헬라어 문장 검색 - Πλυταρ́Λψξυργύ03́

(플루타르코스, Lycurgus, chapter 3)

ἀποθανόντοσ δὲ καὶ τούτου μετ’ ὀλίγον χρόνον ἔδει βασιλεύειν, ὡσ πάντεσ ᾤοντο, τὸν Λυκοῦργον· καὶ πρίν γε τὴν γυναῖκα τοῦ ἀδελφοῦ φανερὰν γενέσθαι κύουσαν ἐβασίλευεν. ἐπεὶ δὲ τοῦτο τάχιστα ᾔσθετο, τὴν μὲν βασιλείαν ἀπέφηνε τοῦ παιδὸσ οὖσαν, ἄνπερ ἄρρην γένηται, τὴν δὲ ἀρχὴν αὐτὸσ ὡσ ἐπίτροποσ διεῖπε. τοὺσ δὲ τῶν ὀρφανῶν βασιλέων ἐπιτρόπουσ Λακεδαιμόνιοι προδίκουσ ὠνόμαζον. ὡσ δὲ ἡ γυνὴ προσέπεμπε κρύφα καὶ λόγουσ ἐποιεῖτο, βουλομένη διαφθεῖραι τὸ βρέφοσ ἐπὶ τῷ συνοικεῖν ἐκείνῳ βασιλεύοντι τῆσ Σπάρτησ, τὸ μὲν ἦθοσ αὐτῆσ ἐμίσησε, πρὸσ δὲ τὸν λόγον αὐτὸν οὐκ ἀντεῖπεν, ἀλλ’ ἐπαινεῖν καὶ δέχεσθαι προσποιούμενοσ, οὐκ ἔφη δεῖν ἀμβλίσκουσαν αὐτὴν καὶ φαρμακευομένην διαλυμαίνεσθαι τὸ σῶμα καὶ κινδυνεύειν αὐτῷ γὰρ μελήσειν ὅπωσ εὐθὺσ ἐκποδὼν ἔσται τὸ γεννηθέν.

οὕτω δὲ παραγαγὼν ἄχρι τοῦ τόκου τὴν ἄνθρωπον, ὡσ ᾔσθετο τίκτουσαν, εἰσέπεμψε παρέδρουσ ταῖσ ὠδῖσιν αὐτῆσ καὶ φύλακασ, οἷσ ἦν προστεταγμένον, ἐὰν μὲν θῆλυ τεχθῇ, παραδοῦναι ταῖσ γυναιξίν, ἐὰν δὲ ἄρρεν, κομίσαι πρὸσ ἑαυτὸν ὅ τι ἂν τύχῃ πράττων.

κατέκλινεν ἐν τῇ βασιλικῇ χώρᾳ καὶ Χαρίλαον ὠνόμασε διὰ τὸ τοὺσ πάντασ εἶναι περιχαρεῖσ, ἀγαμένουσ αὐτοῦ τὸ φρόνημα καὶ τὴν δικαιοσύνην.

ἐβασίλευσε δὲ μῆνασ ὀκτὼ τὸ σύμπαν, ἦν δὲ καὶ τἆλλα περίβλεπτοσ ὑπὸ τῶν πολιτῶν, καὶ πλείονεσ ἐγένοντο τῶν ὡσ ἐπιτρόπῳ βασιλέωσ καὶ βασιλικὴν ἐξουσίαν ἔχοντι πειθομένων οἱ δι’ ἀρετὴν προσέχοντεσ αὐτῷ καὶ ποιεῖν ἐθέλοντεσ ἑτοίμωσ τὸ προσταττόμενον. ἦν δέ τι καὶ τὸ φθονοῦν καὶ πρὸσ τὴν αὔξησιν ὄντι νέῳ πειρώμενον ἐνίστασθαι, μάλιστα μὲν οἱ συγγενεῖσ καὶ οἰκεῖοι τῆσ τοῦ βασιλέωσ μητρὸσ ὑβρίσθαι δοκούσησ, ὁ δὲ ἀδελφὸσ αὐτῆσ Λεωνίδασ καὶ θρασύτερόν ποτε τῷ Λυκούργῳ λοιδορηθείσ, ὑπεῖπεν ὡσ εἰδείη σαφῶσ μέλλοντα βασιλεύειν αὐτόν, ὑπόνοιαν διδοὺσ καὶ προκαταλαμβάνων διαβολῇ τὸν Λυκοῦργον, εἴ τι συμβαίη τῷ βασιλεῖ παθεῖν, ὡσ ἐπιβεβουλευκότα.

τοιοῦτοι δὲ τινεσ λόγοι καὶ παρὰ τῆσ γυναικὸσ ἐξεφοίτων ἐφ’ οἷσ βαρέωσ φέρων καὶ δεδοικὼσ τὸ ἄδηλον, ἔγνω φυγεῖν ἀποδημίᾳ τὴν ὑπόνοιαν, καὶ πλανηθῆναι μέχρισ ἂν ὁ ἀδελφιδοῦσ ἐν ἡλικίᾳ γενόμενοσ τεκνώσῃ διάδοχον τῆσ βασιλείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lycurgus, chapter 3

(플루타르코스, Lycurgus, chapter 3)

상위

목록

SEARCH

MENU NAVIGATION