Appian, The Civil Wars, book 1, chapter 11 6:

(아피아노스, The Civil Wars, book 1, chapter 11 6:)

Ὁ δ’ ἐσ μὲν πρόσχημα τῆσ πατρίου πολιτείασ ὑπάτουσ αὐτοῖσ ἐπέτρεψεν ἀποφῆναι, καὶ ἐγένοντο Μᾶρκοσ Τύλλιοσ καὶ Κορνήλιοσ Δολοβέλλασ· αὐτὸσ δ’ οἱᾶ δὴ βασιλεύων δικτάτωρ ἐπὶ τοῖσ ὑπάτοισ ἦν· πελέκεισ τε γὰρ ἐφέροντο πρὸ αὐτοῦ, οἱᾶ δικτάτοροσ, εἴκοσι καὶ τέσσαρεσ, ὅσοι καὶ τῶν πάλαι βασιλέων ἡγοῦντο, καὶ φυλακὴν τοῦ σώματοσ περιέθετο πολλήν. νόμουσ τε ἐξέλυε καὶ ἑτέρουσ ἐτίθετο· καὶ στρατηγεῖν ἀπεῖπε, πρὶν ταμιεῦσαι, καὶ ὑπατεύειν, πρὶν στρατηγῆσαι, καὶ τὴν ἀρχὴν τὴν αὐτὴν αὖθισ ἄρχειν ἐκώλυσε, πρὶν ἔτη δέκα διαγενέσθαι. τὴν δὲ τῶν δημάρχων ἀρχὴν ἴσα καὶ ἀνεῖλεν, ἀσθενεστάτην ἀποφήνασ καὶ νόμῳ κωλύσασ μηδεμίαν ἄλλην τὸν δήμαρχον ἀρχὴν ἔτι ἄρχειν· διὸ καὶ πάντεσ οἱ δόξησ ἢ γένουσ ἀντιποιούμενοι τὴν ἀρχὴν ἐσ τὸ μέλλον ἐξετρέποντο. καὶ οὐκ ἔχω σαφῶσ εἰπεῖν, εἰ Σύλλασ αὐτήν, καθὰ νῦν ἐστιν, εἰσ τὴν βουλὴν ἀπὸ τοῦ δήμου μετήνεγκεν. αὐτῇ δὲ τῇ βουλῇ διὰ τὰσ στάσεισ καὶ τοὺσ πολέμουσ πάμπαν ὀλιγανδρούσῃ προσκατέλεξεν ἀμφὶ τοὺσ τριακοσίουσ ἐκ τῶν ἀρίστων ἱππέων, ταῖσ φυλαῖσ ἀναδοὺσ ψῆφον περὶ ἑκάστου. τῷ δὲ δήμῳ τοὺσ δούλουσ τῶν ἀνῃρημένων τοὺσ νεωτάτουσ τε καὶ εὐρώστουσ, μυρίων πλείουσ, ἐλευθερώσασ ἐγκατέλεξε καὶ πολίτασ ἀπέφηνε Ῥωμαίων καὶ Κορνηλίουσ ἀφ’ ἑαυτοῦ προσεῖπεν, ὅπωσ ἑτοίμοισ ἐκ τῶν δημοτῶν πρὸσ τὰ παραγγελλόμενα μυρίοισ χρῷτο. τὸ δ’ αὐτὸ καὶ περὶ τὴν Ἰταλίαν ἐπινοῶν τέλεσι τοῖσ ὑπὲρ ἑαυτοῦ στρατευσαμένοισ τρισὶ καὶ εἴκοσιν ἐπένειμεν, ὥσ μοι προείρηται, πολλὴν ἐν ταῖσ πόλεσι γῆν, τὴν μὲν ἔτι οὖσαν ἀνέμητον, τὴν δὲ τὰσ πόλεισ ἀφαιρούμενοσ ἐπὶ ζημίᾳ.

일치하는 문장이 없습니다.

SEARCH

MENU NAVIGATION