헬라어 문장 검색 - Πλυταρ́Ξρασσυσ́24́

(플루타르코스, chapter 24)

ὁ δὲ Σουρήνασ μέγιστοσ καὶ κάλλιστοσ αὐτόσ, τῇ δὲ κατ’ ἀνδρείαν δόξῃ τὴν θηλύτητα τοῦ κάλλουσ οὐκ ἐοικώσ, ἀλλὰ Μηδικώτερον ἐσκευασμένοσ ἐντρίμμασι προσώπου καὶ κόμησ διακρίσει, τῶν ἄλλων Πάρθων ἔτι Σκυθικῶσ ἐπὶ τὸ φοβερὸν τῷ ἀνασίλλῳ κομώντων. καὶ πρῶτον μὲν διενοοῦντο τοῖσ κοντοῖσ εἰσελαύνοντεσ ὠθεῖν καὶ βιάζεσθαι τοὺσ προτάκτουσ·

ὡσ δ’ ἑώρων τό τε βάθοσ τοῦ συνασπισμοῦ καὶ τῶν ἀνδρῶν τὸ μόνιμον καὶ παρεστηκόσ, ἀνῆγον ὀπίσω καὶ σκίδνασθαι δοκοῦντεσ ἅμα καὶ διαλύειν τὴν τάξιν ἐλάνθανον ἐν κύκλῳ περιβάλλοντεσ τὸ πλινθίον αὐτῶν. Κράσσου δὲ τοὺσ ψιλοὺσ ἐκδραμεῖν κελεύσαντοσ, οὗτοι μὲν οὐ πολὺ προῆλθον, ἀλλὰ πολλοῖσ τοξεύμασιν ἐντυχόντεσ ταχὺ καὶ συμπαρέντεσ αὖθισ ἐνεδύοντο τοῖσ ὁπλίταισ, καὶ παρεῖχον ἀκοσμίασ ἀρχὴν καὶ δέουσ, ὁρῶσι τὸν τόνον τῶν ὀιστῶν καὶ τὴν ῥώμην ὅπλα τε ῥηγνύντων καὶ διὰ παντὸσ φερομένων ὁμοίωσ ἀντιτύπου καὶ μαλακοῦ στεγάσματοσ.

οἱ δὲ Πάρθοι διαστάντεσ ἐκ μήκουσ ἤρξαντο τοξεύειν ἅμα πανταχόθεν, οὐ τὴν ἀκριβῆ τοξείαν ἡ γὰρ συνέχεια καὶ πυκνότησ τῶν Ῥωμαίων οὐδὲ τῷ βουλομένῳ διαμαρτάνειν ἀνδρὸσ παρεῖχεν, εὐτόνουσ δὲ τὰσ πληγὰσ καὶ βιαίουσ διδόντεσ ἀπὸ τόξων κραταιῶν καὶ μεγάλων καὶ τῇ σκολιότητι τῆσ καμπῆσ ἠναγκασμένον τὸ βέλοσ ἀποστελλόντων.

ἦν οὖν αὐτόθεν ἤδη μοχθηρὰ τὰ Ῥωμαίων·

καὶ γὰρ μένοντεσ ἐν τάξει συνετιτρώσκοντο, καὶ χωρεῖν ὁμόσε πειρώμενοι τοῦ μὲν ποιεῖν ἴσον ἀπεῖχον, ὁμοίωσ δ’ ἔπασχον. ὑπέφευγον γὰρ ἅμα βάλλοντεσ οἱ Πάρθοι, καὶ τοῦτο κράτιστα ποιοῦσι μετὰ Σκύθασ· καὶ σοφώτατόν ἐστιν ἀμυνομένουσ ἔτι σῴζεσθαι καὶ τῆσ φυγῆσ ἀφαιρεῖν τὸ αἰσχρόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 24

(플루타르코스, chapter 24)

상위

목록

SEARCH

MENU NAVIGATION