헬라어 문장 검색 - Αππιαν́ΤηεΞιϝί1́10́

(아피아노스, The Civil Wars, book 1, chapter 9)

Σύλλασ δ’ ἐπείξει τῆσ ἐπὶ τοὺσ ἐχθροὺσ ἐπανόδου τὰ ἐσ Μιθριδάτην πάντ’ ἐπιταχύνασ, ὥσ μοι προείρηται, καὶ ἔτεσιν οὐδ’ ὅλοισ τρισὶν ἑκκαίδεκα μὲν ἀνδρῶν μυριάδασ κατακανών, τὴν δὲ Ἑλλάδα καὶ Μακεδονίαν καὶ Ιὠνίαν καὶ Ἀσίαν καὶ ἄλλα ἔθνη πολλά, ὅσα Μιθριδάτησ προειλήφει, ἐσ Ῥωμαίουσ ἀναλαβὼν αὐτόν τε τὸν βασιλέα τὰσ ναῦσ ἀφελόμενοσ καὶ ἐσ μόνην τὴν πατρῴαν ἀρχὴν ἐκ τοσῶνδε κατακλείσασ, ἐπανῄει στρατὸν ἄγων εὔνουν οἱ καὶ γεγυμνασμένον καὶ πολὺν καὶ τοῖσ γεγονόσιν ἐπηρμένον. ἦγε δὲ καὶ νεῶν πλῆθοσ καὶ χρήματα καὶ παρασκευὴν ἐσ ἅπαντα ἀξιόλογον, καὶ τοῖσ ἐχθροῖσ ἦν ἐπίφοβοσ, ὥστε δειμαίνοντεσ αὐτὸν ὅ τε Κάρβων καὶ ὁ Κίννασ ἐσ ὅλην τὴν Ἰταλιαν τινὰσ περιέπεμπον, χρήματα καὶ στρατιὰν καὶ σῖτον αὐτοῖσ ἀθροίζειν, τούσ τε δυνατοὺσ συνουσίαισ ἀνελάμβανον καὶ τῶν πόλεων ἠρέθιζον μάλιστα τὰσ νεοπολιτίδασ, ὡσ δι’ αὐτὰσ ὄντεσ ἐν τοσῷδε κινδύνου. τάσ τε ναῦσ ἐπεσκεύαζον ἀθρόωσ καὶ τὰσ ἐν Σικελίᾳ μετεκάλουν καὶ τὴν παράλιον ἐφύλασσον καὶ οὐδὲν ὀξείασ οὐδὲ οἵδε παρασκευῆσ μετὰ δέουσ ἅμα καὶ σπουδῆσ ἐξέλιπον. Σύλλασ δ’ ἐπὶ φρονήματοσ ἐπέστέλλε τῇ βουλῇ περί τε αὑτοῦ καταλέγων, ὅσα περὶ Λιβύην ἐσ Ιὀγόρθαν τὸν Νομάδα ἔτι ταμιεύων ἢ ἐπὶ τοῖσ Κιμβρικοῖσ πρεσβεύων ἢ Κιλικίασ ἡγούμενοσ ἢ ἐν τοῖσ συμμαχικοῖσ ἢ ὑπατεύων ἔπραξε, τὰ δ’ ἔναγχοσ ἐσ Μιθριδάτην ὑπερεπαίρων τε μάλιστα καὶ καταλογιζόμενοσ αὐτοῖσ ἀθρόωσ ἔθνη πολλά, ὅσα Μιθριδάτου γενόμενα Ῥωμαιοισ ἀναλάβοι, καὶ οὐδενὸσ ἧττον, ὅτι τοὺσ ἐξελαθέντασ ἐκ Ῥώμησ ὑπὸ Κίννα καταφυγόντασ ἐσ αὑτὸν ὑποδέξαιτο ἀπορουμένουσ καὶ ἐπικουφίζοι τὰσ συμφορὰσ αὐτοῖσ.

ἀνθ’ ὧν ἔφη τοὺσ ἐχθροὺσ πολέμιον αὑτὸν ἀναγράψαι καὶ τὴν οἰκίαν ἀνασκάψαι καὶ τοὺσ φίλουσ ἀνελεῖν, τὴν δὲ γυναῖκα καὶ τέκνα μόλισ πρὸσ ἑαυτὸν διαφυγεῖν. ἀλλ’ αὐτίκα καὶ τοῖσδε καὶ τῇ πόλει πάσῃ τιμωρὸσ ἥξειν ἐπὶ τοὺσ εἰργασμένουσ. τοῖσ δ’ ἄλλοισ πολίταισ τε καὶ νεοπολίταισ προύλεγεν οὐδενὶ μέμψεσθαι περὶ οὐδενόσ. Ὧν ἀναγινωσκομένων δέοσ ἅπαντασ ἐπεῖχε, καὶ πρέσβεισ ἔπεμπον, οἳ συναλλάξειν αὐτὸν τοῖσ ἐχθροῖσ ἔμελλον καὶ προερεῖν, εἴ τινοσ ἀσφαλείασ δέοιτο, τῇ βουλῇ τάχιστα ἐπιστεῖλαι· τοῖσ δ’ ἀμφὶ τὸν Κίνναν εἴρητο μὴ στρατολογεῖν, ἕστε ἐκεῖνον ἀποκρίνασθαι. οἱ δ’ ὑπέσχοντο μὲν ὧδε πράξειν, οἰχομένων δὲ τῶν πρέσβεων ἐσ τὸ μέλλον ἑαυτοὺσ ἀνεῖπον ὑπάτουσ αὐτίκα, τοῦ μὴ διὰ τὰ ἀρχαιρέσια θᾶττον ἐπανήκειν, καὶ τὴν Ἰταλίαν περιιόντεσ στρατιὰν συνῆγον, ἣν ἐσ Λιβυρνίαν, ὡσ ἐκεῖθεν ἀπαντήσοντεσ τῷ Σύλλᾳ, κατὰ μέροσ ἐπὶ νεῶν διεβίβαζον. τὸ μὲν δὴ πρῶτον μέροσ εὐσταθῶσ διέπλευσε·

τῷ δ’ ἑξῆσ χειμὼν ἐπέπεσε, καὶ ὅσοι τῆσ γῆσ ἐλαμβάνοντο, εὐθὺσ ἐσ τὰσ πατρίδασ διεδίδρασκον ὡσ οὐ στρατεύσοντεσ ἑκόντεσ κατὰ πολιτῶν· οἵ τε λοιποὶ πυνθανόμενοι ταῦτ’ οὐδ’ αὐτοὶ περάσειν ἔτι ἔλεγον ἐσ τὴν Λιβυρνίαν. Κίννασ δ’ ἀγανακτῶν ἐσ ἐκκλησίαν αὐτοὺσ ὡσ ἐπιπλήξων συνεκάλει· καὶ οἱ σὺν ὀργῇ παρῄεσαν ὡσ ἀμυνούμενοι. τῶν δὲ ῥαβδοφόρων τινὸσ ὁδοποιοῦντοσ τῷ Κίννᾳ καί τινα τῶν ἐν ποσὶ πατάξαντοσ, ἕτεροσ ἐκ τοῦ στρατοῦ τὸν ῥαβδοῦχον ἐπάταξε. καὶ Κίννα κελεύσαντοσ αὐτὸν συλλαβεῖν βοὴ παρὰ πάντων ἀνέστη, καὶ λίθων ἦσαν ἐπ’ αὐτὸν ἀφέσεισ· οἱ δ’ ἐγγὺσ καὶ τὰ ξιφίδια ἐπισπάσαντεσ συνεκέντησαν αὐτόν. οὕτω μὲν δὴ καὶ Κίννασ ὑπατεύων ἀπέθανε· Κάρβων δ’ ἔκ τε Λιβυρνίασ τοὺσ διαπεπλευκότασ ἐσ αὐτὴν μετεκάλει καὶ τὰ γιγνόμενα δεδιὼσ ἐσ τὴν πόλιν οὐ κατῄει, καὶ πάνυ τῶν δημάρχων αὐτὸν καλούντων ἐπὶ συνάρχου χειροτονίαν. ἀπειλησάντων δὲ ἰδιώτην ἀποφανεῖν, ἐπανῆλθε μὲν καὶ χειροτονίαν προύθηκεν ὑπάτου, ἀπαισίου δὲ τῆσ ἡμέρασ γενομένησ ἑτέραν προύγραφε· κἀν ταύτῃ κεραυνοῦ πεσόντοσ ἐσ τὸ τῆσ Σελήνησ καὶ τὸ τῆσ Δήμητροσ ἱερὸν οἱ μάντεισ ὑπὲρ τὰσ θερινὰσ τροπὰσ ἀνετίθεντο τὰσ χειροτονίασ, καὶ μόνοσ ἦρχεν ὁ Κάρβων. Σύλλασ δὲ τοῖσ πρὸσ αὐτὸν ἥκουσιν ἀπὸ τῆσ βουλῆσ ἀπεκρίνατο αὐτὸσ μὲν οὔποτε ἀνδράσι τολάδε ἐργασαμένοισ ἔσεσθαι φίλοσ, τῇ πόλει δ’ οὐ φθονήσειν χαριζομένῃ τὴν σωτηρίαν αὐτοῖσ·

ἀσφάλειαν δὲ αὐτὸσ μᾶλλον αὐτοῖσ ἔφη καὶ τοῖσ ἐσ αὑτὸν καταφυγοῦσιν ἐσ ἀεὶ παρέξειν, στρατὸν ἔχων εὔνουν. ᾧ δὴ καὶ μάλιστα δῆλοσ ἐγένετο, ἑνὶ ῥήματι τῷδε, οὐ διαλύσων τὸν στρατόν, ἀλλὰ τὴν τυραννίδα ἤδη διανοούμενοσ. ᾔτει δ’ αὐτοὺσ τήν τε ἀξίωσιν καὶ περιουσίαν καὶ ἱερωσύνην καὶ εἴ τι ἄλλο γέρασ εἶχεν, ἐντελῆ πάντα ἀποδοθῆναι· καὶ τοὺσ περὶ τούτων ἐροῦντασ συνέπεμπε τοῖσ πρέσβεσιν. οἱ δ’ εὐθὺσ ἀπὸ τοῦ Βρεντεσίου, Κίνναν τε πυθόμενοι τεθνάναι καὶ τὴν πόλιν ἀδιοίκητον εἶναι, πρὸσ τὸν Σύλλαν ἀνέστρεφον ἄπρακτοι. καὶ ὁ Σύλλασ πέντε Ἰταλοῦ στρατοῦ τέλη καὶ ἱππέασ ἑξακισχιλίουσ, ἄλλουσ τέ τινασ ἐκ Πελοποννήσου καὶ Μακεδονίασ προσλαβών, ἅπαντασ ἄγων ἐσ μυριάδασ ἀνδρῶν τέσσαρασ, ἐπί τε Πάτρασ ἀπὸ τοῦ Πειραιέωσ καὶ ἐκ Πατρῶν ἐσ Βρεντέσιον χιλίαισ καὶ ἑξακοσίαισ ναυσὶ διέπλει. δεξαμένων δ’ αὐτὸν ἀμαχεὶ τῶν Βρεντεσίων, τοῖσδε μὲν ὕστερον ἔδωκεν ἀτέλειαν, ἣν καὶ νῦν ἔχουσιν, αὐτὸσ δ’ ἀναστήσασ τὸν στρατὸν ἦγεν ἐσ τὸ πρόσω. Καὶ αὐτῷ Μέτελλοσ Καικίλιοσ ὁ Εὐσεβήσ, ἐκ πολλοῦ τε ᾑρημένοσ ἐσ τὰ λοιπὰ τοῦ συμμαχικοῦ πολέμου καὶ διὰ Κίνναν καὶ Μάριον ἐσ τὴν πόλιν οὐκ ἐσελθών, ἀλλὰ ἐν τῇ Λιβυστίδι τὸ μέλλον περιορῶν, αὐτόκλητοσ σύμμαχοσ ἀπήντα μεθ’ ἧσ εἶχε συμμαχίασ, ἀνθύπατοσ ἔτι ὤν·

ἔστι γὰρ εἶναι τοῖσ αἱρεθεῖσιν, ἔστε ἐπανέλθοιεν ἐσ Ῥώμην. ἐπὶ δὲ τῷ Μετέλλῳ καὶ Γναῖοσ Πομπήιοσ, ὁ μετ’ οὐ πολὺ Μέγασ παρονομασθείσ, Πομπηίου μὲν ὢν παῖσ τοῦ διεφθαρμένου τῷ κεραυνῷ, οὐκ εὔνου τῷ Σύλλᾳ νομισθέντοσ, τὴν δ’ ὑποψίαν διαλυόμενοσ, ἦλθε καὶ τέλοσ ἤγαγεν, ἐκ τῆσ Πικηνίτιδοσ κατὰ κλέοσ τοῦ πατρὸσ ἰσχύσαντοσ ἐν αὐτῇ μάλιστα ἀγείρασ. μετὰ δ’ οὐ πολὺ καὶ δύο ἄλλα συνέλεξε καὶ χρησιμώτατοσ ἐν τοῖσ μάλιστα ὅδε ὁ ἀνὴρ ἐγένετο τῷ Σύλλᾳ· ὅθεν αὐτὸν ὁ Σύλλασ ἔτι νεώτατον ὄντα ἦγεν ἐν τιμῇ καὶ ἐπιόντοσ, φασίν, ὑπανίστατο μόνῳ. λήγοντοσ δὲ τοῦ πολέμου καὶ ἐσ Λιβύην ἔπεμψεν ἐξελάσαι τε τοὺσ Κάρβωνοσ φίλουσ καὶ Ιἑμψάλαν ἐκπεσόντα ὑπὸ Νομάδων ἐσ τὴν βασιλείαν καταγαγεῖν. ἐφ’ ᾧ δὴ καὶ θριαμβεῦσαι κατὰ τῶν Νομάδων αὐτῷ παρέσχεν ὁ Σύλλασ, ἔτι ὄντι νέῳ καὶ ἔτι ὄντι τῶν ἱππέων. καὶ ἀπὸ τοῦδε ἐπαρθεὶσ ἐσ μέγα ὁ Πομπήιοσ ἐπὶ Σερτώριον ἐσ Ἰβηρίαν ἐπέμφθη καὶ ἐσ τὸν Πόντον ἐπὶ Μιθριδάτην ὕστερον. ἀφίκετο δὲ καὶ Κέθηγοσ ἐσ τὸν Σύλλαν, χαλεπώτατοσ ἀντιστασιώτησ αὐτῷ μετὰ Κίννα καὶ Μαρίου γενόμενοσ καὶ σὺν ἐκείνοισ τῆσ πόλεωσ ἐκπεσών, ἱκέτησ τε γιγνόμενοσ καὶ ἑαυτὸν ὑπηρέτην ἐσ ὅ τι βούλοιτο παρέχων. Ὁ δὲ καὶ στρατιᾶσ πολὺ πλῆθοσ ἔχων ἤδη καὶ φίλουσ πολλοὺσ τῶν ἐπιφανῶν, τοῖσδε μὲν ὑποστρατήγοισ ἐχρῆτο, αὐτὸσ δὲ καὶ Μέτελλοσ ἀνθυπάτω ὄντε ἐσ τὸ πρόσθεν ἐχώρουν·

ἐδόκει γὰρ δὴ καὶ ὁ Σύλλασ, ἀνθύπατοσ ἐπὶ Μιθριδάτῃ γενόμενοσ, οὐκ ἀποθέσθαι πω τὴν ἀρχήν, εἰ καὶ πολέμιον αὐτὸν ἐψηφίσατο Κίννασ. ὁ μὲν δὴ κατὰ τῶν ἐχθρῶν ᾔει βαρυτάτῃ καὶ ἀφανεῖ ἔχθρᾳ· οἱ δ’ ἐν ἄστει τῆσ τε φύσεωσ αὐτοῦ καλῶσ τεκμαιρόμενοι καὶ τὴν προτέραν ἐσ τὴν πόλιν ἐσβολὴν αὐτοῦ καὶ κατάληψιν ἔτι ἔχοντεσ ἐν ὄψει τά τε ψηφίσματα, ἃ ἐπεκήρυξαν αὐτῷ, λογιζομενοι καὶ τὴν οἰκίαν ὁρῶντεσ ἀνεσκαμμένην καὶ περιουσίαν δεδημευμένην καὶ φίλουσ ἀνῃρημένουσ καὶ γενεὰν μόλισ ἐκφυγοῦσαν ἐδείμαινον. καὶ οὐδὲν σφίσι νίκησ ἢ πανωλεθρίασ μέσον εἶναι νομίζοντεσ συνίσταντο τοῖσ ὑπάτοισ ἐπὶ τὸν Σύλλαν μετὰ δέουσ, ἔσ τε τὴν Ἰταλίαν περιπέμποντεσ στρατιὰν καὶ τροφὰσ καὶ χρήματα συνῆγου, οὐδὲν ὡσ περὶ ἐσχάτων σφίσιν ἀπολείποντεσ οὔτε σπουδῆσ οὔτε προθυμίασ. Γάιόσ τε Νωρβανὸσ καὶ Λεύκιοσ Σκιπίων, τὼ τότε ὄντε ὑπάτω, καὶ μετ’ αὐτῶν Κάρβων, ὃσ πέρυσιν ἦρχεν, ἔχθρᾳ μὲν ἐσ τὸν Σύλλαν ὁμοία χρώμενοι, δέει δὲ καὶ συνειδότι ὧν ἔπραξαν πολὺ τῶν ἄλλων χείρονι, ἔκ τε τῆσ πόλεωσ στρατόν, ὅσον εὐπόρουν, κατέλεγον καὶ τὸν ἐκ τῆσ Ἰταλίασ προσλαβόντεσ ἐπὶ τὸν Σύλλαν κατὰ μέροσ ἐχώρουν, σπείραισ ἐκ πεντακοσίων ἀνδρῶν διακοσίαισ τότε πρῶτον·

ὕστερον γὰρ καὶ πλέοσι τούτων. ἡ γὰρ εὔνοια τῶν ἀνδρῶν ἐσ τοὺσ ὑπάτουσ παρὰ πολὺ ἐποίει, ὡσ τὸ μὲν ἔργον τὸ Σύλλα, χωροῦντοσ ἐπὶ τὴν πατρίδα, δόξαν ἔχον πολεμίου, τὸ δὲ τῶν ὑπάτων, εἰ καὶ περὶ σφῶν ἔπραττον, πρόσχημα τῆσ πατρίδοσ. τῶν τε ἁμαρτηθέντων αὑτοῖσ οἱ πολλοὶ συνεγνωκότεσ καὶ τοῦ φόβου μετέχειν ἡγούμενοι συνέπρασσον, εὖ τὸν Σύλλαν εἰδότεσ οὐ κόλασιν ἢ διόρθωσιν ἢ φόβον ἐπὶ σφίσιν, ἀλλὰ λύμασ καὶ θανάτουσ καὶ δημεύσεισ καὶ ἀναίρεσιν ὅλωσ ἀθρόαν ἐπινοοῦντα. ὧν οὐκ ἐψεύσθησαν τῆσ δόξησ. ὅ τε γὰρ πόλεμοσ ἔφθειρε πάντασ, ὧν γε καὶ μύριοι καὶ δισμύριοι πολλάκισ ἐν μάχῃ μιᾷ καὶ ἀμφὶ τὸ ἄστυ πέντε μυριάδεσ ἀμφοῖν ἀπέθανον· καὶ ἐσ τοὺσ ὑπολοίπουσ ὁ Σύλλασ οὐδὲν δεινὸν καὶ καθ’ ἕνα καὶ κατὰ πόλεισ ἐξέλιπε δρῶν, μέχρι καὶ μόναρχον ἑαυτὸν ἀπέφηνε τῆσ Ῥωμαίων ἀρχῆσ ὅλησ, ἐφ’ ὅσον ἔχρῃζέ τε καὶ ἐβούλετο. Καὶ τάδε αὐτοῖσ ἐδόκει καὶ τὸ δαιμόνιον ἐν τῷδε τῷ πολέμῳ προσημῆναι.

δείματά τε γὰρ ἄλογα πολλοῖσ καὶ ἰδίᾳ καὶ κατὰ πλῆθοσ ἐνέπιπτε περὶ ὅλην τὴν Ἰταλίαν, καὶ μαντευμάτων παλαιῶν ἐπιφοβωτέρων ἐμνημόνευον, τέρατά τε πολλὰ ἐγίνοντο, καὶ ἡμίονοσ ἔτεκε, καὶ γυνὴ κύουσα ἔχιν ἀντὶ βρέφουσ ἐξέδωκε, τήν τε γῆν ὁ θεὸσ ἐπὶ μέγα ἔσεισε καὶ νεώσ τινασ ἐν Ῥώμῃ κατήνεγκε, καὶ πάνυ Ῥωμαίων ὄντων ἐσ τὰ τοιαῦτα βαρυεργῶν. τό τε Καπιτώλιον ὑπὸ τῶν βασιλέων τετρακοσίοισ που πρόσθεν ἔτεσι γενόμενον ἐνεπρήσθη, καὶ τὴν αἰτίαν οὐδεὶσ ἐπενόει. πάντα δ’ ἔδοξεν ἐσ τὸ πλῆθοσ τῶν ἀπολουμένων καὶ τὴν ἅλωσιν τῆσ Ἰταλίασ καὶ Ῥωμαίων αὐτῶν τῆσ τε πόλεωσ κατάληψιν καὶ πολιτείασ μεταβολὴν προσημῆναι. Ἤρξατο μὲν οὖν ὅδε ὁ πόλεμοσ, ἐξ οὗ Σύλλασ ἐσ Βρεντέσιον παρῆλθεν, ὀλυμπιάδων οὐσῶν ἑκατὸν ἑβδομήκοντα καὶ τεσσάρων·

μῆκοσ δ’ αὐτοῦ, διά τε τὸ μέγεθοσ τῶν ἔργων, σὺν ἐπείξει ὡσ ἐπ’ ἐχθροὺσ ἰδίουσ ταχυνόντων, οὐ πολὺ ὡσ ἐπὶ τοσοῖσδε ἔργοισ ἐγένετο. ὅθεν καὶ μάλιστα αὐτοῖσ τὰ παθήματα ἐπειγομένοισ ἐν βραχεῖ μείζω καὶ ὀξύτερα συνέβη γενέσθαι. ἐσ δὲ τριετὲσ ὅμωσ προῆλθε, κατά γε τὴν Ἰταλίαν, μέχρι τὴν ἀρχὴν ἀνεδήσατο Σύλλασ· ἐν γὰρ Ἰβηρίᾳ καὶ μετὰ Σύλλαν ἐξέτεινεν ἐπὶ πλεῖον. μάχαι δὲ καὶ ἀκροβολίαι καὶ πολιορκίαι καὶ πολέμων ἰδέαι πᾶσαι κατὰ τὴν Ἰταλίαν ἀθρόαι τε καὶ κατὰ μέρη τοῖσ στρατηγοῖσ ἐγένοντο πολλαί, καὶ πᾶσαι διαφανεῖσ. ὧν τὰ μέγιστα καὶ ἀξιολογώτατα, ἐν κεφαλαίῳ φράσαι, τοιάδε ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 1, chapter 9

(아피아노스, The Civil Wars, book 1, chapter 9)

상위

목록

SEARCH

MENU NAVIGATION