헬라어 문장 검색 - ΧενοπήΗελλενί4́7́

(크세노폰, Hellenica, Ἑλληνικῶν Δ, chapter 7)

παρελθόντοσ δὲ τοῦ χειμῶνοσ, ὥσπερ ὑπέσχετο τοῖσ Ἀχαιοῖσ, εὐθὺσ ἀρχομένου τοῦ ἦροσ πάλιν φρουρὰν ἔφαινεν ἐπὶ τοὺσ Ἀκαρνᾶνασ. οἱ δὲ αἰσθόμενοι, καὶ νομίσαντεσ διὰ τὸ ἐν μεσογείᾳ σφίσι τὰσ πόλεισ εἶναι ὁμοίωσ ἂν πολιορκεῖσθαι ὑπὸ τῶν τὸν σῖτον φθειρόντων ὥσπερ εἰ περιεστρατοπεδευμένοι πολιορκοῖντο, ἔπεμψαν πρέσβεισ εἰσ τὴν Λακεδαίμονα, καὶ εἰρήνην μὲν πρὸσ τοὺσ Ἀχαιούσ, συμμαχίαν δὲ πρὸσ τοὺσ Λακεδαιμονίουσ ἐποιήσαντο. καὶ τὰ μὲν περὶ Ἀκαρνᾶνασ οὕτω διεπέπρακτο. ἐκ δὲ τούτου τοῖσ Λακεδαιμονίοισ τὸ μὲν ἐπ’ Ἀθηναίουσ ἢ ἐπὶ Βοιωτοὺσ στρατεύειν οὐκ ἐδόκει ἀσφαλὲσ εἶναι ὄπισθεν καταλιπόντασ ὅμορον τῇ Λακεδαίμονι πολεμίαν καὶ οὕτω μεγάλην τὴν τῶν Ἀργείων πόλιν, εἰσ δὲ τὸ Ἄργοσ φρουρὰν φαίνουσιν.

ὁ δὲ Ἀγησίπολισ ἐπεὶ ἔγνω ὅτι εἰή αὐτῷ ἡγητέον τῆσ φρουρᾶσ καὶ τὰ διαβατήρια θυομένῳ ἐγένετο, ἐλθὼν εἰσ Ὀλυμπίαν καὶ χρηστηριαζόμενοσ ἐπηρώτα τὸν θεὸν εἰ ὁσίωσ ἂν ἔχοι αὐτῷ μὴ δεχομένῳ τὰσ σπονδὰσ τῶν Ἀργείων, ὅτι οὐχ ὁπότε καθήκοι ὁ χρόνοσ, ἀλλ’ ὁπότε ἐμβάλλειν μέλλοιεν Λακεδαιμόνιοι, τότε ὑπέφερον τοὺσ μῆνασ. ὁ δὲ θεὸσ ἐπεσήμαινεν αὐτῷ ὅσιον εἶναι μὴ δεχομένῳ σπονδὰσ ἀδίκωσ ὑποφερομένασ. ἐκεῖθεν δ’ εὐθὺσ πορευθεὶσ εἰσ Δελφοὺσ ἐπήρετο αὖ τὸν Ἀπόλλω εἰ κἀκείνῳ δοκοίη περὶ τῶν σπονδῶν καθάπερ τῷ πατρί. ὁ δὲ ἀπεκρίνατο καὶ μάλα κατὰ ταὐτά. καὶ οὕτω δὴ Ἀγησίπολισ ἀναλαβὼν ἐκ Φλειοῦντοσ τὸ στράτευμα, ἐκεῖσε γὰρ αὐτῷ συνελέγετο, ἑώσ πρὸσ τὰ ἱερὰ ἀπεδήμει, ἐνέβαλε διὰ Νεμέασ.

οἱ δ’ Ἀργεῖοι ἐπεὶ ἔγνωσαν οὐ δυνησόμενοι κωλύειν, ἔπεμψαν, ὥσπερ εἰώθεσαν, ἐστεφανωμένουσ δύο κήρυκασ ὑποφέροντασ σπονδάσ. ὁ δὲ Ἀγησίπολισ, ἀποκρινάμενοσ ὅτι οὐ δοκοῖεν τοῖσ θεοῖσ δικαίωσ ὑποφέρειν, οὐκ ἐδέχετο τὰσ σπονδάσ, ἀλλ’ ἐνέβαλε καὶ πολλὴν ἀπορίαν καὶ ἔκπληξιν κατά τε τοὺσ ἀγροὺσ καὶ ἐν τῇ πόλει ἐποίησε. δειπνοποιουμένου δ’ αὐτοῦ ἐν τῇ Ἀργείᾳ τῇ πρώτῃ ἑσπέρᾳ, καὶ σπονδῶν τῶν μετὰ δεῖπνον ἤδη γιγνομένων, ἔσεισεν ὁ θεόσ.

καὶ οἱ μὲν Λακεδαιμόνιοι ἀρξαμένων τῶν ἀπὸ δαμοσίασ πάντεσ ὕμνησαν τὸν περὶ τὸν Ποσειδῶ παιᾶνα· οἱ δ’ ἄλλοι στρατιῶται ᾤοντο ἀπιέναι, ὅτι καὶ Ἆγισ σεισμοῦ ποτε γενομένου ἀπήγαγεν ἐξ Ἤλιδοσ. ὁ δὲ Ἀγησίπολισ εἰπὼν ὅτι εἰ μὲν μέλλοντοσ αὐτοῦ ἐμβάλλειν σείσειε, κωλύειν ἂν αὐτὸν ἡγεῖτο· ἐπεὶ δὲ ἐμβεβληκότοσ, ἐπικελεύειν νομίζοι· καὶ οὕτω τῇ ὑστεραίᾳ θυσάμενοσ τῷ Ποσειδῶνι ἡγεῖτο οὐ πόρρω εἰσ τὴν χώραν.

ἅτε δὲ νεωστὶ τοῦ Ἀγησιλάου ἐστρατευμένου εἰσ τὸ Ἄργοσ, πυνθανόμενοσ ὁ Ἀγησίπολισ τῶν στρατιωτῶν μέχρι μὲν ποῖ πρὸσ τὸ τεῖχοσ ἤγαγεν ὁ Ἀγησίλαοσ, μέχρι δὲ ποῖ τὴν χώραν ἐδῄωσεν, ὥσπερ πένταθλοσ πάντῃ ἐπὶ τὸ πλέον ὑπερβάλλειν ἐπειρᾶτο. καὶ ἤδη μέν ποτε βαλλόμενοσ ἀπὸ τῶν τύρσεων τὰσ περὶ τὸ τεῖχοσ τάφρουσ πάλιν διέβη·

ἦν δ’ ὅτε οἰχομένων τῶν πλείστων Ἀργείων εἰσ τὴν Λακωνικὴν οὕτωσ ἐγγὺσ πυλῶν προσῆλθεν ὥστε οἱ πρὸσ ταῖσ πύλαισ ὄντεσ τῶν Ἀργείων ἀπέκλεισαν τοὺσ τῶν Βοιωτῶν ἱππέασ εἰσελθεῖν βουλομένουσ, δείσαντεσ μὴ συνεισπέσοιεν κατὰ τὰσ πύλασ οἱ Λακεδαιμόνιοι· ὥστ’ ἠναγκάσθησαν οἱ ἱππεῖσ ὥσπερ νυκτερίδεσ πρὸσ τοῖσ τείχεσιν ὑπὸ ταῖσ ἐπάλξεσι προσαραρέναι. καὶ εἰ μὴ ἔτυχον τότε οἱ Κρῆτεσ εἰσ Ναυπλίαν καταδεδραμηκότεσ, πολλοὶ ἂν καὶ ἄνδρεσ καὶ ἵπποι κατετοξεύθησαν. ἐκ δὲ τούτου περὶ τὰσ εἰρκτὰσ στρατοπεδευομένου αὐτοῦ πίπτει κεραυνὸσ εἰσ τὸ στρατόπεδον·

καὶ οἱ μέν τινεσ πληγέντεσ, οἱ δὲ καὶ ἐμβροντηθέντεσ ἀπέθανον. ἐκ δὲ τούτου βουλόμενοσ τειχίσαι φρούριόν τι ἐπὶ ταῖσ παρὰ Κηλοῦσαν ἐμβολαῖσ, ἐθύετο· καὶ ἐφάνη αὐτῷ τὰ ἱερὰ ἄλοβα. ὡσ δὲ τοῦτο ἐγένετο, ἀπήγαγε τὸ στράτευμα καὶ διέλυσε, μάλα πολλὰ βλάψασ τοὺσ Ἀργείουσ, ἅτε ἀπροσδοκήτωσ αὐτοῖσ ἐμβαλών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Hellenica, Ἑλληνικῶν Δ, chapter 7

(크세노폰, Hellenica, Ἑλληνικῶν Δ, chapter 7)

상위

목록

SEARCH

MENU NAVIGATION