헬라어 문장 검색 - Πλυταρ́Ξρασσυσ́33́

(플루타르코스, chapter 33)

τούτων δὲ πραττομένων Ὑρώδησ ἐτύγχανεν ἤδη διηλλαγμένοσ Ἀρταουάσδῃ τῷ Ἀρμενίῳ καὶ τὴν ἀδελφὴν αὐτοῦ γυναῖκα Πακόρῳ τῷ παιδὶ καθωμολογημένοσ, ἑστιάσεισ τε καὶ πότοι δι’ ἀλλήλων ἦσαν αὐτοῖσ, καὶ πολλὰ παρεισήγετο τῶν ἀπὸ τῆσ Ἑλλάδοσ ἀκουσμάτων. ἦν γὰρ οὔτε φωνῆσ οὔτε γραμμάτων Ὑρώδησ Ἑλληνικῶν ἄπειροσ, ὁ δ’ Ἀρταοθάσδησ καὶ τραγῳδίασ ἐποίει καὶ λόγουσ ἔγραφε καὶ ἱστορίασ, ὧν ἔνιαι διασῴζονται, τῆσ δὲ κεφαλῆσ τοῦ Κράσσου κομισθείσησ ἐπὶ θύρασ ἀπηρμέναι μὲν ἦσαν αἱ τράπεζαι, τραγῳδιῶν δὲ ὑποκριτὴσ Ιἄσων ὄνομα Τραλλιανὸσ ᾖδεν Εὐριπίδου Βακχῶν τὰ περὶ τὴν Ἀγαύην.

εὐδοκιμοῦντοσ δ’ αὐτοῦ Σιλλάκησ ἐπιστὰσ τῷ ἀνδρῶνι καὶ προσκυνήσασ προὔβαλεν εἰσ μέσον τοῦ Κράσσου τὴν κεφαλήν, κρότῳ δὲ τῶν Πάρθων μετὰ κραυγῆσ καὶ χαρᾶσ ἀραμένων, τὸν μὲν Σιλλάκην κατέκλιναν οἱ ὑπηρέται βασιλέωσ κελεύσαντοσ, ὁ δ’ Ιἄσων τὰ μὲν τοῦ Πενθέωσ σκευοποιήματα παρέδωκέ τινι τῶν χορευτῶν, τῆσ δὲ τοῦ Κράσσου κεφαλῆσ λαβόμενοσ καὶ ἀναβακχεύσασ ἐπέραινεν ἐκεῖνα τὰ μέλη μετ’ ἐνθουσιασμοῦ καὶ ᾠδῆσ· φέρομεν ἐξ ὄρεοσ ἕλικα νεότομον ἐπὶ μέλαθρα, μακαρίαν θήραν.

καὶ ταῦτα μὲν πάντασ ἔτερπεν· ᾀδομένων δὲ τῶν ἑφεξῆσ ἀμοιβαίων πρὸσ τὸν χορόν, τίσ ἐφόνευσεν;

ἐμὸν τὸ γέρασ· ἀναπηδήσασ ὁ Πομαξάθρησ ἐτύγχανε δὲ δειπνῶν ἀντελαμβάνετο τῆσ κεφαλῆσ, ὡσ ἑαυτῷ λέγειν ταῦτα μᾶλλον ἢ; ἐκείνῳ προσῆκον. ἡσθεὶσ δ’ ὁ βασιλεὺσ τὸν μὲν οἷσ πάτριόν ἐστιν ἐδωρήσατο, τῷ δ’ Ιἄσονι τάλαντον ἔδωκεν. εἰσ τοιοῦτό φασιν ἐξόδιον τὴν Κράσσου στρατηγίαν ὥσπερ τραγῳδίαν τελευτῆσαι. δίκη μέντοι καὶ τῆσ ὠμότητοσ Ὑρώδην καὶ τῆσ ἐπιορκίασ Σουρήναν ἀξία μετῆλθεν.

Σουρήναν μὲν γὰρ οὐ μετὰ πολὺν χρόνον Ὑρώδησ φθόνῶ τῆσ δόξησ ἀπέκτεινεν, Ὑρώδῃ δὲ ἀποβαλόντι Πάκορον ὑπὸ Ῥωμαίων μάχῃ κρατηθέντα, καὶ νοσήσαντι νόσον εἰσ ὓδρωπα τραπεῖσαν, Φραάτησ ὁ υἱὸσ ἐπιβουλεύων ἀκόνιτον ἔδωκεν. ἀναδεξαμένησ δὲ τῆσ νόσου τὸ φάρμακον εἰσ ἑαυτὴν, ὥστε συνεκκριθῆναι, καὶ τοῦ σώματοσ κουφισθέντοσ, ἐπὶ τὴν ταχίστην τῶν ὁδῶν ἐλθὼν ὁ Φραάτησ ἀπέπνιξεν αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 33

(플루타르코스, chapter 33)

상위

목록

SEARCH

MENU NAVIGATION