헬라어 문장 검색 - Αππιαν́ΤηεΞιϝί1́09́08́

(아피아노스, The Civil Wars, book 1, chapter 8 8:)

Οἱ μὲν δὴ δεχομένων αὐτοὺσ σὺν δέει πάντων ἐσῄεσαν ἐσ τὴν πόλιν, καὶ τὰ τῶν ἀντιπρᾶξαι σφίσι δοκούντων ἀκωλύτωσ πάντα διηρπάζετο· Ὀκταουίῳ δὲ Κίννασ μὲν καὶ Μάριοσ ὁρ́κουσ ἐπεπόμφεσαν, καὶ θύται καὶ μάντεισ οὐδὲν πείσεσθαι προύλεγον, οἱ δὲ φίλοι φυγεῖν παρῄνουν. ὁ δ’ εἰπὼν οὔποτε προλείψειν τὴν πόλιν ὕπατοσ ὢν ἐσ τὸ Ιἄνουκλον, ἐκστὰσ τοῦ μέσου, διῆλθε μετὰ τῶν ἐπιφανεστάτων καί τινοσ ἔτι καὶ στρατοῦ ἐπί τε τοῦ θρόνου προυκάθητο, τὴν τῆσ ἀρχῆσ ἐσθῆτα ἐπικείμενοσ, ῥάβδων καὶ πελέκεων ὡσ ὑπάτῳ περικειμένων. ἐπιθέοντοσ δ’ αὐτῷ μετά τινων ἱππέων Κηνσωρίνου καὶ πάλιν τῶν φίλων αὐτὸν καὶ τῆσ παρεστώσησ στρατιᾶσ φυγεῖν παρακαλούντων καὶ τὸν ἵππον αὐτῷ προσαγαγόντων, οὐκ ἀνασχόμενοσ οὐδὲ ὑπαναστῆναι τὴν σφαγὴν περιέμενεν. ὁ δὲ Κηνσωρῖνοσ αὐτοῦ τὴν κεφαλὴν ἐκτεμὼν ἐκόμισεν ἐσ Κίνναν, καὶ ἐκρεμάσθη πρὸ τῶν ἐμβόλων ἐν ἀγορᾷ πρώτου τοῦδε ὑπάτου. μετὰ δ’ αὐτὸν καὶ τῶν ἄλλων ἀναιρουμένων ἐκρήμναντο αἱ κεφαλαί, καὶ οὐ διέλιπεν ἔτι καὶ τόδε τὸ μύσοσ, ἀρξάμενόν τε ἀπὸ Ὀκταουίου καὶ ἐσ τοὺσ ἔπειτα ὑπὸ τῶν ἐχθρῶν ἀναιρουμένουσ περιιόν. Ζητηταὶ δ’ ἐπὶ τοὺσ ἐχθροὺσ αὐτίκα ἐξέθεον τούσ τε ἀπὸ τῆσ βουλῆσ καὶ τῶν καλουμένων ἱππέων, καὶ τῶν μὲν ἱππέων ἀναιρουμένων λόγοσ οὐδεὶσ ἔτι μετὰ τὴν ἀναίρεσιν ἐγίγνετο, αἱ δὲ τῶν βουλευτῶν κεφαλαὶ πᾶσαι προυτίθεντο πρὸ τῶν ἐμβόλων. αἰδώσ τε θεῶν ἢ νέμεσισ ἀνδρῶν ἢ φθόνου φόβοσ οὐδεὶσ ἔτι τοῖσ γιγνομένοισ ἐπῆν, ἀλλὰ ἐσ ἔργα ἀνήμερα καὶ ἐπὶ τοῖσ ἔργοισ ἐσ ὄψεισ ἐτρέποντο ἀθεμίστουσ, κτιννύντεσ τε ἀνηλεῶσ καὶ περιτέμνοντεσ αὐχένασ ἀνδρῶν ἤδη τεθνεώτων καὶ προτιθέντεσ τὰσ συμφορὰσ ἐσ φόβον ἢ κατάπληξιν ἢ θέαν ἀθέμιστον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Appian, The Civil Wars, book 1, chapter 8 8:

(아피아노스, The Civil Wars, book 1, chapter 8 8:)

상위

목록

SEARCH

MENU NAVIGATION