Aristophanes, Plutus, Episode 1:

(아리스토파네스, Plutus, Episode 1:)

οἴμοι κακοδαίμων, ὡσ ἀπόλωλα δείλαιοσ, καὶ κακοδαίμων καὶ τετράκισ καὶ πεντάκισ καὶ δωδεκάκισ καὶ μυριάκισ· ἰοὺ ἰού. οὕτω πολυφόρῳ συγκέκραμαι δαίμονι. Ἄπολλον ἀποτρόπαιε καὶ θεοὶ φίλοι, τί ποτ’ ἐστὶν ὅ τι πέπονθεν ἅνθρωποσ κακόν; οὐ γὰρ σχέτλια πέπονθα νυνὶ πράγματα, ἀπολωλεκὼσ ἅπαντα τἀκ τῆσ οἰκίασ διὰ τὸν θεὸν τοῦτον, τὸν ἐσόμενον τυφλὸν πάλιν αὖθισ, ἤνπερ μὴ ’λλίπωσιν αἱ δίκαι; ἐγὼ σχεδὸν τὸ πρᾶγμα γιγνώσκειν δοκῶ. προσέρχεται γάρ τισ κακῶσ πράττων ἀνήρ, ἐοίκε δ’ εἶναι τοῦ πονηροῦ κόμματοσ. νὴ Δία καλῶσ τοίνυν ποιῶν ἀπόλλυται. ποῦ ποῦ ’σθ’ ὁ μόνοσ ἅπαντασ ἡμᾶσ πλουσίουσ ὑποσχόμενοσ οὗτοσ ποιήσειν εὐθέωσ, εἰ πάλιν ἀναβλέψειεν ἐξ ἀρχῆσ; ὁ δὲ πολὺ μᾶλλον ἐνίουσ ἐστὶν ἐξολωλεκώσ. καὶ τίνα δέδρακε δῆτα τοῦτ’; ἐμὲ τουτονί. ἦ τῶν πονηρῶν ἦσθα καὶ τοιχωούχων; μὰ Δί’ οὐ μὲν οὖν ἔσθ’ ὑγιὲσ ὑμῶν οὐδενόσ, κοὐκ ἔσθ’ ὅπωσ οὐκ ἔχετέ μου τὰ χρήματα. ὡσ σοβαρὸσ ὦ Δάματερ εἰσελήλυθεν ὁ συκοφάντησ. δῆλον ὅτι βουλιμιᾷ. σὺ μὲν εἰσ ἀγορὰν ἰὼν ταχέωσ οὐκ ἂν φθάνοισ· ἐπὶ τοῦ τροχοῦ γὰρ δεῖ σ’ ἐκεῖ στρεβλούμενον εἰπεῖν ἃ πεπανούργηκασ. οἰμώξἄρα σύ. νὴ τὸν Δία τὸν σωτῆρα πολλοῦ γ’ ἄξιοσ ἅπασι τοῖσ Ἕλλησιν ὁ θεόσ ἐσθ’ ὅτι τοὺσ συκοφάντασ ἐξολεῖ κακοὺσ κακῶσ. οἴμοι τάλασ· μῶν καὶ σὺ μετέχων καταγελᾷσ; ἐπεὶ πόθεν θοἰμάτιον εἴληφασ τοδί; ἐχθὲσ δ’ ἔχοντ’ εἶδόν σ’ ἐγὼ τριβώνιον. οὐδὲν προτιμῶ σου. φορῶ γὰρ πριάμενοσ τὸν δακτύλιον τονδὶ παρ’ Εὐδάμου δραχμῆσ. ἀλλ’ οὐκ ἔνεστι συκοφάντου δήγματοσ. ἆρ’ οὐχ ὕβρισ ταῦτ’ ἐστὶ πολλή; σκώπτετον, ὅ τι δὲ ποιεῖτον ἐνθάδ’ οὐκ εἰρήκατον. οὐκ ἐπ’ ἀγαθῷ γὰρ ἐνθάδ’ ἐστὸν οὐδενί. μὰ τὸν Δί’ οὔκουν τῷ γε σῷ, σάφ’ ἴσθ’ ὅτι. ἀπὸ τῶν ἐμῶν γὰρ ναὶ μὰ Δία δειπνήσετον. ὡσ δὴ ’π’ ἀληθείᾳ σὺ μετὰ τοῦ μάρτυροσ διαρραγείησ μηδενόσ γ’ ἐμπλήμενοσ. ἀρνεῖσθον; ἔνδον ἐστὶν ὦ μιαρωτάτω πολὺ χρῆμα τεμαχῶν καὶ κρεῶν ὠπτημένων. ὓ ὗ ὓ ὗ ὓ ὗ ὓ ὗ ὓ ὗ ὓ ὗ. κακόδαιμον ὀσφραίνει τι; τοῦ ψύχουσ γ’ ἴσωσ ἐπεὶ τοιοῦτόν γ’ ἀμπέχεται τριβώνιον. ταῦτ’ οὖν ἀνασχέτ’ ἐστὶν ὦ Ζεῦ καὶ θεοί, τούτουσ ὑβρίζειν εἰσ ἔμ’; οἴμ’ ὡσ ἄχθομαι ὅτι χρηστὸσ ὢν καὶ φιλόπολισ πάσχω κακῶσ.

일치하는 문장이 없습니다.

SEARCH

MENU NAVIGATION