Appian, The Civil Wars, book 1, chapter 1 7:

(아피아노스, The Civil Wars, book 1, chapter 1 7:)

Διανέμειν τε αὐτὴν ἐκεχειροτόνηντο πρῶτοι Γράκχοσ αὐτόσ, ὁ νομοθέτησ, καὶ ἀδελφὸσ ὁμώνυμοσ ἐκείνου καὶ ὃσ ἐκήδευε τῷ νομοθέτῃ Κλαύδιοσ Ἄππιοσ, πάνυ τοῦ δήμου καὶ ὣσ δεδιότοσ, μὴ τὸ ἔργον ἐκλειφθείη τοῦ νόμου, εἰ μὴ Γράκχοσ αὐτοῦ σὺν ὅλῃ τῇ οἰκίᾳ κατάρχοιτο. Γράκχοσ δὲ μεγαλαυχούμενοσ ἐπὶ τῷ νόμῳ ὑπὸ τοῦ πλήθουσ οἱᾶ δὴ κτίστησ οὐ μιᾶσ πόλεωσ οὐδὲ ἑνὸσ γένουσ, ἀλλὰ πάντων, ὅσα ἐν Ἰταλίᾳ ἔθνη, ἐσ τὴν οἰκίαν παρεπέμπετο. καὶ μετὰ ταῦθ’ οἱ μὲν κεκρατηκότεσ ἐσ τοὺσ ἀγροὺσ ἀνεχώρουν, ὅθεν ἐπὶ ταῦτ’ ἐληλύθεσαν, οἱ δ’ ἡσσημένοι δυσφοροῦντεσ ἔτι παρέμενον καὶ ἐλογοποίουν οὐ χαιρήσειν Γράκχον, αὐτίκα ὅτε γένοιτο ἰδιώτησ, ἀρχήν τε ὑβρίσαντα ἱερὰν καὶ ἄσυλον καὶ στάσεωσ τοσήνδε ἀφορμὴν ἐσ τὴν Ἰταλίαν ἐμβαλόντα.

일치하는 문장이 없습니다.

SEARCH

MENU NAVIGATION