헬라어 문장 검색 - Πλυταρ́ΔεΑλεχά2́05́

(플루타르코스, De Alexandri magni fortuna aut virtute, chapter 2, section 5)

ὅθεν οὐκ ἐν τῇ κτήσει τῶν ἀγαθῶν ἀλλ’ ἐν τῇ χρήσει τὸ μέγ’ ἐστίν, ἐπεὶ καὶ νήπια βρέφη κληρονομεῖ βασιλείασ πατρῴασ καὶ ἀρχάσ, ὡσ Χάριλλοσ, ὃν Λυκοῦργοσ ἅμα τῷ σπαργάνῳ κομίσασ εἰσ τὸ φιδίτιον ἀνθ’ ἑαυτοῦ βασιλέα τῆσ Σπάρτησ ἀνηγόρευσε· καὶ οὐκ ἦν μέγασ ὁ νήπιοσ, ἀλλ’ ὁ τῷ νηπίῳ τὸ πατρῷον ἀποδοὺσ γέρασ καὶ μὴ σφετερισάμενοσ μηδ’ ἀποστερήσασ.

Ἀριδαῖον δὲ τίσ ἂν ἐποίησε μέγαν; ὃν οὐδὲν νηπίου διαφέροντα μόνον δὲ σπαργανωθέντα πορφύρᾳ Μελέαγροσ εἰσ τὸν Ἀλεξάνδρου θρόνον ἔθηκεν, εὖ γε ποιῶν, ἵν’ ὀφθῇ παρ’ ἡμέρασ ὀλίγασ πῶσ ἀρετῇ βασιλεύουσιν ἄνθρωποι καὶ πῶσ τύχῃ. ἀγωνιστῇ γὰρ ἡγεμονίασ ὑποκριτὴν ἐπεισήγαγε, μᾶλλον δ’ ὡσ ἐπὶ σκηνῆσ τὸ διάδημα κωφὸν διεξῆλθε τῆσ οἰκουμένησ. καί κε γυνὴ φέροι ἄχθοσ, ἐπεί κεν ἀνὴρ ἀναθείη.

τοὐναντίον μὲν οὖν εἴποι τισ ἂν ὅτι ἀναλαβεῖν καὶ ἀναθέσθαι δύναμιν καὶ πλοῦτον καὶ ἀρχὴν καὶ γυναικόσ ἐστι καὶ παιδόσ· Οἄρσῃ καὶ Δαρείῳ Βαγώασ ὁ εὐνοῦχοσ ἀράμενοσ ἐπέθηκε τὴν Περσῶν βασιλείαν τὸ δὲ λαβόντα μεγάλην ἐξουσίαν ἐνεγκεῖν καὶ μεταχειρίσασθαι καὶ μὴ συντριβῆναι μηδὲ διαστραφῆναι τῷ βάρει καὶ μεγέθει τῶν πραγμάτων, ἀνδρόσ ἐστιν ἀρετὴν καὶ νοῦν καὶ φρόνημ’ ἔχοντοσ· ἣν Ἀλέξανδροσ ἔσχεν, ᾧ μέθην τινὲσ ἐγκαλοῦσι καὶ οἴνωσιν.

ὁ δ’ ἦν μέγασ, ἐν τοῖσ πράγμασι νήφων καὶ μὴ μεθυσθεὶσ μηδὲ βακχευθεὶσ ὑπ’ ἐξουσίασ καὶ δυνάμεωσ, ἧσ μικρὸν ἕτεροι μεταλαβόντεσ καὶ ἀπογευσάμενοι κρατεῖν ἑαυτῶν οὐ δύνανται· κακοὶ γὰρ ἐμπλησθέντεσ ἢ νομίσματοσ, ἢ πόλεοσ ἐμπεσόντεσ εἰσ τιμάσ τινασ, σκιρτῶσιν, ἀδόκητ’ εὐτυχησάντων δόμων. Κλεῖτοσ ἐν Ἀμοργῷ τρεῖσ ἢ τέτταρασ Ἑλληνικὰσ ἀνατρέψασ τριήρεισ Ποσειδῶν ἀνηγορεύθη καὶ τρίαιναν ἐφόρει.

Δημήτριοσ δέ, ᾧ τῆσ Ἀλεξάνδρου δυνάμεωσ ἡ Τύχη σμικρὸν ἀποσπάσασα προσέθηκε, Καταιβάτησ καλούμενοσ ὑπήκουε, καὶ πρέσβεισ πρὸσ αὐτὸν οὐκ ἔπεμπον ἀλλὰ θεωροὺσ αἱ πόλεισ, καὶ τὰσ ἀποκρίσεισ χρησμοὺσ προσηγόρευον. "νῦν Βυζάντιοι πρὸσ ἐμὲ ἥκουσιν, ὅτε τῇ λόγχῃ τοῦ οὐρανοῦ ἅπτομαι. "μὴ τῇ ἐπιδορατίδι τὸν οὐρανὸν τρυπήσῃ.

καίτοι τί ἂν περὶ τούτων λέγοι τισ, οἷσ ἐξῆν δι’ Ἀλέξανδρον μέγα φρονεῖν, ὅπου καὶ Κλέαρχοσ Ἡρακλείασ τύραννοσ γενόμενοσ σκηπτὸν ἐφόρει, καὶ τῶν υἱῶν ἕνα Κεραυνὸν ὠνόμασε; Διονύσιοσ δὲ ὁ νεώτεροσ Ἀπόλλωνοσ υἱὸν ἑαυτὸν ὠνόμασεν, ἐπιγράψασ Δωρίδοσ ἐκ μητρὸσ Φοίβου κοινώμασι βλαστών. ὁ δὲ πατὴρ αὐτοῦ τῶν μὲν πολιτῶν μυρίουσ ἢ καὶ πλείουσ ἀνελών, προδοὺσ δὲ τὸν ἀδελφὸν ὑπὸ φθόνου τοῖσ πολεμίοισ, οὐκ ἀναμείνασ δὲ τὴν μητέρα γραῦν οὖσαν ὀλίγαισ ἡμέραισ ἀποθανεῖν ὕστερον ἀλλ’ ἀποπνίξασ, ἐν δὲ τραγῳδίᾳ γράψασ αὐτὸσ ἡ γάρ τυραννὶσ ἀδικίασ μήτηρ ἔφυ· ὅμωσ τῶν θυγατέρων τὴν μὲν Ἀρετὴν τὴν δὲ Σωφροσύνην ὠνόμασε τὴν δὲ Δικαιοσύνην.

οἱ δ’ Εὐεργέτασ οἱ δὲ Καλλινίκουσ οἱ δὲ Σωτῆρασ οἱ δὲ Μεγάλουσ ἀνηγόρευσαν ἑαυτούσ. γάμουσ δ’ αὐτῶν ἐπαλλήλουσ ὥσπερ ἵππων ἐν ἀγέλαισ γυναικῶν ἀνέδην διημερευόντων, καὶ φθορὰσ παίδων καὶ τυμπανισμοὺσ ἐν ἀνδρογύνοισ καὶ κυβείασ μεθημερινὰσ καὶ αὐλήσεισ ἐν θεάτροισ, καὶ νύκτα μὲν ἐν δείπνοισ ἡμέραν δ’ ἐν ἀρίστοισ ἐπιλείπουσαν, οὐδεὶσ ἂν ἐφίκοιτο τῷ λόγῳ διελθεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Alexandri magni fortuna aut virtute, chapter 2, section 5

(플루타르코스, De Alexandri magni fortuna aut virtute, chapter 2, section 5)

상위

목록

SEARCH

MENU NAVIGATION