοσ οὕνεκα; ὅτι πάντεσ εἰσὶ πλούσιοι· καίτοι τότε, ὅτ’ εἶχον οὐδέν, ὁ μὲν ἂν ἥκων ἔμποροσ ἔθυσεν ἱερεῖόν τι σωθείσ, ὁ δέ τισ ἂν δίκην ἀποφυγών, ὁ δ’ ἂν ἐκαλλιερεῖτό τισ κἀμέ γ’ ἐκάλει τὸν ἱερέα· νῦν δ’ οὐδὲ εἷσ θύει τὸ παράπαν οὐδὲν οὐδ’ εἰσέρχεται, πλὴν ἀποπατησόμενοί γε πλεῖν ἢ μύριοι. οὔκουν τὰ νομιζόμενα σὺ τούτων λαμβάνεισ; τὸν οὖν Δία τὸν σωτῆρα καὐτόσ μοι δοκῶ χαίρειν ἐάσασ ἐνθάδ’ αὐτοῦ καταμένειν. θάρρει· καλῶσ ἔσται γάρ, ἢν θεὸσ θέλῃ. ὁ Ζεὺσ ὁ σωτὴρ γὰρ πάρεστιν ἐνθάδε, αὐτόματοσ ἥκων. πάντ’ ἀγαθὰ τοίνυν λέγεισ. ἱδρυσόμεθ’ οὖν αὐτίκα μάλ’, ἀλλὰ περίμενε τὸν Πλοῦτον, οὗπερ πρότερον ἦν ἱδρυμένοσ τὸν ὀπισθόδομον ἀεὶ φυλάττων τῆσ θεοῦ. ἀλλ’ ἐκδότω τισ δεῦρο δᾷδασ ἡμμένασ, ἵν’ ἔχων προηγῇ τῷ θεῷ σύ. πάνυ μὲν οὖν δρᾶν ταῦτα χρή. τὸν Πλοῦτον ἔξω τισ κάλει. ἐγὼ δὲ τί ποιῶ; τὰσ χύτρασ, αἷσ τὸν θεὸν ἱδρυσόμεθα, λαβοῦσ’ ἐπὶ τῆσ κεφαλῆσ φέρε σεμνῶσ· ἔχουσα δ’ ἦλθεσ αὐτὴ ποικίλα. ὧν δ’ οὕνεκ’ ἦλθον; πάντα σοι πεπράξεται. ἥξει γὰρ ὁ νεανίσκοσ ὡσ σ’ εἰσ ἑσπέραν. ἀλλ’ εἴ γε μέντοι νὴ Δί’ ἐγγυᾷ σύ μοι ἥξειν ἐκεῖνον ὡσ ἔμ’, οἴσω τὰσ χύτρασ. καὶ μὴν πολὺ τῶν ἄλλων χυτρῶν τἀναντία αὗται ποιοῦσι· ταῖσ μὲν ἄλλαισ γὰρ χύτραισ ἡ γραῦσ ἔπεστ’ ἀνωτάτω, ταύτησ δὲ νῦν τῆσ γραὸσ ἐπιπολῆσ ἔπεισιν αἱ χύτραι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Plutus, Episode

(아리스토파네스, Plutus, Episode)

상위

목록

SEARCH

MENU NAVIGATION