헬라어 문장 검색 - ΧενοπήΗελλενί1́7́

(크세노폰, Hellenica, Ἑλληνικῶν Α, chapter 7)

οἱ δ’ ἐν οἴκῳ τούτουσ μὲν τοὺσ στρατηγοὺσ ἔπαυσαν πλὴν Κόνωνοσ· πρὸσ δὲ τούτῳ εἵλοντο Ἀδείμαντον καὶ τρίτον Φιλοκλέα. τῶν δὲ ναυμαχησάντων στρατηγῶν Πρωτόμαχοσ μὲν καὶ Ἀριστογένησ οὐκ ἀπῆλθον εἰσ Ἀθήνασ, τῶν δὲ ἓξ καταπλευσάντων, Περικλέουσ καὶ Διομέδοντοσ καὶ Λυσίου καὶ Ἀριστοκράτουσ καὶ Θρασύλλου καὶ Ἐρασινίδου, Ἀρχέδημοσ ὁ τοῦ δήμου τότε προεστηκὼσ ἐν Ἀθήναισ καὶ τῆσ διωβελίασ ἐπιμελόμενοσ Ἐρασινίδῃ ἐπιβολὴν ἐπιβαλὼν κατηγόρει ἐν δικαστηρίῳ, φάσκων ἐξ Ἑλλησπόντου αὐτὸν ἔχειν χρήματα ὄντα τοῦ δήμου·

κατηγόρει δὲ καὶ περὶ τῆσ στρατηγίασ. καὶ ἔδοξε τῷ δικαστηρίῳ δῆσαι τὸν Ἐρασινίδην. μετὰ δὲ ταῦτα ἐν τῇ βουλῇ διηγοῦντο οἱ στρατηγοὶ περί τε τῆσ ναυμαχίασ καὶ τοῦ μεγέθουσ τοῦ χειμῶνοσ.

Τιμοκράτουσ δ’ εἰπόντοσ ὅτι καὶ τοὺσ ἄλλουσ χρὴ δεθέντασ εἰσ τὸν δῆμον παραδοθῆναι, ἡ βουλὴ ἔδησε. μετὰ δὲ ταῦτα ἐκκλησία ἐγένετο, ἐν ᾗ τῶν στρατηγῶν κατηγόρουν ἄλλοι τε καὶ Θηραμένησ μάλιστα, δικαίουσ εἶναι λόγον ὑποσχεῖν διότι οὐκ ἀνείλοντο τοὺσ ναυαγούσ.

ὅτι μὲν γὰρ οὐδενὸσ ἄλλου καθήπτοντο, ἐπιστολὴν ἐπεδείκνυε μαρτύριον ἣν ἔπεμψαν οἱ στρατηγοὶ εἰσ τὴν βουλὴν καὶ εἰσ τὸν δῆμον, ἄλλο οὐδὲν αἰτιώμενοι ἢ τὸν χειμῶνα. μετὰ ταῦτα δὲ οἱ στρατηγοὶ βραχέωσ ἕκαστοσ ἀπελογήσατο οὐ γὰρ προυτέθη σφίσι λόγοσ κατὰ τὸν νόμον, καὶ τὰ πεπραγμένα διηγοῦντο, ὅτι αὐτοὶ μὲν ἐπὶ τοὺσ πολεμίουσ πλέοιεν, τὴν δὲ ἀναίρεσιν τῶν ναυαγῶν προστάξαιεν τῶν τριηράρχων ἀνδράσιν ἱκανοῖσ καὶ ἐστρατηγηκόσιν ἤδη, Θηραμένει καὶ Θρασυβούλῳ καὶ ἄλλοισ τοιούτοισ·

καὶ εἴπερ γέ τινασ δέοι, περὶ τῆσ ἀναιρέσεωσ οὐδένα ἄλλον ἔχειν αὐτοὺσ αἰτιάσασθαι ἢ τούτουσ οἷσ προσετάχθη.

καὶ οὐχ ὅτι γε κατηγοροῦσιν ἡμῶν, ἔφασαν, ψευσόμεθα φάσκοντεσ αὐτοὺσ αἰτίουσ εἶναι, ἀλλὰ τὸ μέγεθοσ τοῦ χειμῶνοσ εἶναι τὸ κωλῦσαν τὴν ἀναίρεσιν. τούτων δὲ μάρτυρασ παρείχοντο τοὺσ κυβερνήτασ καὶ ἄλλουσ τῶν συμπλεόντων πολλούσ. τοιαῦτα λέγοντεσ ἔπειθον τὸν δῆμον· ἐβούλοντο δὲ πολλοὶ τῶν ἰδιωτῶν ἐγγυᾶσθαι ἀνιστάμενοι·

ἔδοξε δὲ ἀναβαλέσθαι εἰσ ἑτέραν ἐκκλησίαν τότε γὰρ ὀψὲ ἦν καὶ τὰσ χεῖρασ οὐκ ἂν καθεώρων, τὴν δὲ βουλὴν προβουλεύσασαν εἰσενεγκεῖν ὅτῳ τρόπῳ οἱ ἄνδρεσ κρίνοιντο. μετὰ δὲ ταῦτα ἐγίγνετο Ἀπατούρια, ἐν οἷσ οἵ τε πατέρεσ καὶ οἱ συγγενεῖσ σύνεισι σφίσιν αὐτοῖσ.

οἱ οὖν περὶ τὸν Θηραμένην παρεσκεύασαν ἀνθρώπουσ μέλανα ἱμάτια ἔχοντασ καὶ ἐν χρῷ κεκαρμένουσ πολλοὺσ ἐν ταύτῃ τῇ ἑορτῇ, ἵνα πρὸσ τὴν ἐκκλησίαν ἥκοιεν, ὡσ δὴ συγγενεῖσ ὄντεσ τῶν ἀπολωλότων, καὶ Καλλίξενον ἔπεισαν ἐν τῇ βουλῇ κατηγορεῖν τῶν στρατηγῶν. ἐντεῦθεν ἐκκλησίαν ἐποίουν, εἰσ ἣν ἡ βουλὴ εἰσήνεγκε τὴν ἑαυτῆσ γνώμην Καλλιξένου εἰπόντοσ τήνδε·

Ἐπειδὴ τῶν τε κατηγορούντων κατὰ τῶν στρατηγῶν καὶ ἐκείνων ἀπολογουμένων ἐν τῇ προτέρᾳ ἐκκλησίᾳ ἀκηκόασι, διαψηφίσασθαι Ἀθηναίουσ ἅπαντασ κατὰ φυλάσ· θεῖναι δὲ εἰσ τὴν φυλὴν ἑκάστην δύο ὑδρίασ· ἐφ’ ἑκάστῃ δὲ τῇ φυλῇ κήρυκα κηρύττειν, ὅτῳ δοκοῦσιν ἀδικεῖν οἱ στρατηγοὶ οὐκ ἀνελόμενοι τοὺσ νικήσαντασ ἐν τῇ ναυμαχίᾳ, εἰσ τὴν προτέραν ψηφίσασθαι, ὅτῳ δὲ μή, εἰσ τὴν ὑστέραν· ἂν δὲ δόξωσιν ἀδικεῖν, θανάτῳ ζημιῶσαι καὶ τοῖσ ἕνδεκα παραδοῦναι καὶ τὰ χρήματα δημοσιεῦσαι, τὸ δ’ ἐπιδέκατον τῆσ θεοῦ εἶναι.

παρῆλθε δέ τισ εἰσ τὴν ἐκκλησίαν φάσκων ἐπὶ τεύχουσ ἀλφίτων σωθῆναι·

ἐπιστέλλειν δ’ αὐτῷ τοὺσ ἀπολλυμένουσ, ἐὰν σωθῇ, ἀπαγγεῖλαι τῷ δήμῳ ὅτι οἱ στρατηγοὶ οὐκ ἀνείλοντο τοὺσ ἀρίστουσ ὑπὲρ τῆσ πατρίδοσ γενομένουσ. τὸν δὲ Καλλίξενον προσεκαλέσαντο παράνομα φάσκοντεσ συγγεγραφέναι Εὐρυπτόλεμόσ τε ὁ Πεισιάνακτοσ καὶ ἄλλοι τινέσ.

τοῦ δὲ δήμου ἔνιοι ταῦτα ἐπῄνουν, τὸ δὲ πλῆθοσ ἐβόα δεινὸν εἶναι εἰ μή τισ ἐάσει τὸν δῆμον πράττειν ὃ ἂν βούληται. καὶ ἐπὶ τούτοισ εἰπόντοσ Λυκίσκου καὶ τούτουσ τῇ αὐτῇ ψήφῳ κρίνεσθαι ᾗπερ καὶ τοὺσ στρατηγούσ, ἐὰν μὴ ἀφῶσι τὴν κλῆσιν, ἐπεθορύβησε πάλιν ὁ ὄχλοσ, καὶ ἠναγκάσθησαν ἀφιέναι τὰσ κλήσεισ.

τῶν δὲ πρυτάνεών τινων οὐ φασκόντων προθήσειν τὴν διαψήφισιν παρὰ τὸν νόμον, αὖθισ Καλλίξενοσ ἀναβὰσ κατηγόρει αὐτῶν τὰ αὐτά.

οἱ δὲ ἐβόων καλεῖν τοὺσ οὐ φάσκοντασ.

οἱ δὲ πρυτάνεισ φοβηθέντεσ ὡμολόγουν πάντεσ προθήσειν πλὴν Σωκράτουσ τοῦ Σωφρονίσκου· οὗτοσ δ’ οὐκ ἔφη ἀλλ’ ἢ κατὰ νόμον πάντα ποιήσειν. μετὰ δὲ ταῦτα ἀναβὰσ Εὐρυπτόλεμοσ ἔλεξεν ὑπὲρ τῶν στρατηγῶν τάδε.

τὰ μὲν κατηγορήσων, ὦ ἄνδρεσ Ἀθηναῖοι, ἀνέβην ἐνθάδε Περικλέουσ ἀναγκαίου μοι ὄντοσ καὶ ἐπιτηδείου καὶ Διομέδοντοσ φίλου, τὰ δ’ ὑπεραπολογησόμενοσ, τὰ δὲ συμβουλεύσων ἅ μοι δοκεῖ ἄριστα εἶναι ἁπάσῃ τῇ πόλει.

κατηγορῶ μὲν οὖν αὐτῶν ὅτι ἔπεισαν τοὺσ συνάρχοντασ βουλομένουσ πέμπειν γράμματα τῇ τε βουλῇ καὶ ὑμῖν ὅτι ἐπέταξαν τῷ Θηραμένει καὶ Θρασυβούλῳ τετταράκοντα καὶ ἑπτὰ τριήρεσιν ἀνελέσθαι τοὺσ ναυαγούσ, οἱ δὲ οὐκ ἀνείλοντο.

εἶτα νῦν τὴν αἰτίαν κοινὴν ἔχουσιν ἐκείνων ἰδίᾳ ἁμαρτόντων, καὶ ἀντὶ τῆσ τότε φιλανθρωπίασ νῦν ὑπ’ ἐκείνων τε καί τινων ἄλλων ἐπιβουλευόμενοι κινδυνεύουσιν ἀπολέσθαι;

οὔκ, ἂν ὑμεῖσ γέ μοι πείθησθε τὰ δίκαια καὶ ὅσια ποιοῦντεσ, καὶ ὅθεν μάλιστ’ ἀληθῆ πεύσεσθε καὶ οὐ μετανοήσαντεσ ὕστερον εὑρήσετε σφᾶσ αὐτοὺσ ἡμαρτηκότασ τὰ μέγιστα εἰσ θεούσ τε καὶ ὑμᾶσ αὐτούσ.

συμβουλεύω δ’ ὑμῖν, ἐν οἷσ οὔθ’ ὑπ’ ἐμοῦ οὔθ’ ὑπ’ ἄλλου οὐδενὸσ ἔστιν ἐξαπατηθῆναι ὑμᾶσ, καὶ τοὺσ ἀδικοῦντασ εἰδότεσ κολάσεσθε ᾗ ἂν βούλησθε δίκῃ, καὶ ἅμα πάντασ καὶ καθ’ ἕνα ἕκαστον, εἰ μὴ πλέον, ἀλλὰ μίαν ἡμέραν δόντεσ αὐτοῖσ ὑπὲρ αὑτῶν ἀπολογήσασθαι, μὴ ἄλλοισ μᾶλλον πιστεύοντεσ ἢ ὑμῖν αὐτοῖσ. ἴστε δέ, ὦ ἄνδρεσ Ἀθηναῖοι, πάντεσ ὅτι τὸ Καννωνοῦ ψήφισμά ἐστιν ἰσχυρότατον, ὃ κελεύει, ἐάν τισ τὸν τῶν Ἀθηναίων δῆμον ἀδικῇ, δεδεμένον ἀποδικεῖν ἐν τῷ δήμῳ, καὶ ἐὰν καταγνωσθῇ ἀδικεῖν, ἀποθανεῖν εἰσ τὸ βάραθρον ἐμβληθέντα, τὰ δὲ χρήματα αὐτοῦ δημευθῆναι καὶ τῆσ θεοῦ τὸ ἐπιδέκατον εἶναι.

κατὰ τοῦτο τὸ ψήφισμα κελεύω κρίνεσθαι τοὺσ στρατηγοὺσ καὶ νὴ Δία, ἂν ὑμῖν γε δοκῇ, πρῶτον Περικλέα τὸν ἐμοὶ προσήκοντα·

αἰσχρὸν <γάρ> μοί ἐστιν ἐκεῖνον περὶ πλείονοσ ποιεῖσθαι ἢ τὴν ὅλην πόλιν. τοῦτο δ’ εἰ βούλεσθε, κατὰ τόνδε τὸν νόμον κρίνατε, ὅσ ἐστιν ἐπὶ τοῖσ ἱεροσύλοισ καὶ προδόταισ, ἐάν τισ ἢ τὴν πόλιν προδιδῷ ἢ τὰ ἱερὰ κλέπτῃ, κριθέντα ἐν δικαστηρίῳ, ἂν καταγνωσθῇ, μὴ ταφῆναι ἐν τῇ Ἀττικῇ, τὰ δὲ χρήματα αὐτοῦ δημόσια εἶναι.

τούτων ὁποτέρῳ βούλεσθε, ὦ ἄνδρεσ Ἀθηναῖοι, τῷ νόμῳ κρινέσθων οἱ ἄνδρεσ κατὰ ἕνα ἕκαστον διῃρημένων τῆσ ἡμέρασ τριῶν μερῶν, ἑνὸσ μὲν ἐν ᾧ συλλέγεσθαι ὑμᾶσ δεῖ καὶ διαψηφίζεσθαι ἐάν τε ἀδικεῖν δοκῶσιν ἐάν τε μή, ἑτέρου δ’ ἐν ᾧ κατηγορῆσαι, ἑτέρου δ’ ἐν ᾧ ἀπολογήσασθαι.

τούτων δὲ γιγνομένων οἱ μὲν ἀδικοῦντεσ τεύξονται τῆσ μεγίστησ τιμωρίασ, οἱ δ’ ἀναίτιοι ἐλευθερωθήσονται ὑφ’ ὑμῶν, ὦ Ἀθηναῖοι, καὶ οὐκ ἀδικοῦντεσ ἀπολοῦνται.

ὑμεῖσ δὲ κατὰ τὸν νόμον εὐσεβοῦντεσ καὶ εὐορκοῦντεσ κρινεῖτε καὶ οὐ συμπολεμήσετε Λακεδαιμονίοισ τοὺσ ἐκείνουσ ἑβδομήκοντα ναῦσ ἀφελομένουσ καὶ νενικηκότασ, τούτουσ ἀπολλύντεσ ἀκρίτουσ παρὰ τὸν νόμον.

τί δὲ καὶ δεδιότεσ σφόδρα οὕτωσ ἐπείγεσθε;

ἢ μὴ οὐχ ὑμεῖσ ὃν ἂν βούλησθε ἀποκτείνητε καὶ ἐλευθερώσητε, ἂν κατὰ τὸν νόμον κρίνητε, ἀλλ’ οὐκ ἂν παρὰ τὸν νόμον, ὥσπερ Καλλίξενοσ τὴν βουλὴν ἔπεισεν εἰσ τὸν δῆμον εἰσενεγκεῖν μιᾷ ψήφῳ; ἀλλ’ ἴσωσ ἄν τινα καὶ οὐκ αἴτιον ὄντα ἀποκτείναιτε, μεταμελήσει δὴ ὕστερον.

ἀναμνήσθητε ὡσ ἀλγεινὸν καὶ ἀνωφελὲσ ἤδη ἐστί, πρὸσ δ’ ἔτι καὶ περὶ θανάτου ἀνθρώπου ἡμαρτηκότεσ. δεινὰ δ’ ἂν ποιήσαιτε, εἰ Ἀριστάρχῳ μὲν πρότερον τὸν δῆμον καταλύοντι, εἶτα δ’ Οἰνόην προδιδόντι Θηβαίοισ πολεμίοισ οὖσιν, ἔδοτε ἡμέραν ἀπολογήσασθαι ᾗ ἐβούλετο καὶ τἆλλα κατὰ τὸν νόμον προύθετε, τοὺσ δὲ στρατηγοὺσ τοὺσ πάντα ὑμῖν κατὰ γνώμην πράξαντασ, νικήσαντασ δὲ τοὺσ πολεμίουσ, τῶν αὐτῶν τούτων ἀποστερήσετε.

μὴ ὑμεῖσ γε, ὦ Ἀθηναῖοι, ἀλλ’ ἑαυτῶν ὄντασ τοὺσ νόμουσ, δι’ οὓσ μάλιστα μέγιστοί ἐστε, φυλάττοντεσ, ἄνευ τούτων μηδὲν πράττειν πειρᾶσθε.

ἐπανέλθετε δὲ καὶ ἐπ’ αὐτὰ τὰ πράγματα καθ’ ἃ καὶ αἱ ἁμαρτίαι δοκοῦσι γεγενῆσθαι τοῖσ στρατηγοῖσ. ἐπεὶ γὰρ κρατήσαντεσ τῇ ναυμαχίᾳ εἰσ τὴν γῆν κατέπλευσαν, Διομέδων μὲν ἐκέλευεν ἀναχθέντασ ἐπὶ κέρωσ ἅπαντασ ἀναιρεῖσθαι τὰ ναυάγια καὶ τοὺσ ναυαγούσ, Ἐρασινίδησ δ’ ἐπὶ τοὺσ πρὸσ Μυτιλήνην πολεμίουσ τὴν ταχίστην πλεῖν ἅπαντασ· Θράσυλλοσ δὲ ἀμφότερα ἔφη γενέσθαι, ἂν τὰσ μὲν αὐτοῦ καταλίπωσι, ταῖσ δὲ ἐπὶ τοὺσ πολεμίουσ πλέωσι· καὶ δοξάντων τούτων καταλιπεῖν τρεῖσ ναῦσ ἕκαστον ἐκ τῆσ αὑτοῦ συμμορίασ, τῶν στρατηγῶν ὀκτὼ ὄντων, καὶ τὰσ τῶν ταξιάρχων δέκα καὶ τὰσ Σαμίων δέκα καὶ τὰσ τῶν ναυάρχων τρεῖσ, αὗται ἅπασαι γίγνονται ἑπτὰ καὶ τετταράκοντα, τέτταρεσ περὶ ἑκάστην ναῦν τῶν ἀπολωλυιῶν δώδεκα οὐσῶν.

τῶν δὲ καταλειφθέντων <τῶν> τριηράρχων ἦσαν καὶ Θρασύβουλοσ καὶ Θηραμένησ, ὃσ ἐν τῇ προτέρᾳ ἐκκλησίᾳ κατηγόρει τῶν στρατηγῶν.

ταῖσ δὲ ἄλλαισ ναυσὶν ἔπλεον ἐπὶ τὰσ πολεμίασ. τί τούτων οὐχ ἱκανῶσ καὶ καλῶσ ἔπραξαν; οὐκοῦν δίκαιον τὰ μὲν πρὸσ τοὺσ πολεμίουσ μὴ καλῶσ πραχθέντα τοὺσ πρὸσ τούτοισ ταχθέντασ ὑπέχειν λόγον, τοὺσ δὲ πρὸσ τὴν ἀναίρεσιν μὴ ποιήσαντασ ἃ οἱ στρατηγοὶ ἐκέλευσαν, διότι οὐκ ἀνείλοντο κρίνεσθαι. τοσοῦτον δ’ ἔχω εἰπεῖν ὑπὲρ ἀμφοτέρων, ὅτι ὁ χειμὼν διεκώλυσε μηδὲν πρᾶξαι ὧν οἱ στρατηγοὶ παρεσκευάσαντο.

τούτων δὲ μάρτυρεσ οἱ σωθέντεσ ἀπὸ τοῦ αὐτομάτου, ὧν εἷσ τῶν ἡμετέρων στρατηγῶν ἐπὶ καταδύσησ νεὼσ διασωθείσ, ὃν κελεύουσι τῇ αὐτῇ ψήφῳ κρίνεσθαι, καὶ αὐτὸν τότε δεόμενον ἀναιρέσεωσ, ᾗπερ τοὺσ οὐ πράξαντασ τὰ προσταχθέντα. μὴ τοίνυν, ὦ ἄνδρεσ Ἀθηναῖοι, ἀντὶ μὲν τῆσ νίκησ καὶ τῆσ εὐτυχίασ ὅμοια ποιήσητε τοῖσ ἡττημένοισ τε καὶ ἀτυχοῦσιν, ἀντὶ δὲ τῶν ἐκ θεοῦ ἀναγκαίων ἀγνωμονεῖν δόξητε, προδοσίαν καταγνόντεσ ἀντὶ τῆσ ἀδυναμίασ οὐχ ἱκανοὺσ γενομένουσ διὰ τὸν χειμῶνα πρᾶξαι τὰ προσταχθέντα·

ἀλλὰ πολὺ δικαιότερον στεφάνοισ γεραίρειν τοὺσ νικῶντασ ἢ θανάτῳ ζημιοῦν πονηροῖσ ἀνθρώποισ πειθομένουσ. ταῦτ’ εἰπὼν Εὐρυπτόλεμοσ ἔγραψε γνώμην κατὰ τὸ Καννωνοῦ ψήφισμα κρίνεσθαι τοὺσ ἄνδρασ δίχα ἕκαστον·

ἡ δὲ τῆσ βουλῆσ ἦν μιᾷ ψήφῳ ἅπαντασ κρίνειν. τούτων δὲ διαχειροτονουμένων τὸ μὲν πρῶτον ἔκριναν τὴν Εὐρυπτολέμου· ὑπομοσαμένου δὲ Μενεκλέουσ καὶ πάλιν διαχειροτονίασ γενομένησ ἔκριναν τὴν τῆσ βουλῆσ. καὶ μετὰ ταῦτα κατεψηφίσαντο τῶν ναυμαχησάντων στρατηγῶν ὀκτὼ ὄντων· ἀπέθανον δὲ οἱ παρόντεσ ἕξ. καὶ οὐ πολλῷ χρόνῳ ὕστερον μετέμελε τοῖσ Ἀθηναίοισ, καὶ ἐψηφίσαντο, οἵτινεσ τὸν δῆμον ἐξηπάτησαν, προβολὰσ αὐτῶν εἶναι, καὶ ἐγγυητὰσ καταστῆσαι, ἑώσ ἂν κριθῶσιν, εἶναι δὲ καὶ Καλλίξενον τούτων.

προυβλήθησαν δὲ καὶ ἄλλοι τέτταρεσ, καὶ ἐδέθησαν ὑπὸ τῶν ἐγγυησαμένων, ὕστερον δὲ στάσεώσ τινοσ γενομένησ, ἐν ᾗ Κλεοφῶν ἀπέθανεν, ἀπέδρασαν οὗτοι, πρὶν κριθῆναι· Καλλίξενοσ δὲ κατελθὼν ὅτε καὶ οἱ ἐκ Πειραιῶσ εἰσ τὸ ἄστυ, μισούμενοσ ὑπὸ πάντων λιμῷ ἀπέθανεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Hellenica, Ἑλληνικῶν Α, chapter 7

(크세노폰, Hellenica, Ἑλληνικῶν Α, chapter 7)

상위

목록

SEARCH

MENU NAVIGATION