헬라어 문장 검색 - Πλυταρ́Πηιλοπό07́

(플루타르코스, Philopoemen, chapter 7)

ἐκ τούτου δόξαν ἔσχεν, ὥσπερ εἰκὸσ, ὁ Φιλοποίμην, καὶ τοῦ μὲν Ἀντιγόνου σπουδάσαντοσ ὅπωσ στρατεύοιτο μετ’ αὐτοῦ, καὶ διδόντοσ ἡγεμονίαν καὶ χρήματα, παρῃτήσατο, μάλιστα τὴν ἑαυτοῦ φύσιν καταμαθὼν πρὸσ τὸ ἄρχεσθαι δυσκόλωσ καὶ χαλεπῶσ ἔχουσαν, ἀργεῖν δὲ καὶ σχολάζειν οὐ βουλόμενοσ ἀσκήσεωσ ἕνεκα καὶ μελέτησ τῶν πολεμικῶν εἰσ Κρήτην ἔπλευσεν ἐπὶ στρατείαν. κἀκεῖ συχνὸν χρόνον ἐγγυμνασάμενοσ ἀνδράσι μαχίμοισ καὶ ποικίλοισ μεταχειρίσασθαι πόλεμον, ἔτι δὲ σώφροσι καὶ κεκολασμένοισ περὶ δίαιταν, ἐπανῆλθεν οὕτω λαμπρὸσ εἰσ τοὺσ Ἀχαιούσ ὥστε εὐθὺσ ἵππαρχοσ ἀποδειχθῆναι.

ὃ μέγιστον ἦν ἐν τοῖσ τακτικοῖσ, ἐλαφροὺσ καὶ ὀξεῖσ πρόσ τε τὰσ κατ’ οὐλαμὸν ἐπιστροφὰσ καὶ περισπασμοὺσ καὶ τὰσ καθ’ ἵππον ἐπιστροφὰσ καὶ κλίσεισ ἀπειργάσατο, καὶ συνείθισεν ὡσ ἑνὶ σώματι κινουμένῳ καθ’ ὁρμὴν ἑκούσιον ἐοικέναι τὴν ὅλου τοῦ συστήματοσ ἐν ταῖσ μεταβολαῖσ εὐχέρειαν.

συστάσησ δὲ τῆσ περὶ τὸν Λάρισσον αὐτοῖσ ποταμὸν ἰσχυρᾶσ μάχησ πρόσ Αἰτωλοὺσ καὶ Ἠλείουσ, ὁ τῶν Ἠλείων ἵππαρχοσ Δαμόφαντοσ ὡρ́μησεν ἐπὶ τὸν Φιλοποίμενα προεξελάσασ.

δεξάμενοσ δὲ τὴν ὁρμὴν ἐκεῖνοσ αὐτοῦ καὶ φθάσασ τῷ δόρατι παίει καὶ καταβάλλει τὸν Δαμόφαντον. εὐθὺσ δὲ τούτου πεσόντοσ ἔφυγον οἱ πολέμιοι, καὶ λαμπρὸσ ἦν ὁ Φιλοποίμην, ὡσ οὔτε κατὰ χεῖρα τῶν νέων τινὸσ οὔτε συνέσει τῶν πρεσβυτέρων ἀπολειπόμενοσ, ἀλλὰ καὶ μάχεσθαι καὶ στρατηγεῖν ἱκανώτατοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Philopoemen, chapter 7

(플루타르코스, Philopoemen, chapter 7)

상위

목록

SEARCH

MENU NAVIGATION