헬라어 문장 검색 - Πλυταρ́ΔεΑλεχά2́04́

(플루타르코스, De Alexandri magni fortuna aut virtute, chapter 2, section 4)

εἴπωμεν οὖν ὅτι μικροὺσ ἡ Τύχη καὶ περιδεεῖσ ποιεῖ καὶ ταπεινόφρονασ; ἀλλ’ οὐ δίκαιον οὔτε κακίαν εἰσ ἀτυχίαν οὔτ’ ἀνδρείαν καὶ φρόνησιν εἰσ εὐτυχίαν τινὰ τίθεσθαι. μέγα δὲ τῷ ἄρχειν Ἀλέξανδρον ἡ Τύχη· καὶ γὰρ ἔνδοξοσ ἐν ἐκείνῳ καὶ ἀήττητοσ καὶ μεγαλόφρων καὶ ἀνύβριστοσ καὶ φιλάνθρωποσ εἶτ’ ἐκλιπόντοσ εὐθὺσ ὁ Λεωσθένησ ἔλεγε τὴν δύναμιν ἐμπλανωμένην ἑαυτῇ καὶ περιπίπτουσαν ἐοικέναι τῷ Κύκλωπι μετὰ τὴν τύφλωσιν ἐκτείνοντι πανταχοῖ τὰσ χεῖρασ ἐπ’ οὐδένα σκοπὸν φερομένασ· οὕτωσ ἐρρέμβετο κενεμβατοῦν καὶ σφαλλόμενον ὑπ’ ἀναρχίασ τὸ μέγεθοσ αὐτῆσ.

μᾶλλον δ’ ὥσπερ τὰ νεκρὰ σώματα, τῆσ ψυχῆσ ἐκλιπούσησ, οὐκέτι συνέστηκεν οὐδὲ συμπέφυκεν, ἀλλ’ ἐξίσταται καὶ διαλύεται ἀπ’ ἀλλήλων καὶ ἄπεισι καὶ φεύγει· οὕτωσ ἀφεῖσα τὸν Ἀλέξανδρον ἡ δύναμισ ἤσπαιρεν, ἐπάλλετο, ἐφλέγμαινε Περδίκκαισ καὶ Μελεάγροισ καὶ Σελεύκοισ καὶ Ἀντιγόνοισ, ὥσπερ πνεύμασι θερμοῖσ ἔτι καὶ σφυγμοῖσ διᾴττουσι καὶ διαφερομένοισ· τέλοσ δ’ ἀπομαραινομένη καὶ φθίνουσα περὶ αὑτὴν οἱο͂ν εὐλάσ τινασ ἀνέζεσεν ἀγεννῶν βασιλέων καὶ ἡγεμόνων ψυχορραγούντων.

"ἡ σὴ δύναμισ ἢ πρᾶξισ, ἂν σού τισ ἀφέλῃ τὸν Ἀλέξανδρον; "τί σου τὸ μέγεθοσ, τίσ δ’ ἡ δόξα, ποῦ δ’ ἡ δύναμισ, ποῦ δὲ τὸ ἀνίκητον, ἂν σού τισ ἀφέλῃ τὸν Ἀλέξανδρον; "ἂν σοὺ τισ ἀφέλῃ τῶν ὅπλων τὴν ἐμπειρίαν, τοῦ πλούτου τὴν φιλοτιμίαν, τῆσ πολυτελείασ τὴν ἐγκράτειαν, ὧν ἀγωνίζῃ τὸ θάρσοσ, ἐν οἷσ κρατεῖσ τὴν πραότητα;

"ποίησον ἄλλον εἰ δύνασαι μέγαν, τοῖσ χρήμασι μὴ χαριζόμενον, τοῖσ στρατεύμασι μὴ προκινδυνεύοντα, τοὺσ φίλουσ μὴ τιμῶντα, τοὺσ αἰχμαλώτουσ μὴ ἐλεοῦντα, ταῖσ ἡδοναῖσ μὴ σωφρονοῦντα, τοῖσ καιροῖσ μὴ ἀγρυπνοῦντα, ταῖσ νίκαισ μὴ εὐδιάλλακτον, τοῖσ κατορθώμασι μὴ φιλάνθρωπον. "τίσ μέγασ ἐν ἐξουσίαισ μετ’ ἀβελτερίασ καὶ μοχθηρίασ; "ἄφελε τὴν ἀρετὴν τοῦ εὐτυχοῦντοσ, καὶ πανταχοῦ μικρόσ ἐστιν, ἐν χάρισι διὰ σμικρολογίαν, ἐν πόνοισ διὰ μαλακίαν, παρὰ θεοῖσ διὰ δεισιδαιμονίαν, πρὸσ ἀγαθοὺσ διὰ φθόνον, ἐν ἀνδράσι διὰ φόβον, ἐν γυναιξὶ διὰ φιληδονίαν. ὥσπερ γὰρ οἱ φαῦλοι τεχνῖται βάσεισ μεγάλασ μικροῖσ ὑφιστάντεσ ἀναθήμασιν ἐλέγχουσιν αὐτῶν καὶ τὰσ μικρότητασ, οὕτωσ ἡ Τύχη, ὅταν μικρὸν ἦθοσ ἐξάρῃ πράγμασιν ἔχουσιν ὄγκον τινὰ καὶ περιφάνειαν, ἐπιδείκνυσι μᾶλλον καὶ καταισχύνει σφαλλόμενον καὶ σαλευόμενον ὑπὸ κουφότητοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Alexandri magni fortuna aut virtute, chapter 2, section 4

(플루타르코스, De Alexandri magni fortuna aut virtute, chapter 2, section 4)

상위

목록

SEARCH

MENU NAVIGATION