Appian, The Civil Wars, book 1, chapter 5 10:

(아피아노스, The Civil Wars, book 1, chapter 5 10:)

Ῥουτίλιοσ δὲ ὁ ὕπατοσ καὶ Γάιοσ Μάριοσ ἐπὶ τοῦ Λίριοσ ποταμοῦ γεφύρασ ἐσ διάβασιν ἐξ οὐ πολλοῦ διαστήματοσ ἀπ’ ἀλλήλων ἐπήγνυντο· καὶ Οὐέττιοσ Σκάτων αὐτοῖσ ἀντεστρατοπέδευε παρὰ τὴν Μαρίου μάλιστα γέφυραν ἔλαθέ τε νυκτὸσ περὶ τὴν Ῥουτιλίου γέφυραν λόχουσ ἐν φάραγξιν ἐνεδρεύσασ. ἅμα δ’ ἑῴ τὸν Ῥουτίλιον διελθεῖν ὑπεριδὼν ἀνέστησε τὰσ ἐνέδρασ καὶ πολλοὺσ μὲν ἔκτεινεν ἐπὶ τοῦ ξηροῦ, πολλοὺσ δ’ ἐσ τὸν ποταμὸν κατῶσεν· ὅ τε Ῥουτίλιοσ αὐτὸσ ἐν τῷδε τῷ πόνῳ βέλει τρωθεὶσ ἐσ τὴν κεφαλὴν μετ’ ὀλίγον ἀπέθανε. καὶ Μάριοσ, ἐπὶ τῆσ ἑτέρασ ὢν γεφύρασ τὸ συμβὰν ἐκ τῶν φερομένων κατὰ τὸ ῥεῦμα σωμάτων εἰκάσασ τοὺσ ἐν ποσὶν ὤσατο καὶ τὸ ῥεῦμα περάσασ τὸν χάρακα τοῦ Σκάτωνοσ ὑπ’ ὀλίγων φυλαττόμενον εἷλεν, ὥστε τὸν Σκάτωνα νυκτερεῦσαί τε, ἔνθαπερ ἐνίκησε, καὶ ἀποροῦντα ἀγορᾶσ ἀναζεῦξαι περὶ τὴν ἑώ. Ῥουτιλίου δὲ τοῦ σώματοσ καὶ πολλῶν ἄλλων ἐπιφανῶν ἐπὶ ταφὴν ἐσ Ῥώμην ἐνεχθέντων ἥ τε ὄψισ ἀηδὴσ ἦν ὑπάτου καὶ τοσῶνδε ἄλλων ἀνῃρημένων καὶ πολυήμερον ἐπὶ τῷδε πένθοσ ἠγέρθη. καὶ ἀπὸ τοῦδε ἡ βουλὴ τοὺσ ἀποθνῄσκοντασ ἐν τοῖσ πολέμοισ ἔκρινεν, ἔνθαπερ ἂν θάνωσι, θάπτεσθαι, τοῦ μὴ τοὺσ λοιποὺσ ἐκ τῆσ ὄψεωσ ἀποτρέπεσθαι τῶν στρατειῶν. τὸ δ’ αὐτὸ καὶ οἱ πολέμιοι πυθόμενοι περὶ σφῶν ἐψηφίσαντο.

일치하는 문장이 없습니다.

SEARCH

MENU NAVIGATION