Appian, The Civil Wars, book 1, chapter 3 7:

(아피아노스, The Civil Wars, book 1, chapter 3 7:)

Ὁ δὲ τοῦ δημοκοπήματοσ ἐκπεσὼν ἐσ Λιβύην ἅμα Φουλβίῳ Φλάκκῳ, κἀκείνῳ μεθ’ ὑπατείαν διὰ τάδε δημαρχεῖν ἑλομένῳ, διέπλευσεν, ἐψηφισμένησ κατὰ δόξαν εὐκαρπίασ ἐσ Λιβύην ἀποικίασ καὶ τῶνδε αὐτῶν οἰκιστῶν ἐπίτηδεσ ᾑρημένων, ἵνα μικρὸν ἀποδημούντων ἀναπαύσαιτο ἡ βουλὴ τῆσ δημοκοπίασ. οἱ δὲ τῇ ἀποικίᾳ τὴν πόλιν διέγραφον, ἔνθα ποτὲ ἦν ἡ Καρχηδονίων, οὐδὲν φροντίσαντεσ, ὅτι Σκιπίων αὐτήν, ὅτε κατέσκαπτεν, ἐπηράσατο ἐσ ἀεὶ μηλόβοτον εἶναι. διέγραφον δ’ ἐσ ἑξακισχιλίουσ ἀντὶ ἐλαττόνων τῶν ὄντων ἐν τῷ νόμῳ, ὡσ καὶ τῷδε τὸν δῆμον ὑπαξόμενοι. ἐπανελθόντεσ τε ἐσ Ῥώμην συνεκάλουν ἐξ ὅλησ Ἰταλίασ τοὺσ ἑξακισχιλίουσ. ἐπιστειλάντων δὲ τῶν ἐν Λιβύῃ τὴν πόλιν ἔτι διαγραφόντων, ὅτι λύκοι τοὺσ ὁρ́ουσ Γράκχου τε καὶ Φουλβίου διέρριψαν ἀνασπάσαντεσ, καὶ τῶν μάντεων τὴν ἀποικίαν ἡγουμένων ἀπαίσιον, ἡ μὲν βουλὴ προέγραφεν ἐκκλησίαν, ἐν ᾗ τὸν νόμον ἔμελλε τὸν περὶ τῆσδε τῆσ ἀποικίασ λύσειν· ὁ δὲ Γράκχοσ καὶ ὁ Φούλβιοσ, ἐπεὶ καὶ τοῦδε ἐξέπιπτον, μεμηνόσιν ἐοικότεσ ἐψεῦσθαι τὴν βουλὴν ἔφασκον περὶ τῶν λύκων. οἵ τε θρασύτατοι τῶν δημοτῶν αὐτοῖσ συνελάμβανον, ἐγχειρίδια φέροντεσ ἐσ τὸ Καπιτώλιον, οὗ περὶ τῆσ ἀποικίασ ἐκκλησιάσειν ἔμελλον.

일치하는 문장이 없습니다.

SEARCH

MENU NAVIGATION