Appian, The Civil Wars, book 1, chapter 6 9:

Τρεβάτιοσ δ’ αὐτόν, ὁ τῶν Σαυνιτῶν στρατηγόσ, ποταμοῦ διείργοντοσ, ἐκέλευεν ἢ περᾶν ἐπ’ αὐτὸν ἐσ μάχην ἢ ἀναχωρεῖν, ἵνα περάσειεν. ὁ δ’ ἀναχωρεῖ καὶ διαβάντι τῷ Τρεβατίῳ προσπεσὼν μάχῃ τε κρείττων ἐγένετο καὶ φεύγοντοσ ἐπὶ τὸ ῥεῦμα αὐτοῦ μυρίουσ καὶ πεντακισχιλίουσ διέφθειρεν· οἱ δὲ λοιποὶ μετὰ τοῦ Τρεβατίου διέφυγον ἐσ Κανύσιον. καὶ ὁ Κοσκώνιοσ τὴν Λαριναίων καὶ Οὐενουσίων καὶ Ἀσκλαίων γῆν ἐπιδραμὼν ἐσ Ποιδίκλουσ ἐσέβαλε καὶ δυσὶν ἡμέραισ τὸ ἔθνοσ παρέλαβε.