Appian, The Civil Wars, book 1, chapter 5 2:

(아피아노스, The Civil Wars, book 1, chapter 5 2:)

Ἐπὶ δὲ ἐκείνοισ καὶ Λίβιοσ Δροῦσοσ δημαρχῶν, ἀνὴρ ἐπιφανέστατοσ ἐκ γένουσ, δεηθεῖσι τοῖσ Ἰταλιώταισ νόμον αὖθισ ἐσενεγκεῖν περὶ τῆσ πολιτείασ ὑπέσχετο· τούτου γὰρ δὴ μάλιστα ἐπεθύμουν ὡσ ἑνὶ τῷδε αὐτίκα ἡγεμόνεσ ἀντὶ ὑπηκόων ἐσόμενοι. ὁ δὲ τὸν δῆμον ἐσ τοῦτο προθεραπεύων ὑπήγετο ἀποικίαισ πολλαῖσ ἔσ τε τὴν Ἰταλίαν καὶ Σικελίαν ἐψηφισμέναισ μὲν ἐκ πολλοῦ, γεγονυίαισ δὲ οὔπω. τήν τε βουλὴν καὶ τοὺσ ἱππέασ, οἳ μάλιστα δὴ τότε ἀλλήλοισ διὰ τὰ δικαστήρια διεφέροντο, ἐπὶ κοινῷ νόμῳ συναγαγεῖν ἐπειρᾶτο, σαφῶσ μὲν οὐ δυνάμενοσ ἐσ τὴν βουλὴν ἐπανενεγκεῖν τὰ δικαστήρια, τεχνάζων δ’ ἐσ ἑκατέρουσ ὧδε. τῶν βουλευτῶν διὰ τὰσ στάσεισ τότε ὄντων μόλισ ἀμφὶ τοὺσ τριακοσίουσ, ἑτέρουσ τοσούσδε αὐτοῖσ ἀπὸ τῶν ἱππέων εἰσηγεῖτο ἀριστίνδην προσκαταλεγῆναι καὶ ἐκ τῶνδε πάντων ἐσ τὸ μέλλον εἶναι τὰ δικαστήρια· εὐθύνασ τε ἐπ’ αὐτῶν γίγνεσθαι δωροδοκίασ προσέγραφεν, ἐγκλήματοσ ἴσα δὴ καὶ ἀγνοουμένου διὰ τὸ ἔθοσ τῆσ δωροδοκίασ ἀνέδην ἐπιπολαζούσησ. Ὁ μὲν δὴ τάδε πρὸσ ἑκατέρουσ ἐπενόει, περιῆλθε δὲ ἐσ τὸ ἐναντίον αὐτῷ. ἥ τε γὰρ βουλὴ χαλεπῶσ ἔφερεν ἀθρόωσ αὑτῇ τοσούσδε προσκαταλεγῆναι καὶ ἐξ ἱππέων ἐσ τὸ μέγιστον ἀξίωμα μεταβῆναι, οὐκ ἀδόκητον ἡγουμένη καὶ βουλευτὰσ γενομένουσ κατὰ σφᾶσ ἔτι δυνατώτερον τοῖσ προτέροισ βουλευταῖσ στασιάσειν· οἵ τε ἱππεῖσ ὑπώπτευον, ὅτι τῇδε τῇ θεραπείᾳ πρὸσ τὸ μέλλον ἐσ τὴν βουλὴν μόνην τὰ δικαστήρια ἀπὸ τῶν ἱππέων περιφέροιτο, γευσάμενοί τε κερδῶν μεγάλων καὶ ἐξουσίασ οὐκ ἀλύπωσ τὴν ὑπόνοιαν ἔφερον. τό τε πλῆθοσ αὐτῶν ἐν ἀπορίᾳ σφᾶσ ἐποίει καὶ ὑποψίᾳ πρὸσ ἀλλήλουσ, τίνεσ ἀξιώτεροι δοκοῦσιν ἐσ τοὺσ τριακοσίουσ καταλεγῆναι· καὶ τοῖσ λοιποῖσ φθόνοσ ἐσ τοὺσ κρείττονασ ἐσῄει· ὑπὲρ ἅπαντα δ’ ἠγανάκτουν ἀναφυομένου τοῦ τῆσ δωροδοκίασ ἐγκλήματοσ, ὃ τέωσ ἡγοῦντο καρτερῶσ ὑπὲρ αὑτῶν πρόρριζον ἐσβέσθαι.

일치하는 문장이 없습니다.

SEARCH

MENU NAVIGATION