Aristophanes, Plutus, Episode 1:

(아리스토파네스, Plutus, Episode 1:)

μὴ δῆτ’ ἔμοιγ’ ἐσ τὴν κεφαλήν. μὴ τἀγαθὰ ἃ νῦν γεγένηται; μὴ μὲν οὖν τὰ πράγματα. ὡσ γὰρ τάχιστ’ ἀφικόμεθα πρὸσ τὸν θεὸν ἄγοντεσ ἄνδρα τότε μὲν ἀθλιώτατον νῦν δ’ εἴ τιν’ ἄλλον μακάριον κεὐδαίμονα, πρῶτον μὲν αὐτὸν ἐπὶ θάλατταν ἤγομεν, ἔπειτ’ ἐλοῦμεν. νὴ Δί’ εὐδαίμων ἄρ’ ἦν ἀνὴρ γέρων ψυχρᾷ θαλάττῃ λούμενοσ. ἔπειτα πρὸσ τὸ τέμενοσ ᾖμεν τοῦ θεοῦ. ἐπεὶ δὲ βωμῷ πόπανα καὶ προθύματα καθωσιώθη πέλανοσ Ἡφαίστου φλογί, κατεκλίναμεν τὸν Πλοῦτον, ὥσπερ εἰκὸσ ἦν· ἡμῶν δ’ ἕκαστοσ στιβάδα παρεκαττύετο. ἦσαν δέ τινεσ κἄλλοι δεόμενοι τοῦ θεοῦ; εἷσ μέν γε Νεοκλείδησ, ὅσ ἐστι μὲν τυφλόσ, κλέπτων δὲ τοὺσ βλέποντασ ὑπερηκόντικεν· ἕτεροί τε πολλοὶ παντοδαπὰ νοσήματα ἔχοντεσ· ὡσ δὲ τοὺσ λύχνουσ ἀποσβέσασ ἡμῖν παρήγγειλεν καθεύδειν τοῦ θεοῦ ὁ πρόπολοσ, εἰπών, ἤν τισ αἴσθηται ψόφου σιγᾶν, ἅπαντεσ κοσμίωσ κατεκείμεθα. κἀγὼ καθεύδειν οὐκ ἐδυνάμην, ἀλλά με ἀθάρησ χύτρα τισ ἐξέπληττε κειμένη ὀλίγον ἄπωθεν τῆσ κεφαλῆσ του γρᾳδίου, ἐφ’ ἣν ἐπεθύμουν δαιμονίωσ ἐφερπύσαι. ἔπειτ’ ἀναβλέψασ ὁρῶ τὸν ἱερέα τοὺσ φθοῖσ ἀφαρπάζοντα καὶ τὰσ ἰσχάδασ ἀπὸ τῆσ τραπέζησ τῆσ ἱερᾶσ· μετὰ τοῦτο δὲ περιῆλθε τοὺσ βωμοὺσ ἅπαντασ ἐν κύκλῳ, εἴ που πόπανον εἰή τι καταλελειμμένον· ἔπειτα ταῦθ’ ἥγιζεν ἐσ σάκταν τινά. κἀγὼ νομίσασ πολλὴν ὁσίαν τοῦ πράγματοσ ἐπὶ τὴν χύτραν τῆσ ἀθάρησ ἀνίσταμαι. ταλάντατ’ ἀνδρῶν οὐκ ἐδεδοίκεισ τὸν θεόν; νὴ τοὺσ θεοὺσ ἔγωγε μὴ φθάσειέ με ἐπὶ τὴν χύτραν ἐλθὼν ἔχων τὰ στέμματα· ὁ γὰρ ἱερεὺσ αὐτοῦ με προὐδιδάξατο. τὸ γρᾴδιον δ’ ὡσ ᾔσθετο δή μου τὸν ψόφον, ἄρασ’ ὑφῄρει· κᾆτα συρίξασ ἐγὼ ὀδὰξ ἐλαβόμην ὡσ παρείασ ὢν ὄφισ. ἡ δ’ εὐθέωσ τὴν χεῖρα πάλιν ἀνέσπασεν, κατέκειτο δ’ αὑτὴν ἐντυλίξασ’ ἡσυχῇ ὑπὸ τοῦ δέουσ βδέουσα δριμύτερον γαλῆσ. κἀγὼ τότ’ ἤδη τῆσ ἀθάρησ πολλὴν ἔφλων· ἔπειτ’ ἐπειδὴ μεστὸσ ἦν, ἀνεπαλλόμην.

일치하는 문장이 없습니다.

SEARCH

MENU NAVIGATION