헬라어 문장 검색 - Πλυταρ́Ξρασσυσ́21́

(플루타르코스, chapter 21)

ταῦτα τοῦ Κράσσου διασκοποῦντοσ ἔτι καὶ βουλευομένου παραγίνεται φύλαρχοσ Ἀράβων, Ἀριάμνησ ὄνομα, δολερὸσ καὶ παλίμβολοσ ἀνὴρ καὶ πάντων ὅσα συνήνεγκεν εἰσ ὄλεθρον ἡ τύχη κακὰ, μέγιστον αὐτοῖσ καὶ τελειότατον γενόμενοσ· τοῦτον δ’ ᾔδεσαν ἔνιοι τῶν Πομπηϊῴ συνεστρατευμένων ἀπολαύσαντά τι τῆσ ἐκείνου φιλανθρωπίασ καὶ δόξαντα φιλορρώμαιον εἶναι·

τότε δ’ ὑφεῖτο τῷ Κράσσῳ μετὰ γνώμησ τῶν βασιλέωσ στρατηγῶν, εἰ δύναιτο παρατρέψασ αὐτὸν ἀπωτάτω τοῦ ποταμοῦ καὶ τῶν ὑπωρειῶν εἰσ πεδίον ἐκβαλεῖν ἀχανὲσ καὶ περιελαυνόμενον. πάντα γὰρ διενοοῦντο μᾶλλον ἢ κατὰ στόμα προσφέρεσθαι Ῥωμαίοισ. ἐλθὼν οὖν πρὸσ τὸν Κράσσον ὁ βάρβαροσ ἦν δὲ καὶ πιθανὸσ εἰπεῖν Πομπήϊον μὲν ὡσ εὐεργέτην ἐπῄνει, Κράσσον δὲ, τῆσ δυνάμεωσ μακαρίσασ ἐμέμφετο τῆσ διατριβῆσ μέλλοντα καὶ παρασκευαζόμενον, ὥσπερ ὅπλων αὐτῷ δεῆσον, οὐ χειρῶν οὐδὲ ποδῶν τῶν ταχίστων ἐπ’ ἀνθρώπουσ οἳ πάλαι ζητοῦσιν ἁρπάσαντεσ τὰ τιμιώτατα τῶν χρημάτων καὶ σωμάτων εἰσ Σκύθασ ἢ Ὑρκανοὺσ ἀναπτέσθαι.

"σπεύδειν ἔδει, πρὶν ἅπασαν ἐν ταὐτῷ γενέσθαι τὴν δύναμιν ἀναθαρσήσαντοσ βασιλέωσ·

"ἐπεὶ νῦν γε Σουρήνασ ὑμῖν προβέβληται καὶ Σιλλάκησ ἐφ’ αὑτοὺσ ἀναδεξάμενοι τὴν δίωξιν, ὁ δ’ οὐδαμῇ φανερόσ ἐστιν. ταῦτα δὲ ἦν ψευδῆ πάντα, διχῇ γὰρ εὐθὺσ Ὑρώδησ διελὼν τὴν δύναμιν αὐτὸσ μὲν Ἀρμενίαν ἐπόρθει τιννύμενοσ Ἀρταουάσδην, Σουρήναν δ’ ἀφῆκεν ἐπὶ Ῥωμαίουσ, οὐχ ὑπερφροσύνῃ χρώμενοσ, ὡσ ἔνιοί φασιν·

οὐ γὰρ ἦν τοῦ αὐτοῦ Κράσσον μὲν ἀπαξιοῦν ἀνταγωνιστήν, ἄνδρα Ῥωμαίων πρῶτον, Ἀρταουάσδῃ δὲ προσπολεμεῖν καὶ ταῖσ Ἀρμενίων ἐπιόντα κώμαισ ἐξαιρεῖν ἀλλὰ καὶ πάνυ δοκεῖ καταδείσασ τὸν κίνδυνον αὐτὸσ μὲν ἐφεδρεύειν καὶ καραδοκεῖν τὸ μέλλον, Σουρήναν δὲ προκαθεῖναι πειρασόμενον μάχησ καὶ περιέλξοντα τοὺσ πολεμίουσ. οὐδὲ γὰρ ἦν τῶν τυχόντων ὁ Σουρήνασ, ἀλλὰ πλούτῳ μὲν καὶ γένει καὶ δόξῃ μετὰ βασιλέα δεύτεροσ, ἀνδρείᾳ δὲ καὶ δεινότητι τῶν καθ’ αὑτὸν ἐν Πάρθοισ πρῶτοσ ἔτι δὲ μεγέθει καὶ κάλλει σώματοσ ὡσ οὐδεὶσ ἕτεροσ, ἐξήλαυνε δὲ καθ’ ἑαυτὸν ἀεὶ χιλίαισ σκευοφορούμενοσ καμήλοισ, καὶ διακοσίασ ἀπήνασ ἐπήγετο παλλακίδων, ἱππεῖσ δὲ κατάφρακτοι χίλιοι, πλείονεσ δὲ τῶν κούφων παρέπεμπον, εἶχε δὲ τοὺσ σύμπαντασ ἱππεῖσ ὁμοῦ πελάτασ τε καὶ δούλουσ μυρίων οὐκ ἀποδέοντασ.

κατὰ γένοσ μὲν οὖν ἐξ ἀρχῆσ ἐκέκτητο βασιλεῖ γενομένῳ Πάρθων ἐπιτιθέναι τὸ διάδημα πρῶτοσ, Ὑρώδην δὲ τοῦτον αὐτὸν ἐξεληλαμένον εἰσ Πάρθουσ κατήγαγε, καὶ Σελεύκειαν αὐτῷ τὴν μεγάλην εἷλε πρῶτοσ ἐπιβὰσ τοῦ τείχουσ καὶ τρεψάμενοσ ἰδίᾳ χειρὶ τοὺσ ἀντιστάντασ.

οὔπω δὲ γεγονὼσ ἔτη τριάκοντα κατ’ ἐκεῖνον τὸν χρόνον εὐβουλίασ καὶ συνέσεωσ δόξαν εἶχε μεγίστην, οἷσ οὐχ ἥκιστα καὶ τὸν Κράσσον ἔσφηλε, διὰ θάρσοσ καὶ φρόνημα πρῶτον, εἶτα ὑπὸ δέουσ καὶ συμφορῶν ταῖσ ἀπάταισ εὐχείρωτον γενόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 21

(플루타르코스, chapter 21)

상위

목록

SEARCH

MENU NAVIGATION