헬라어 문장 검색 - ΠολψβίΗιστορί09́024́

(폴리비오스, Histories, book 9, chapter 23)

γνοίη δ’ ἄν τισ ἐπὶ πολλῶν τῶν ἤδη γεγονότων ἐπιστήσασ. τίσ γὰρ Ἀγαθοκλέα τὸν Σικελίασ τύραννον οὐχ ἱστόρηκε διότι δόξασ ὠμότατοσ εἶναι κατὰ τὰσ πρώτασ ἐπιβολὰσ καὶ τὴν κατασκευὴν τῆσ δυναστείασ, μετὰ ταῦτα νομίσασ βεβαίωσ ἐνδεδέσθαι τὴν Σικελιωτῶν ἀρχὴν πάντων ἡμερώτατοσ δοκεῖ γεγονέναι καὶ πρᾳότατοσ;

ἔτι δὲ Κλεομένησ ὁ Σπαρτιάτησ οὐ χρηστότατοσ μὲν βασιλεύσ, πικρότατοσ δὲ τύραννοσ, εὐτραπελώτατοσ δὲ πάλιν ἰδιώτησ καὶ φιλανθρωπότατοσ;

καίτοι γ’ οὐκ εἰκὸσ ἦν περὶ τὰσ αὐτὰσ φύσεισ τὰσ ἐναντιωτάτασ διαθέσεισ ὑπάρχειν·

ἀλλ’ ἀναγκαζόμενοι ταῖσ τῶν πραγμάτων μεταβολαῖσ συμμετατίθεσθαι τὴν ἐναντίαν τῇ φύσει πολλάκισ ἐμφαίνουσι διάθεσιν ἔνιοι τῶν δυναστῶν πρὸσ τοὺσ ἐκτόσ, ὥστε μὴ οἱο͂ν ἐλέγχεσθαι τὰσ φύσεισ διὰ τούτων, τὸ δ’ ἐναντίον ἐπισκοτεῖσθαι μᾶλλον. τὸ δ’ αὐτὸ καὶ διὰ τὰσ τῶν φίλων παραθέσεισ εἰώθε συμβαίνειν οὐ μόνον ἡγεμόσι καὶ δυνάσταισ καὶ βασιλεῦσιν, ἀλλὰ καὶ πόλεσιν.

Ἀθηναίων γοῦν εὑρ́οι τισ ἂν ὀλίγα μὲν τὰ πικρά, πολλὰ δὲ τὰ χρηστὰ καὶ σεμνὰ τῆσ πολιτείασ Ἀριστείδου καὶ Περικλέουσ προεστώτων, Κλέωνοσ δὲ καὶ Χάρητοσ τἀναντία·

Λακεδαιμονίων δ’ ἡγουμένων τῆσ Ἑλλάδοσ ὅσα μὲν διὰ Κλεομβρότου τοῦ βασιλέωσ πράττοιτο, πάντα συμμαχικὴν εἶχε τὴν αἱρ́εσιν, ὅσα δὲ δι’ Ἀγησιλάου, τοὐναντίον·

ὥστε καὶ τὰ τῶν πόλεων ἔθη ταῖσ τῶν προεστώτων διαφοραῖσ συμμεταπίπτειν.

Φίλιπποσ δ’ ὁ βασιλεύσ, ὅτε μὲν Ταυρίων ἢ Δημήτριοσ αὐτῷ συμπράττοιεν, ἦν ἀσεβέστατοσ, ὅτε δὲ πάλιν Ἄρατοσ ἢ Χρυσόγονοσ, ἡμερώτατοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 9, chapter 23

(폴리비오스, Histories, book 9, chapter 23)

상위

목록

SEARCH

MENU NAVIGATION