헬라어 문장 검색 - Αππιαν́ΤηεΞιϝί1́09́11́

(아피아노스, The Civil Wars, book 1, chapter 8 11:)

Ἐπὶ δὲ τούτοισ, ἐσ ὑπόκρισιν ἀρχῆσ ἐννόμου μετὰ τοσούσδε φόνουσ ἀκρίτουσ, ὑπεβλήθησαν κατήγοροι τῷ τε ἱερεῖ τοῦ Διὸσ Μερόλᾳ, κατ’ ὀργὴν ἄρα τῆσ ἀρχῆσ, ἣν Κίνναν οὐδὲν ἀδικῶν διεδέδεκτο, καὶ Λουτατίῳ Κάτλῳ, τῷ Μαρίου περὶ τὰ Κιμβρικὰ συνάρχῳ, περισωθέντι μὲν ἐκ Μαρίου πάλαι, ἀχαρίστῳ δ’ ἐσ αὐτὸν καὶ πικροτάτῳ περὶ τὴν ἐξέλασιν γενομένῳ. οὗτοι μὲν δὴ φυλλασσόμενοί τε ἀφανῶσ καὶ τῆσ κυρίασ ἡμέρασ ἐπελθούσησ ἐσ τὴν δίκην ἀνακαλούμενοι ̔τετράκισ δὲ ἐχρῆν κηρυττομένουσ ἐν ὡρισμένοισ ὡρῶν διαστήμασιν ἁλῶναἰ, Μερόλασ μὲν τὰσ φλέβασ ἐνέτεμεν ἑαυτοῦ, καὶ πινάκιον αὐτῷ παρακείμενον ἐδήλου, ὅτι κόπτων τὰσ φλέβασ τὸν πῖλον ἀποθοῖτο οὑ̓ γὰρ ἦν θεμιτὸν ἱερέα περικείμενον τελευτᾶν̓, Κάτλοσ δ’ ἐν οἰκήματι νεοχρίστῳ τε καὶ ἔτι ὑγρῷ καίων ἄνθρακασ ἑκὼν ἀπεπνίγη. καὶ οὗτοι μὲν οὕτωσ ἀπέθανον, θεράποντεσ δ’ ὅσοι κατὰ τὸ κήρυγμα πρὸσ Κίνναν ἐκδραμόντεσ ἐλεύθεροι γεγένηντο καὶ αὐτῷ Κίννᾳ τότε ἐστρατεύοντο, ταῖσ οἰκίαισ ἐπέτρεχον καὶ διήρπαζον, ἀναιροῦντεσ ἅμα οἷσ περιτύχοιεν· οἱ δὲ αὐτῶν καὶ τοῖσ σφετέροισ δεσπόταισ μάλιστα ἐπεχείρουν. Κίννασ δ’ ἐπεὶ πολλάκισ αὐτοῖσ ἀπαγορεύων οὐκ ἔπειθε, Γαλατῶν στρατιὰν αὐτοῖσ ἔτι νυκτὸσ ἀναπαυομένοισ περιστήσασ διέφθειρε πάντασ. Οἱ μὲν δὴ θεράποντεσ δίκην ἀξίαν ἔδοσαν τῆσ ἐσ δεσπότασ πολλάκισ ἀπιστίασ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 1, chapter 8 11:

(아피아노스, The Civil Wars, book 1, chapter 8 11:)

상위

목록

SEARCH

MENU NAVIGATION