헬라어 문장 검색 - Αππιαν́ΤηεΞιϝί1́11́

(아피아노스, The Civil Wars, book 1, chapter 10)

Πρώτη μὲν ἀμφὶ Κανύσιον τοῖσ ἀνθυπάτοισ πρὸσ Νωρβανὸν ἐγίγνετο μάχη· καὶ θνῄσκουσι Νωρβανοῦ μὲν ἑξακισχίλιοι, τῶν δ’ ἀμφὶ τὸν Σύλλαν ἑβδομήκοντα, τραυματίαι δ’ ἐγένοντο πολλοί· καὶ Νωρβανὸσ ἐσ Καπύην ἀνέζευξε. Σύλλᾳ δὲ καὶ Μετέλλῳ περὶ τὸ Τεανὸν οὖσι Λεύκιοσ Σκιπίων ἐπῄει μεθ’ ἑτέρου στρατοῦ, πάνυ ἀθύμωσ ἔχοντοσ καὶ ποθοῦντοσ εἰρήνην γενέσθαι·

αἰσθόμενοι δ’ οἱ περὶ τὸν Σύλλαν πρὸσ τὸν Σκιπίωνα περὶ συμβάσεων ἐπρέσβευον, οὐχ οὕτωσ ἐλπίζοντεσ ἢ χρῄζοντεσ, ὡσ στασιάσειν προσδοκῶντεσ αὐτοῦ τὸν στρατὸν ἀθύμωσ ἔχοντα. ὃ καὶ συνηνέχθη γενέσθαι. Σκιπίων μὲν γὰρ ὅμηρα τῆσ συνόδου λαβὼν ἐσ τὸ πεδίον κατῄει, καὶ συνῄεσαν τρεῖσ ἑκατέρωθεν, ὅθεν οὐδὲ γνῶναι τὰ λεχθέντα συνέβη· ἐδόκει δ’ ἀναθέμενοσ ὁ Σκιπίων ἐσ Νωρβανὸν τὸν σύναρχον περὶ τῶν λελεγμένων πέμψαι Σερτώριον ἀπαγγελοῦντα, καὶ ὁ στρατὸσ ὁ ἑκατέρων ἡσύχαζε, τὰσ ἀποκρίσεισ ἀναμένοντεσ. Σερτωρίου δ’ ἐν παρόδῳ Σύεσσαν, ἣ τὰ Σύλλεια ᾕρητο, καταλαβόντοσ ὁ μὲν Σύλλασ ᾐτιᾶτο πέμπων ἐσ τὸν Σκιπίωνα, ὁ δέ, εἴτε τῷ γενομένῳ συνεγνωκὼσ εἴτε ἀποκρίσεωσ ἀπορῶν ὡσ ἐπὶ ἀλλοκότῳ δὴ τῷ Σερτωρίου ἔργῳ, τὰ ὅμηρα ἀπέπεμπε τῷ Σύλλᾳ. καὶ αὐτίκα ὁ στρατὸσ αὐτοῦ, τῇ τε τῆσ Συέσσησ ἐν σπονδαῖσ ἀλόγῳ καταλήψει καὶ τῇ τῶν ὁμήρων οὐκ ἀπαιτουμένων ἀποπέμψει τοὺσ ὑπάτουσ ἔχοντεσ ἐν αἰτίαισ, κρύφα τῷ Σύλλᾳ συνετίθεντο μεταθήσεσθαι πρὸσ αὐτόν, εἰ πελάσειε. καὶ προσιόντοσ αὐτίκα πάντεσ ἀθρόωσ μετέστησαν, ὡσ τὸν ὕπατον Σκιπίωνα καὶ τὸν υἱὸν αὐτοῦ Λεύκιον μόνουσ ἐκ τοῦ στρατοῦ παντὸσ ἐν τῇ σκηνῇ διηπορημένουσ Σύλλαν καταλαβεῖν. καί μοι δοκεῖ τόδε οὐ στρατηγοῦ παθεῖν ὁ Σκιπίων, ἀγνοήσασ ὅλου στρατοῦ τοσήνδε συνθήκην. Σκιπίωνα μὲν δὴ μετὰ τοῦ παιδὸσ οὐ μεταπείθων ὁ Σύλλασ ἀπέπεμπεν ἀπαθῆ.

πλέονοσ δ’ ἀεὶ τοῖσ ὑπάτοισ γιγνομένου στρατοῦ ἀπό τε τῆσ πλέονοσ Ἰταλίασ ἔτι σφίσι συνεστώσησ καὶ ἀπὸ τῆσ ὁμόρου περὶ τὸν Ἠριδανὸν Γαλατίασ, οὐδ’ ὁ Σύλλασ ἠμέλει, περιπέμπων ἐσ ὅσα δύναιτο τῆσ Ἰταλίασ, φιλίᾳ τε καὶ φόβῳ καὶ χρήμασι καὶ ἐλπίσιν ἀγείρων, μέχρι τὸ λοιπὸν τοῦ θέρουσ ἑκατέροισ ἐσ ταῦτα ἀνηλώθη. καὶ πρὸσ Νωρβανὸν ἐσ Καπύην περὶ συμβάσεων ἔπεμπεν ἑτέρουσ, εἴτε δείσασ τῆσ πλέονοσ Ἰταλιασ ἔτι τοῖσ ὑπάτοισ συνισταμένησ εἴτε καὶ ἐσ τόνδε καθάπερ ἐσ τὸν Σκιπίωνα τεχνάζων. οὐδενὸσ δ’ αὐτῷ προιόντοσ οὐδ’ ἐσ ἀπόκρισιν ὁ̔ γάρ τοι Νωρβανόσ, ὡ ἐοίκε, μὴ διαβληθείη τὰ ὅμοια ἐσ τὸν στρατὸν ἔδεισεν̓ ἀναστήσασ Σύλλασ ἐχώρει πρόσω τὰ πολέμια πάντα δῃῶν· τὸ δ’ αὐτὸ καὶ Νωρβανὸσ ἔπραττε κατ’ ἄλλασ ὁδούσ. Κάρβων δὲ ἐσ τὸ ἄστυ προδραμὼν Μέτελλόν τε καὶ τοὺσ ἄλλουσ, ὅσοι ὄντεσ ἀπὸ τῆσ βουλῆσ τῷ Σύλλᾳ συνῆσαν, ἐψηφίζετο εἶναι πολεμίουσ. αἷσ ἡμέραισ καὶ τὸ Καπιτώλιον ἐνεπίμπρατο· καὶ τὸ ἔργον τινὲσ ἐλογοποίουν Κάρβωνοσ ἢ τῶν ὑπάτων ἢ Σύλλα πέμψαντοσ εἶναι, τὸ δ’ ἀκριβὲσ ἄδηλον ἦν, καὶ οὐκ ἔχω τὴν αἰτίαν ἐγὼ συμβαλεῖν, δι’ ἣν ἂν οὕτωσ ἐγένετο. Σερτώριοσ δ’ ἐκ πολλοῦ στρατηγεῖν ἡρημένοσ Ἰβηρίασ μετὰ τὴν Συέσσησ κατάληψιν ἔφευγεν ἐσ τὴν Ἰβηρίαν· καὶ αὐτὸν τῶν προτέρων στρατηγῶν οὐ δεχομένων, πολλοὺσ ἐνταῦθα καὶ ὅδε Ῥωμαίοισ ἀνεκίνησε πόνουσ. Τοῦ δ’ ἐπιόντοσ ἔτουσ ὕπατοι μὲν ἐγενέσθην Παπίριόσ τε Κάρβων αὖθισ καὶ Μάριοσ ὁ ἀδελφιδοῦσ Μαρίου τοῦ περιφανοῦσ, ἑπτὰ καὶ εἴκοσιν ἔτη γεγονώσ·

χειμὼν δὲ καὶ κρύοσ πολὺ γενόμενον ἅπαντασ ἀλλήλων διέστησεν. ἀρχομένου δ’ ἦροσ περὶ τὸν Αἰσῖνον ποταμὸν ἐξ ἠοῦσ ἐπὶ μεσημβρίαν ἀγὼν καρτερὸσ ἐγένετο Μετέλλῳ τε καὶ Καρρίνᾳ, Κάρβωνοσ στρατηγῷ, πρὸσ ἀλλήλουσ· καὶ φεύγει μὲν ὁ Καρρίνασ πολλοῦσ ἀποβαλών, τὰ δὲ περίοικα πάντα ἐσ τὸν Μέτελλον ἀπὸ τῶν ὑπάτων μετετίθετο. Μέτελλον δὲ Κάρβων καταλαβὼν ἐφρούρει περικαθήμενοσ, ἔστε Μάριον τὸν ἕτερον ὕπατον μεγάλῃ μάχῃ περὶ Πραινεστὸν ἡττῆσθαι πυθόμενοσ ἀνεστρατοπέδευεν ἐσ Ἀρίμινον. καὶ τοῦδε μὲν Πομπήιοσ τῆσ οὐραγίασ ἐξαπτόμενοσ ἠνώχλει, ἡ δὲ περὶ Πραινεστὸν ἧσσα ὧδε ἐγένετο. Σύλλα Σήτιον καταλαβόντοσ, ὁ Μάριοσ ἀγχοῦ στρατοπεδεύων ὑπεχώρει κατ’ ὀλίγον, ὡσ δ’ ἦλθεν ἐπὶ τὸν καλούμενον Ιἑρὸν λιμένα, ἐξέτασσεν ἐσ μάχην καὶ ἠγωνίζετο προθύμωσ. ἀρχομένου δ’ ἐνδιδόναι τοῦ λαιοῦ μέρουσ, σπεῖραι πέντε πεζῶν καὶ δύο ἱππέων οὐκ ἀναμείνασαι τὴν τροπὴν ἐκφανῆναι τά τε σημεῖα ἔρριψαν ὁμοῦ καὶ πρὸσ τὸν Σύλλαν μετετίθεντο. καὶ τόδ’ εὐθὺσ ἦρχε τῷ Μαρίῳ δυσχεροῦσ ἥττησ. κοπτόμενοι γὰρ ἐσ Πραινεστὸν ἔφευγον ἅπαντεσ, ἑπομένου τοῦ Σύλλα σὺν δρόμῳ. καὶ οἱ Πραινέστιοι τοὺσ μὲν πρώτουσ αὐτῶν εἰσεδέξαντο, Σύλλα δ’ ἐπικειμένου τὰσ πύλασ ἀπέκλεισαν καὶ Μάριον καλῳδίοισ ἀνιμήσαντο. πολὺσ δ’ ἄλλοσ ἐκ τοῦδε περὶ τοῖσ τείχεσιν ἐγίγνετο φόνοσ, καὶ πλῆθοσ αἰχμαλώτων ὁ Σύλλασ ἔλαβεν, ὧν τοὺσ Σαυνίτασ ἔκτεινε πάντασ ὡσ αἰεὶ χαλεποὺσ Ῥωμαίοισ γενομένουσ. Ταῖσ δ’ αὐταῖσ ἡμέραισ καὶ Μέτελλοσ ἐνίκα ἕτερον Κάρβωνοσ στρατόν, πέντε κἀνταῦθα σπειρῶν ἐν τῷ ἔργῳ σεσωσμένων ἐσ Μέτελλον.

τοὺσ δὲ αἵ τε πόλεισ παροδεύοντασ ξὺν φόβῳ προσεδέχοντο, καὶ τὸ ἄστυ προσιοῦσι τὰσ πύλασ ἀνέῳξαν, ὑπό τε λιμοῦ πιεζούμενοι καὶ τῶν παρόντων κακῶν ἄρα ἀεὶ τὰ ἐπικρατοῦντα φέρειν ἐθιζόμενοι. Πομπήιόσ τε Μάρκιον ἐνίκα περὶ πόλιν Σήνασ καὶ τὴν πόλιν διήρπαζεν. ὁ δὲ Σύλλασ τὸν Μάριον ἐσ Πραινεστὸν κατακλείσασ τὴν πόλιν ἀπετάφρευε καὶ ἀπετείχιζεν ἐκ μακροῦ διαστήματοσ καὶ Λουκρήτιον Ὀφέλλαν ἐπέστησε τῷ ἔργῳ, ὡσ οὐκέτι μάχη παραστησόμενοσ Μάριον, ἀλλὰ λιμῷ. Μάριοσ δὲ οὐδὲν χρηστὸν ἔτι προσδοκῶν τοὺσ ἰδίουσ ἐχθροὺσ ἠπείγετο προανελεῖν καὶ Βρούτῳ στρατηγοῦντι τῆσ πόλεωσ ἐπέστελλε τὴν σύγκλητον ὡσ ἐπὶ ἄλλο συναγαγεῖν καὶ κτεῖναι Πόπλιον Ἀντίστιον καὶ Παπίριον Κάρβωνα ἕτερον καὶ Λεύκιον Δομίτιον καὶ Μούκιον Σκαιόλαν, τὸν τὴν μεγίστην Ῥωμαίοισ ἱερωσύνην ἱερωμένον. οἱ μὲν δὴ δύο τῶνδε ἀνῃρέθησαν ἐν τῇ βουλῇ, καθὰ Μάριοσ προσέταξε, τῶν σφαγέων ἐσ τὸ βουλευτήριον ἐσαχθέντων· Δομίτιοσ δ’ ἐκτρέχων παρὰ τὴν ἔξοδον ἀνῃρέθη, καὶ μικρὸν πρὸ τοῦ βουλευτηρίου Σκαιόλασ. τά τε σώματα αὐτῶν ἐσ τὸν ποταμὸν ἐρρίφη· ἐπεπόλαζε γὰρ ἤδη μὴ καταθάπτεσθαι τοὺσ ἀναιρουμένουσ. Σύλλασ δὲ στρατὸν ἐσ Ῥώμην κατὰ μέρη δι’ ἑτέρων καὶ ἑτέρων ὁδῶν περιέπεμπεν, ἐντελλόμενοσ τὰσ πύλασ καταλαβεῖν, εἰ δὲ ἀποκρουσθεῖεν, ἐπὶ Ὄστια χωρεῖν. Σύλλασ δ’ ὡσ ἔμαθεν, αὐτίκα ἐπελθὼν τὴν μὲν στρατιὰν ἵδρυσε πρὸ τῶν πυλῶν ἐν τῷ Ἀρείῳ πεδίῳ, αὐτὸσ δ’ εἴσω παρῆλθεν, ἐκφυγόντων τῶν ἀντιστασιωτῶν ἁπάντων.

καὶ τὰ μὲν τούτων αὐτίκα ἐδημεύετο καὶ διεπιπράσκετο, τὸν δὲ δῆμον ἐσ ἐκκλησίαν συναγαγὼν τήν τε ἀνάγκην τῶν παρόντων ὠλοφύρετο καὶ θαρρεῖν προσέταξεν ὡσ αὐτίκα τῶνδε παυσομένων καὶ τῆσ πολιτείασ ἐσ τὸ δέον ἐλευσομένησ. διοικησάμενοσ δ’ ὅσα ἤπειγε καὶ τῇ πόλει τινὰσ ἐπιστήσασ τῶν ἑαυτοῦ ἐξώρμησεν ἐσ Κλούσιον, ἔνθα τοῦ πολέμου τὰ λοιπὰ ἤκμαζεν. ἐν δὲ τούτῳ τοῖσ ὑπάτοισ προσεγένοντο ἱππεῖσ Κελτίβηρεσ, ὑπὸ τῶν ἐν Ἰβηρίᾳ στρατηγῶν ἀπεσταλμένοι, καὶ γενομένησ παρὰ τὸν Γλάνιν ποταμὸν ἱππομαχίασ ὁ μὲν Σύλλασ ἔκτεινεν ἐσ πεντήκοντα τῶν πολεμίων, διακόσιοι δὲ καὶ ἑβδομήκοντα τῶνδε τῶν Κελτιβήρων ηὐτομόλησαν ἐσ Σύλλαν· καὶ τοὺσ λοιποὺσ ὁ Κάρβων ἀνεῖλεν, εἴτε χαλεπήνασ τῆσ τῶν ὁμοεθνῶν αὐτομολίασ εἴτε δείσασ περὶ ὁμοίου. τοῦ δ’ αὐτοῦ χρόνου περὶ Σατουρνίαν ἑτέρῳ μέρει τοὺσ ἐχθροὺσ ὁ Σύλλασ ἐνίκα, καὶ Μέτελλοσ ἐπὶ Ῥάβενναν περιπλέων τὴν Οὐριτανὴν χώραν, πεδιάδα καὶ πυροφόρον οὖσαν, προκατελάμβανεν. ἔσ τε Νέαν πόλιν ἐκ προδοσίασ νυκτὸσ ἕτεροι τῶν Συλλείων ἐσελθόντεσ ἔκτειναν ἅπαντασ χωρὶσ ὀλίγων διαφυγόντων καὶ τὰσ τριήρεισ τῆσ πόλεωσ ἔλαβον. αὐτῷ δὲ Σύλλᾳ καὶ Κάρβωνι περὶ Κλούσιον ἐξ ἠοῦσ ἐπὶ ἑσπέραν γίγνεται μάχη καρτερά· καὶ φανέντεσ ἀλλήλοισ ἰσόμαχοι μετὰ σκότουσ διεκρίθησαν. Ἐν δὲ τῷ πωλητίῳ πεδίῳ Πομπήιοσ καὶ Κράσσοσ, ἄμφω Σύλλα στρατηγοί, κτείνουσι τῶν Καρβωνείων εἰσ τρισχιλίουσ καὶ Καρρίναν τὸν ἀντιστρατηγοῦντα σφίσιν ἐπολιόρκουν, ἔστε Κάρβων μὲν ἕτερον τῷ Καρρίνᾳ στρατὸν ἔπεμψεν·

ὁ δὲ Σύλλασ αἰσθόμενοσ καὶ ἐφεδρεύσασ ἔκτεινεν αὐτῶν παροδ υόντων ἐσ δισχιλίουσ, καὶ Καρρίνασ δὲ νυκτόσ, ὕδατόσ τε ὄντοσ ἐξ οὐρανοῦ πολλοῦ καὶ σκότουσ, αἰσθομένων μέν τι τῶν περικαθημένων, διὰ δὲ τὸν ὄμβρον ἀμελούντων, διέφυγε. καὶ Κάρβων ἐσ Πραινεστὸν Μαρίῳ τῷ συνάρχῳ Μάρκιον ἔπεμπεν, ὀκτὼ τέλη στρατιᾶσ ἄγοντα, πυνθανόμενοσ αὐτὸν ὑπὸ λιμοῦ κακοπαθεῖν· οἷσ ὁ Πομπήιοσ ἐξ ἐνέδρασ ἐν στενῷ προσπεσὼν τρέπεταί τε καὶ πολλοὺσ διαφθείρασ ἐσ λόφον συνέκλεισε τοὺσ λοιπούσ. ἐξ οὗ Μάρκιοσ μὲν οὐ σβέσασ τὸ πῦρ ἀπεδίδρασκεν, ὁ δὲ στρατὸσ αὐτῷ τὴν αἰτίαν τῆσ ἐνέδρασ προστιθεὶσ ἐστασίασε χαλεπῶσ, καὶ τέλοσ μὲν ὑπὸ τοῖσ σημείοισ ὅλον ἄνευ παραγγέλματοσ ἐπανῆλθεν ἐσ Ἀρίμινον, οἱ λοιποὶ δ’ ἐσ τὰσ πατρίδασ κατὰ μέρη διελύθησαν, ὡσ ἑπτὰ σπείρασ τῷ στρατηγῷ μόνασ παραμεῖναι. Καὶ Μάρκιοσ μὲν ὧδε πράξασ κακῶσ ἐσ Κάρβωνα ἐπανῄει, Μᾶρκον δὲ Λαμπώνιον ἐκ Λευκανίασ καὶ Πόντιον Τελεσῖνον ἐκ τῆσ Σαυνίτιδοσ καὶ τὸν Καπυαῖον Γοῦτταν, μεθ’ ἑπτὰ μυριάδων ἐπειγομένουσ Μάριον ἐξελέσθαι τῆσ πολιορκίασ, ὁ Σύλλασ ἐν τοῖσ στενοῖσ, ᾗ μόνῃ διαβατὸν ἦν, ἀπέκλειε τῆσ παρόδου. καὶ ὁ Μάριοσ, ἀπογινώσκων ἤδη τὰσ ἔξωθεν ἐπικουρίασ, φρούριον ἐν τῷ μεταιχμίῳ μεγάλῳ ὄντι ἤγειρεν, ἐσ ὃ καὶ μηχανὰσ καὶ στρατιὰν συναγαγὼν ἐπεχείρει βιάσασθαι τὸν Λουκρήτιον. πολυημέρου δ’ αὐτῷ καὶ ποικίλησ τῆσ πείρασ γενομένησ, οὐδὲν ἀνύων ἐσ Πραινεστὸν αὖθισ συνεκλείετο. Καὶ περὶ τὰσ αὐτὰσ ἡμέρασ ἐν Φαυεντίᾳ Κάρβων καὶ Νωρβανὸσ ἐξ ὁδοῦ βραχὺ πρὸ ἑσπέρασ ἐπὶ τὸ Μετέλλου στρατόπεδον ἐλθόντεσ, λοιπῆσ οὔσησ ὡρ́ασ μιᾶσ καὶ ἀμπέλων πυκνῶν περικειμένων, ἀνοήτωσ μάλα ὑπὸ ὀργῆσ ἐσ μάχην ἐξέταττον, ἐλπίσαντεσ Μέτελλον τῷ παραλόγῳ καταπλήξειν.

ἡττώμενοι δὲ ὡσ ἐν ἀφυεῖ χωρίῳ τε καὶ ὡρ́ᾳ καὶ ἐσ τὰ φυτὰ ἐμπίπτοντεσ ἐφθείροντο κατὰ πλῆθοσ, ὡσ ἀπολέσθαι μὲν ἀμφὶ τοὺσ μυρίουσ, αὐτομολῆσαι δ’ ἐσ ἑξακισχιλίουσ καὶ τοὺσ λοιποὺσ διαρριφῆναι, μόνων ἐν τάξει χιλίων ἐπανελθόντων ἐσ Ἀρίμινον. τέλοσ δ’ ἄλλο Λευκανῶν ἀγόμενον ὑπὸ Ἀλβενουανοῦ, τῆσ ἥττησ πυθόμενον, μετεχώρει πρὸσ Μέτελλον δυσχεραίνοντοσ Ἀλβενουανοῦ. ὁ δὲ τότε μὲν οὐ κατασχὼν τῆσ ὁρμῆσ αὑτὸν ἐσ Νωρβανὸν ἐπανῆλθεν, οὐ πολλαῖσ δὲ ἡμέραισ ὕστερον κρύφα τῷ Σύλλᾳ κοινολογησάμενοσ καὶ λαβὼν ἄδειαν, εἴ τι πράξειεν ἀξιόλογον, ἐπὶ ἑστίασιν ἐκάλει Νωρβανόν τε καὶ τοὺσ συνόντασ αὐτῷ στρατηγούσ, Γάιον Ἀντίπατρον καὶ Φλάυιον Φιμβρίαν, ἀδελφὸν τοῦδε τοῦ περὶ τὴν Ἀσίαν ἑαυτὸν ἀνελόντοσ, ὅσοι τε ἄλλοι τῶν Καρβωνείων στρατηγοὶ τότε παρῆσαν. ὡσ δ’ ἀφίκοντο χωρίσ γε Νωρβανοῦ ̔μόνοσ γὰρ οὐκ ἀφίκετὀ, πάντασ αὐτοὺσ ὁ Ἀλβενουανὸσ ἔκτεινεν ἐπὶ τῆσ διαίτησ καὶ ἐσ τὸν Σύλλαν διέφυγε. Νωρβανὸσ δὲ καὶ Ἀρίμινον ἐπὶ τῇδε τῇ συμφορᾷ καὶ ἄλλα πολλὰ τῶν πλησίον στρατοπέδων ἐσ τὸν Σύλλαν μεταχωρεῖν πυνθανόμενοσ τῶν τε παρόντων οἱ φίλων οὐδένα ἔτι πιστὸν οὐδὲ βέβαιον ὡσ ἐν συμφοραῖσ τιθέμενοσ, ἰδιωτικοῦ σκάφουσ ἐπιβὰσ ἐσ Ῥόδον διέπλευσεν· ὅθεν ὕστερον ἐξαιτούμενοσ ὑπὸ τοῦ Σύλλα, Ῥοδίων ἔτι ἀμφιγνοούντων, ἑαυτὸν ἐν ἀγορᾷ μέσῃ διέφθειρε. Κάρβων δὲ ἕτερα δύο τέλη στρατιωτῶν ἐσ Πραινεστὸν ἄγειν ἔπεμπε Δαμάσιππον, ὑπερεπειγόμενοσ Μάριον ἐκλῦσαι τῆσ πολιορκίασ·

ἀλλ’ οὐδ’ οὗτοι τὰ στενὰ διελθεῖν ἐδύναντο φυλασσόμενα ὑπὸ τοῦ Σύλλα. Γαλάται τε ὅσοι ἀπὸ Ῥαβέννησ ἐπὶ τὰ Ἄλπεια παρήκουσιν, ἀθρόωσ ἐσ Μέτελλον μετετίθεντο· καὶ Λεύκολλοσ ἑτέρουσ τῶν Καρβωνείων ἐνίκα περὶ Πλακεντίαν. ὧν ὁ Κάρβων πυνθανόμενοσ, τρισμυρίουσ ὅμωσ ἔτι ἔχων περὶ τὸ Κλούσιον καὶ δύο τέλη τὰ Δαμασίππου καὶ ἕτερα περὶ Καρρίναν καὶ Μάρκιον Σαυνιτῶν τε αὐτῷ χειρὶ πολλῇ προθύμωσ περὶ τὰ στενὰ κακοπαθούντων, ἀπογνοὺσ ἁπάντων ἀσθενῶσ ἔφευγε σὺν τοῖσ φίλοισ ἐσ Λιβύην ἐξ Ἰταλίασ ὕπατοσ ἔτι ὤν, ὡσ Λιβύην παραστησόμενοσ ἀντὶ τῆσ Ἰταλίασ. τῶν δ’ ὑπολειφθέντων οἱ μὲν ἀμφὶ τὸ Κλούσιον Πομπηίῳ συνενεχθέντεσ ἐσ μάχην ἀπέβαλον ἐσ δισμυρίουσ, καὶ ὡσ ἐπὶ συμφορᾷ μεγίστῃ καὶ τὸ λοιπὸν τοῦδε τοῦ στρατοῦ ἐσ τὰσ πατρίδασ κατὰ μέρη διελύθη· Καρρίνασ δὲ καὶ Μάρκιοσ καὶ Δαμάσιπποσ οἷσ εἶχον ἅπασιν ἐπὶ τὰ στενὰ ἐχώρουν ὡσ ὁμοῦ τοῖσ Σαυνίταισ βιασόμενοι πάντωσ αὐτὰ περᾶσαι. οὐ δυνηθέντεσ δὲ οὐδ’ ὥσ, ἐφέροντο ἐσ Ῥώμην ὡσ ἔρημον ἀνδρῶν καὶ τροφῶν ἅμα καταληψόμενοι τὸ ἄστυ καὶ πρὸ σταδίων ἑκατὸν ἐστρατοπέδευον ἀμφὶ τὴν Ἀλβανῶν γῆν. Δείσασ οὖν ὁ Σύλλασ περὶ τῇ πόλει τοὺσ μὲν ἱππέασ προύπεμψε κατὰ σπουδὴν ἐνοχλεῖν αὐτοῖσ ὁδεύουσιν, αὐτὸσ δ’ ἐπειχθεὶσ ἀθρόῳ τῷ στρατῷ παρὰ ταῖσ Κολλίναισ πύλαισ περὶ μεσημβρίαν ἐστρατοπέδευσεν, ἀμφὶ τὸ τῆσ Ἀφροδίτησ ἱερόν, ἤδη καὶ τῶν πολεμίων περὶ τὴν πόλιν στρατοπεδευόντων.

μάχησ δ’ εὐθὺσ αὐτοῖσ περὶ δείλην ἑσπέραν γενομένησ τῷ μὲν δεξιῷ Σύλλασ ἐκράτει, τὸ δὲ λαιὸν ἡττώμενον ἐπὶ τὰσ πύλασ κατέφυγεν. οἱ δὲ γέροντεσ, ὄντεσ ἐπὶ τῶν τειχῶν, ὡσ εἶδον αὐτοῖσ συνεστρέχοντασ τοὺσ πολεμίουσ, τὰσ πύλασ καθῆκαν ἀπὸ μηχανῆσ· αἱ δ’ ἐμπίπτουσαι πολλοὺσ μὲν ἀπὸ τοῦ στρατοῦ διέφθειραν, πολλοὺσ δ’ ἀπὸ τῆσ βουλῆσ, οἱ λοιποὶ δ’ ὑπὸ δέουσ καὶ ἀνάγκησ ἀνέστρεφον ἐσ τοὺσ πολεμίουσ. καὶ νυκτὸσ ὅλησ ἀγωνισάμενοι πολὺ πλῆθοσ ἔκτειναν· ἔκτειναν δὲ καὶ τῶν στρατηγῶν Τελεσῖνόν τε καὶ Ἀλβῖνον καὶ τὰ στρατόπεδα αὐτῶν ἔλαβον. Λαμπώνιόσ τε ὁ Λευκανὸσ καὶ Μάρκιοσ καὶ Καρρίνασ ὅσοι τε ἄλλοι στρατηγοὶ τῆσ Καρβωνείου στάσεωσ αὐτοῖσ συνῆσαν, διέφυγον. καὶ θάνατοσ ἐκ τοῦδε τοῦ ἔργου πέντε μυριάδων ἐδόκει γενέσθαι παρ’ ἀμφοτέρων· τά τε αἰχμάλωτα ὀκτακισχιλίων πλείω γενόμενα Σύλλασ, ὅτι Σαυνῖται τὸ πλέον ἦν, κατηκόντισε. μετὰ δὲ μίαν ἡμέραν αὐτῷ καὶ Μάρκιοσ καὶ Καρρινασ ἁλόντεσ προσήγοντο· καὶ οὐδὲ τῶνδε φειδόμενοσ οἱᾶ Ῥωμαίων ἔκτεινεν ἄμφω καὶ τὰσ κεφαλὰσ ἐσ Πραινεστὸν Λουκρητίῳ περὶ τὰ τείχη περιενεγκεῖν ἔπεμψεν. Πραινέστιοι δὲ καὶ τάδε θεώμενοι καὶ τὸν Κάρβωνοσ στρατὸν ἀπολωλέναι πάντα πυνθανόμενοι αὐτόν τε Νωρβανὸν ἤδη φυγεῖν ἐξ Ἰταλίασ καὶ τὴν ἄλλην Ἰταλίαν καὶ Ῥώμην ἐπ’ αὐτῇ Σύλλαν ἐκτενῶσ κεχειρῶσθαι, τὴν πόλιν τῷ Λουκρητίῳ παρέδοσαν, Μαρίου καταδύντοσ ἐσ τάφρουσ ὑπονόμουσ καὶ μετὰ βραχὺ καὶ ἀνελόντοσ ἑαυτόν.

Λουκρήτιοσ μὲν δὴ Μαρίου τὴν κεφαλὴν ἐκτεμὼν ἔπεμπεν ἐσ Σύλλαν· καὶ αὐτὴν ὁ Σύλλασ ἐν ἀγορᾷ μέσῃ πρὸ τῶν ἐμβόλων θέμενοσ ἐπιγελάσαι λέγεται τῇ νεότητι τοῦ ὑπάτου καὶ εἰπεῖν· "ἐρέτην δεῖ πρῶτα γενέσθαι, πρὶν πηδαλίοισ ἐπιχειρεῖν. " Λουκρήτιοσ δ’ ἐπεὶ Πραινεστὸν εἷλε, τῶν ἀπὸ τῆσ βουλῆσ ἐνταῦθα Μαρίῳ στρατηγούντων τοὺσ μὲν αὐτίκα ἀνῄρει, τοὺσ δ’ ἐσ φυλακὴν ἐσέβαλλεν· οὓσ ὁ Σύλλασ ἐπελθὼν ἀνεῖλε. καὶ τοὺσ ἐν Πραινεστῷ προσέταξε χωρὶσ ὅπλων προελθεῖν ἅπαντασ ἐσ τὸ πεδίον καὶ προελθόντων τοὺσ μὲν ἑαυτῷ τι χρησίμουσ γενομένουσ, ὀλίγουσ πάμπαν, ἐξείλετο, τοὺσ δὲ λοιποὺσ ἐκέλευσεν ἐσ τρία ἀπ’ ἀλλήλων διαστῆναι, Ῥωμαίουσ τε καὶ Σαυνίτασ καὶ Πραινεστίουσ· ἐπεὶ δὲ διέστησαν, τοῖσ μὲν Ῥωμαίοισ ἐπεκήρυξεν, ὅτι καὶ οἵδε ἄξια θανάτου δεδράκασι, καὶ συγγνώμην ἔδωκεν ὅμωσ, τοὺσ δὲ ἑτέρουσ κατηκόντισεν ἅπαντασ· γύναια δ’ αὐτῶν καὶ παιδία μεθῆκεν ἀπαθεῖσ ἀπιέναι. καὶ τὴν πόλιν διήρπαζε, πολυχρήματον ἐν τοῖσ μάλιστα τότε οὖσαν. Ὧδε μὲν δὴ καὶ Πραινεστὸσ ἑάλω, Νῶρβα δ’, ἑτέρα πόλισ, ἀντεῖχεν ἔτι ἐγκρατῶσ, ἔστε Αἰμιλίου Λεπίδου νυκτὸσ ἐσ αὐτὴν ἐκ προδοσίασ ἐσελθόντοσ διαγανακτήσαντεσ οἱ ἔνδον ἐπὶ τῇ προδοσίᾳ, οἱ μὲν ἑαυτοὺσ ἀνῄρουν, οἱ δ’ ἀλλήλουσ ἑκόντεσ, οἱ δὲ καὶ βρόχοισ συνεπλέκοντο· καὶ τὰσ θύρασ ἐνέφραττον ἕτεροι καὶ ἐνεπίμπρασαν . . . ἄνεμόσ τε πολὺσ ἐμπεσὼν ἐσ τοσοῦτον αὐτὴν ἐδαπάνησεν, ὡσ μηδὲν ἐκ τῆσ πόλεωσ λάφυρον γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 1, chapter 10

(아피아노스, The Civil Wars, book 1, chapter 10)

상위

목록

SEARCH

MENU NAVIGATION