호흡부호 보기
강세부호 보기
장단부호 보기
작은 Iota 보기
모든 부호 보기
εἰ μὲν μὴ μεγάλα ἦν τὰ διαφέροντα, ὦ ἄνδρεσ δικασταί, οὐκ ἄν ποτε εἰσ ὑμᾶσ εἰσελθεῖν τούτουσ εἰάσα, νομίζων αἴσχιστον εἶναι πρὸσ τοὺσ οἰκείουσ διαφέρεσθαι, εἰδὼσ ὅτι οὐ μόνον οἱ ἀδικοῦντεσ χείρουσ ὑμῖν εἶναι δοκοῦσιν, ἀλλὰ καὶ οἵτινεσ ἂν ἔλαττον ὑπὸ τῶν προσηκόντων ἔχοντεσ ἀνέχεσθαι μὴ δύνωνται. ἐπειδὴ μέντοι, ὦ ἄνδρεσ δικασταί, πολλῶν χρημάτων ἀπεστέρηνται καὶ πολλὰ καὶ δεινὰ πεπονθότεσ ὑφ’ ὦν ἥκιστα ἐχρῆν ἐπ’ ἐμὲ κηδεστὴν ὄντα κατέφυγον, ἀνάγκη μοι γεγένηται εἰπεῖν ὑπὲρ αὐτῶν. ἔχω δὲ τούτων μὲν ἀδελφὴν Διογείτονοσ δὲ θυγατριδῆν· καὶ πολλὰ δεηθεὶσ ἀμφοτέρων τὸ μὲν πρῶτον ἔπεισ’ αὐτοὺσ τοῖσ φίλοισ ἐπιτρέψαι δίαιταν, περὶ πολλοῦ ποιούμενοσ τὰ τούτων πράγματα μηδένα τῶν ἄλλων εἰδέναι. ἐπειδὴ δὲ Διογείτων, ἃ φανερῶσ ἔχων ἐξηλέγχετο, περὶ τούτων οὐδενὶ τῶν αὑτοῦ φίλων ἐτόλμα πείθεσθαι, ἀλλ’ ἠβουλήθη καὶ φεύγειν δίκασ καὶ μὴ οὔσασ διώκειν καὶ ὑπομεῖναι τοὺσ ἐσχάτουσ κινδύνουσ μᾶλλον ἢ τὰ δίκαια ποιήσασ ἀπηλλάχθαι τῶν πρὸσ τούτουσ ἐγκλημάτων, ὑμῶν δέομαι, ἐὰν μὲν ἀποδείξω οὕτωσ αἰσχρῶσ αὐτοὺσ ἐπιτετροπευμένουσ ὑπὸ τοῦ πάππου, ὡσ οὐδεὶσ πώποτε ὑπὸ τῶν οὐδὲν προσηκόντων ἐν τῇ πόλει, βοηθεῖν αὐτοῖσ τὰ δίκαια· εἰ δὲ μή, τούτῳ μὲν ἅπαντα πιστεύειν, ἡμᾶσ δὲ εἰσ τὸν λοιπὸν χρόνον ἡγεῖσθαι χείρουσ εἶναι. ἐξ ἀρχῆσ δ’ ὑμᾶσ περὶ αὐτῶν διδάξαι πειράσομαι.
호흡부호 보기
강세부호 보기
장단부호 보기
작은 Iota 보기
모든 부호 보기