헬라어 문장 검색 - ΑριστοπήΠλυτυσ́11́

(아리스토파네스, Plutus, Episode)

τουτὶ τί ἦν; οὐδεὶσ ἐοίκεν· ἀλλὰ δῆτα τὸ θύριον φθεγγόμενον ἄλλωσ κλαυσιᾷ. σέ τοι λέγω, ὁ Καρίων, ἀνάμεινον. οὗτοσ εἰπέ μοι, σὺ τὴν θύραν ἔκοπτεσ οὑτωσὶ σφόδρα; μὰ Δί’ ἀλλ’ ἔμελλον· εἶτ’ ἀνέῳξάσ με φθάσασ. ἀλλ’ ἐκκάλει τὸν δεσπότην τρέχων ταχύ, ἒπειτα τὴν γυναῖκα καὶ τὰ παιδία, ἔπειτα τοὺσ θεράποντασ, εἶτα τὴν κύνα, ἔπειτα σαυτόν, εἶτα τὴν ὗν. εἰπέ μοι, τί δ’ ἔστιν; ὁ Ζεὺσ ὦ πόνηρε βούλεται ἐσ ταὐτὸν ὑμᾶσ συγκυκήσασ τρύβλιον ἁπαξάπαντασ ἐσ τὸ βάραθρον ἐμβαλεῖν. ἡ γλῶττα τῷ κήρυκι τούτων τέμνεται. ἀτὰρ διὰ τί δὴ ταῦτ’ ἐπιβουλεύει ποιεῖν ἡμᾶσ; ὁτιὴ δεινότατα πάντων πραγμάτων εἴργασθ’. ἀφ’ οὗ γὰρ ἤρξατ’ ἐξ ἀρχῆσ βλέπειν ὁ Πλοῦτοσ, οὐδεὶσ οὐ λιβανωτόν, οὐ δάφνην, οὐ ψαιστόν, οὐχ ἱερεῖον, οὐκ ἄλλ’ οὐδὲ ἓν ἡμῖν ἔτι θύει τοῖσ θεοῖσ. μὰ Δί’ οὐδέ γε θύσει. κακῶσ γὰρ ἐπεμελεῖσθ’ ἡμῶν τότε. καὶ τῶν μὲν ἄλλων μοι θεῶν ἧττον μέλει, ἐγὼ δ’ ἀπόλωλα κἀπιτέτριμμαι. σωφρονεῖσ. πρότερον γὰρ εἶχον μὲν παρὰ ταῖσ καπηλίσιν πάντ’ ἀγάθ’ ἑώθεν εὐθύσ, οἰνοῦτταν μέλι ἰσχάδασ, ὅσ’ εἰκόσ ἐστιν Ἑρμῆν ἐσθίειν· νυνὶ δὲ πεινῶν ἀναβάδην ἀναπαύομαι. οὔκουν δικαίωσ, ὅστισ ἐποίεισ ζημίαν ἐνίοτε τοιαῦτ’ ἀγάθ’ ἔχων; οἴμοι τάλασ, οἴμοι πλακοῦντοσ τοῦ ν’ τετράδι πεπεμμένου. ποθεῖσ τὸν οὐ παρόντα καὶ μάτην καλεῖσ. οἴμοι δὲ κωλῆσ ἣν ἐγὼ κατήσθιον. ἀσκωλίαζ’ ἐνταῦθα πρὸσ τὴν αἰθρίαν. σπλάγχνων τε θερμῶν ὧν ἐγὼ κατήσθιον. ὀδύνη σε περὶ τὰ σπλάγχν’ ἐοίκέ τι στρέφειν. οἴμοι δὲ κύλικοσ ἴσον ἴσῳ κεκραμένησ. ταύτην ἐπιπιὼν ἀποτρέχων οὐκ ἂν φθάνοισ. ἆρ’ ὠφελήσαισ ἄν τι τὸν σαυτοῦ φίλον; εἴ του δέει γ’ ὧν δυνατόσ εἰμί σ’ ὠφελεῖν. εἴ μοι πορίσασ ἄρτον τιν’ εὖ πεπεμμένον δοίησ καταφαγεῖν καὶ κρέασ νεανικὸν ὧν θύεθ’ ὑμεῖσ ἔνδον. ἀλλ’ οὐκ ἐκφορά. καὶ μὴν ὁπότε τι σκευάριον τοῦ δεσπότου ὑφέλοι’, ἐγώ σε λανθάνειν ἐποίουν ἀεί. ἐφ’ ᾧ τε μετέχειν καὐτὸσ ὦ τοιχωρύχε. ἧκεν γὰρ ἄν σοι ναστὸσ εὖ πεπεμμένοσ. ἔπειτα τοῦτόν γ’ αὐτὸσ ἂν κατήσθιεσ. οὐ γὰρ μετεῖχεσ τὰσ ἴσασ πληγὰσ ἐμοί, ὁπότε τι ληφθείην πανουργήσασ ἐγώ. μὴ μνησικακήσῃσ, εἰ σὺ Φυλὴν κατέλαβεσ. ἀλλὰ ξύνοικον πρὸσ θεῶν δέξασθέ με. ἔπειτ’ ἀπολιπὼν τοὺσ θεοὺσ ἐνθάδε μενεῖσ; τὰ γὰρ παρ’ ὑμῖν ἐστι βελτίω πολύ. τί δέ; ταὐτομολεῖν ἀστεῖον εἶναί σοι δοκεῖ; πατρὶσ γάρ ἐστι πᾶσ’ ἵν’ ἂν πράττῃ τισ εὖ. τί δῆτ’ ἂν εἰήσ ὄφελοσ ἡμῖν ἐνθάδ’ ὤν; παρὰ τὴν θύραν στροφαῖον ἱδρύσασθέ με. στροφαῖον; ἀλλ’ οὐκ ἔργον ἔστ’ οὐδὲν στροφῶν. ἀλλ’ ἐμπολαῖον. ἀλλὰ πλουτοῦμεν· τί οὖν Ἑρμῆν παλιγκάπηλον ἡμᾶσ δεῖ τρέφειν; ἀλλὰ δόλιον τοίνυν. δόλιον; ἥκιστά γε· οὐ γὰρ δόλου νῦν ἔργον, ἀλλ’ ἁπλῶν τρόπων. ἀλλ’ ἡγεμόνιον. ἀλλ’ ὁ θεὸσ ἤδη βλέπει, ὥσθ’ ἡγεμόνοσ οὐδὲν δεησόμεσθ’ ἔτι. ἐναγώνιοσ τοίνυν ἔσομαι. τί δῆτ’ ἐρεῖσ; Πλούτῳ γάρ ἐστι τοῦτο συμφορώτατον ποιεῖν ἀγῶνασ μουσικοὺσ καὶ γυμνικούσ. ὡσ ἀγαθόν ἐστ’ ἐπωνυμίασ πολλὰσ ἔχειν· οὗτοσ γὰρ ἐξηύρηκεν αὑτῷ βιότιον. οὐκ ἐτὸσ ἅπαντεσ οἱ δικάζοντεσ θαμὰ σπεύδουσιν ἐν πολλοῖσ γεγράφθαι γράμμασιν. οὐκοῦν ἐπὶ τούτοισ εἰσίω; καὶ πλῦνέ γε αὐτὸσ προσελθὼν πρὸσ τὸ φρέαρ τὰσ κοιλίασ, ἵν’ εὐθέωσ διακονικὸσ εἶναι δοκῇσ. <Χοροῦ> τίσ ἂν φράσειε ποῦ ’στι Χρεμύλοσ μοι σαφῶσ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Plutus, Episode

(아리스토파네스, Plutus, Episode)

상위

목록

SEARCH

MENU NAVIGATION