헬라어 문장 검색 - Αππιαν́ΤηεΞιϝί1́02́04́

(아피아노스, The Civil Wars, book 1, chapter 1 4:)

Τοῦτο δ’ ἦν, ὃ μάλιστα ἠνώχλει τοὺσ πλουσίουσ, οὐ δυναμένουσ ἔτι ὡσ προτερον τοῦ νόμου καταφρονεῖν διὰ τοὺσ διαιροῦντασ οὐδὲ ὠνεῖσθαι παρὰ τῶν κληρουμένων· ὁ γάρ τοι Γράκχοσ καὶ τόδε προϊδόμενοσ ἀπηγόρευε μὴ πωλεῖν. συνιστάμενοι δὴ κατὰ μέροσ ὠλοφύροντο καὶ προύφερον τοῖσ πένησιν ἀρχαῖά τε ἔργα ἑαυτῶν καὶ φυτὰ καὶ οἰκοδομίασ, καὶ τιμὴν ἔνιοι δεδομένην γείτοσιν, εἰ καὶ τήνδε μετὰ τῆσ γῆσ ἀπολέσουσι, τάφουσ τε ἔνιοι πατέρων ἐν τῇ γῇ καὶ διαιρέσεισ ἐπὶ τοῖσ κλήροισ ὡσ πατρῴοισ, οἱ δὲ καὶ προῖκασ γυναικῶν ἐσ ταῦτα ἀνηλωμένασ ἢ τὴν γῆν παισὶν ἐμπροίκιον δεδομένην, δανεισταί τε χρέα καὶ ταύτησ ἐπεδείκνυον, καὶ ἄκοσμοσ ἦν ὅλωσ οἰμωγὴ καὶ ἀγανάκτησισ. οἱ δ’ αὖ πένητεσ ἀντωδύροντο ἐξ εὐπορίασ ἐσ πενίαν ἐσχάτην καὶ ἀπ’ αὐτῆσ ἐσ ἀγονίαν, οὐ δυνάμενοι παιδοτροφεῖν, περιφέρεσθαι. στρατείασ τε ὅσασ στρατεύσαιντο τὴν γῆν τήνδε περιποιούμενοι, κατέλεγον καὶ ἠγανάκτουν, εἰ τῶν κοινῶν ἀποστερήσονται, ὠνείδιζόν τε ἅμα αὐτοῖσ αἱρουμένοισ ἀντὶ ἐλευθέρων καὶ πολιτῶν καὶ στρατιωτῶν θεράποντασ, ἄπιστον ἔθνοσ καὶ δυσμενὲσ αἰεὶ διὰ τοῦτο ἀστράτευτον. τοιαῦθ’ ἑκατέρων ὀδυρομένων τε καὶ ἀλλήλοισ ἐπικαλούντων, πλῆθοσ ἄλλο, ὅσον ἐν ταῖσ ἀποίκοισ πόλεσιν ἢ ταῖσ ἰσοπολίτισιν ἢ ἄλλωσ ἐκοινώνει τῆσδε τῆσ γῆσ, δεδιότεσ ὁμοίωσ ἐπῄεσαν καὶ ἐσ ἑκατέρουσ αὐτῶν διεμερίζοντο. πλήθει τε θαρροῦντεσ ἐξετραχύνοντο καὶ στάσεισ ἐξάπτοντεσ ἀμέτρουσ τὴν δοκιμασίαν τοῦ νόμου περιέμενον, οἱ μὲν ὡσ οὐδενὶ τρόπῳ συγχωρήσοντεσ αὐτὸν γενέσθαι κύριον, οἱ δ’ ὡσ κυρώσοντεσ ἐξ ἅπαντοσ. φιλονικία δὲ ἑκατέροισ προσέπιπτεν ἐπὶ τῇ χρείᾳ καὶ ἐσ τὴν κυρίαν ἡμέραν παρασκευὴ κατ’ ἀλλήλων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 1, chapter 1 4:

(아피아노스, The Civil Wars, book 1, chapter 1 4:)

상위

목록

SEARCH

MENU NAVIGATION