Xenophon, Cyropaedia, Κύρου Παιδείασ Ζ, chapter 1 54:

ἀκούσαντεσ ταῦτα ἐπήροντο· ἢν δὲ γενώμεθά σοι φίλοι, τί ἡμῖν ἀξιώσεισ χρῆσθαι; ἀπεκρίνατο ὁ Κῦροσ εὖ ποιεῖν καὶ εὖ πάσχειν. ἐπηρώτων πάλιν οἱ Αἰγύπτιοι τίνα εὐεργεσίαν· πρὸσ τοῦτο εἶπεν ὁ Κῦροσ· μισθὸν μὲν ὑμῖν δοίην ἂν πλείονα ἢ νῦν ἐλαμβάνετε ὅσον ἂν χρόνον πόλεμοσ ᾖ· εἰρήνησ δὲ γενομένησ τῷ βουλομένῳ ὑμῶν μένειν παρ’ ἐμοὶ χώραν τε δώσω καὶ πόλεισ καὶ γυναῖκασ καὶ οἰκέτασ.