Aristophanes, Plutus, Episode 2:

(아리스토파네스, Plutus, Episode 2:)

ὁ δὲ θεὸσ ὑμῖν οὐ προσῄειν; οὐδέπω. μετὰ τοῦτο δ’ ἤδη καὶ γέλοιον δῆτά τι ἐποίησα. προσιόντοσ γὰρ αὐτοῦ μέγα πάνυ ἀπέπαρδον· ἡ γαστὴρ γὰρ ἐπεφύσητό μου. ἦ πού σε διὰ τοῦτ’ εὐθὺσ ἐβδελύττετο. οὔκ, ἀλλ’ Ιἀσὼ μέν τισ ἀκολουθοῦσ’ ἅμα ὑπηρυθρίασε χἠ Πανάκει’ ἀπεστράφη τὴν ῥῖν’ ἐπιλαβοῦσ’· οὐ λιβανωτὸν γὰρ βδέω. αὐτὸσ δ’ ἐκεῖνοσ; οὐ μὰ Δί’ οὐδ’ ἐφρόντισεν. λέγεισ ἄγροικον ἄρα σύ γ’ εἶναι τὸν θεόν. μὰ Δί’ οὐκ ἔγωγ’, ἀλλὰ σκατοφάγον. αἲ τάλαν. μετὰ ταῦτ’ ἐγὼ μὲν εὐθὺσ ἐνεκαλυψάμην δείσασ, ἐκεῖνοσ δ’ ἐν κύκλῳ τὰ νοσήματα σκοπῶν περιῄει πάντα κοσμίωσ πάνυ. ἔπειτα παῖσ αὐτῷ λίθινον θυείδιον παρέθηκε καὶ δοίδυκα καὶ κιβώτιον. λίθινον; μὰ Δί’ οὐ δῆτ’ οὐχὶ τό γε κιβώτιον. σὺ δὲ πῶσ ἑώρασ ὦ κάκιστ’ ἀπολούμενε, ὃσ ἐγκεκαλύφθαι φῄσ; διὰ τοῦ τριβωνίου· ὀπὰσ γὰρ εἶχεν οὐκ ὀλίγασ μὰ τὸν Δία. πρῶτον δὲ πάντων τῷ Νεοκλείδῃ φάρμακον καταπλαστὸν ἐνεχείρησε τρίβειν, ἐμβαλὼν σκορόδων κεφαλὰσ τρεῖσ Τηνίων. ἔπειτ’ ἔφλα ἐν τῇ θυείᾳ συμπαραμιγνύων ὀπὸν καὶ σχῖνον· εἶτ’ ὄξει διέμενοσ Σφηττίῳ κατέπλασεν αὐτοῦ τὰ βλέφαρ’ ἐκστρέψασ, ἵνα ὀδυνῷτο μᾶλλον. ὁ δὲ κεκραγὼσ καὶ βοῶν ἔφευγ’ ἀνᾴξασ· ὁ δὲ θεὸσ γελάσασ ἔφη· ἐνταῦθα νῦν κάθησο καταπεπλασμένοσ, ἵν’ ὑπομνύμενον παύσω σε τὰσ ἐκκλησίασ. ὡσ φιλόπολίσ τίσ ἐσθ’ ὁ δαίμων καὶ σοφόσ. μετὰ τοῦτο τῷ Πλούτωνι παρεκαθέζετο, καὶ πρῶτα μὲν δὴ τῆσ κεφαλῆσ ἐφήψατο, ἔπειτα καθαρὸν ἡμιτύβιον λαβὼν τὰ βλέφαρα περιέψησεν· ἡ Πανάκεια δὲ κατεπέτασ’ αὐτοῦ τὴν κεφαλὴν φοινικίδι καὶ πᾶν τὸ πρόσωπον· εἶθ’ ὁ θεὸσ ἐπόππυσεν. ἐξῃξάτην οὖν δύο δράκοντ’ ἐκ τοῦ νεὼ ὑπερφυεῖσ τὸ μέγεθοσ. ὦ φίλοι θεοί. τούτω δ’ ὑπὸ τὴν φοινικίδ’ ὑποδύνθ’ ἡσυχῇ τὰ βλέφαρα περιέλειχον, ὥσ γ’ ἐμοὶ δοκεῖ· καὶ πρίν σε κοτύλασ ἐκπιεῖν οἴνου δέκα, ὁ Πλοῦτοσ ὦ δέσποιν’ ἀνειστήκει βλέπων· ἐγὼ δὲ τὼ χεῖρ’ ἀνεκρότησ’ ὑφ’ ἡδονῆσ τὸν δεσπότην τ’ ἤγειρον. ὁ θεὸσ δ’ εὐθέωσ ἠφάνισεν αὑτὸν οἵ τ’ ὄφεισ ἐσ τὸν νεών. οἱ δ’ ἐγκατακείμενοι παρ’ αὐτῷ πῶσ δοκεῖσ τὸν Πλοῦτον ἠσπάζοντο καὶ τὴν νύχθ’ ὅλην ἐγρηγόρεσαν, ἑώσ διέλαμψεν ἡμέρα. ἐγὼ δ’ ἐπῄνουν τὸν θεὸν πάνυ σφόδρα, ὅτι βλέπειν ἐποίησε τὸν Πλοῦτον ταχύ, τὸν δὲ Νεοκλείδην μᾶλλον ἐποίησεν τυφλόν.

일치하는 문장이 없습니다.

SEARCH

MENU NAVIGATION